Published_ 26 August 2023
နည်းပြတန်ဟက်၏အတောင့်တင်းဆုံး ပွဲထွက် ၁၁ယောက် စာရင်းတွင် မပါဝင်သော်လည်း ပွဲကစားခွင့်ရရှိရန် ယုံကြည်မှုရှိကြောင်းဆွီဒင် နောက်ခံလူ လင်ဒယ်လော့ဖ်က ဖွင့်ဟပြောကြားခဲ့သည်။
လင်ဒယ်လော့သည် ယခုရာသီတွင် မန်ယူသို့ ရောက်ရှိသည့် ၆ရာသီ မြောက်အဖြစ် ကစားမည်ဖြစ်ပြီး ပြီးခဲ့သည်ရာသီမှစ၍ ဗာရန်းနှင့်မာတီနက်ဇ်တို့၏အရန်ကစားသမားအဖြစ်သာရှိနေခဲ့သည်။
၎င်းသည်ပြီးခဲ့သည့် ရာသီတွင်ဒဏ်ရာကင်းစင်ခဲ့ပြီး ပရီးမီးယားလိဂ်ပွဲစဉ် ၁၄ ပွဲ ပွဲထွက်ကစားခဲ့ရကာမက်ဂွိုင်းယားတက်ဦးစားပေး၍ခံစစ်အရန်လူအဖြစ်နည်းပြက သတ်မှတ်နေရာပေးခဲ့သည်။
"ကမ္ဘာ့အကြီးဆုံးကလပ်တစ်ခုမှာ ကစားနေကြတဲ့ ကစားသမားတွေအတွက် နေရာတိုင်းမှာပြိုင်ဆိုင်မှုရှိနေမှာပါ၊ ဒါဟာပြဿနာမဟုတ်ပါဘူး။
ကျွန်တော်တို့ အတူတကွ ညီညွတ်စွာရှိနေကြပါတယ်" ဟု လင်ဒယ်လော့ က ပြောကြားခဲ့သည်။မန်ယူအသင်းသည် ယခုနွေရာသီတွင် ဗဟိုနောက်ခံလူသစ်တစ်ယောက်ကိုခေါ်ယူရန် စီစဉ်နေခဲ့သော်လည်း မက်ဂွိုင်းယား ဝက်စ်ဟမ်းသို့ပြောင်းရွှေ့မှုပျက်ပြယ်ခဲ့ပြီးနောက် နောင့်နှေးသွားခဲ့သည်။
အခြားသတင်း တစ်ရပ်တွင် မန်ယူဘယ်နောက်ခံလူ လုခ်ရှောသည် ကြွက်သားဒဏ်ရာကြောင့် ရက်သတ္တပတ် ၆ပတ်ခန့်အနားယူရဖွယ်ရှိသည်ဟု နည်းပြတန်ဟက်က ပြောကြားခဲ့သည်။
တိုက်စစ်မှူးသစ် ဟွိုင်လန်းမှာမှု နော်တင်ဟမ်နှင့်ပွဲစဉ်မတိုင်မီ လေ့ကျင့်ရေးတွင် အသင်းနှင့်ပူးပေါင်းခဲ့ကြောင်း သိရသည်။
ref: 90min
#World_Sport
#YMG #Yangon_Times
