#World_Science
Published_ 17 June 2023

ကြက်ဥကအရင်ဖြစ်လား ကြက်သတ္တဝါက အရင်ဖြစ်လားဆိုတာက ခေတ်ကာလတွေကြာတဲ့တိုင် စဉ်းစားစရာဖြစ်နေပါတယ်။

နောက်ဆုံးမှာ သိပ္ပံပညာရှင်တွေက ကုန်းနေရေနေသတ္တဝါများနဲ့ အိမ်မြှောင်များအကြောင်း လေ့လာမှုအပေါ်အခြေခံကာ အဖြေဖော်ထုတ်နိုင်မယ်လို့ သိပ္ပံပညာရှင်များ ယုံကြည်လာကြပါတယ်။

မျက်မှောက်ကာလတွားသွားသတ္တဝါများ၊ ငှက်များ၊ နို့တိုက်သတ္တဝါများရဲ့ အစောဆုံးမျိုးဆက်တွေဟာ ဥမဥဘဲနဲ့ အကောင်လိုက်မွေးဖွားတာဖြစ်နိုင်တယ်လို့ တွေ့ရှိလာပါတယ်။

ဒီသုံးသပ်ချက်ဟာ ရုပ်ကြွင်းမျိုးစိတ် ၅၁ မျိုးနဲ့ သက်ရှိမျိုးစိတ် ၂၉ မျိုးအပေါ် အခြေခံထားတာဖြစ်ပါတယ်။

ဥဥတဲ့မျိုးစိတ်တွေဖြစ်တဲ့ အိုဗီပဲရပ်စ်တွေက ဥဥပေးကြပြီး ဗီဗီပဲရပ်စ်တွေကတော့ အကောင်လိုက်မွေးဖွားကြပါတယ်။

သန္ဓေတည်ခြင်း ဒါမှမဟုတ် သန္ဓေသားဖွံ့ဖြိုးမှုဖြစ်တဲ့ ကျောရိုးရှိအဖွဲ့များ မပေါ်ပေါက်မီက ငါးနဲ့တူတဲ့ဆူးတောင်တွေကနေ ခြေလက်များထွက်လာတဲ့ ပထမဆုံးတက်ထရာပေါ့များဟာ အများစုက ကုန်းနေရေနေသတ္တဝါများဖြစ်ကြောင်း သုတေသီများရှင်းပြခဲ့ပါတယ်။

ဖားများ၊ ပုတ်သင်များကဲ့သို့ ကုန်းနေရေနေသတ္တဝါများ အစားစားဖို့နဲ့ မွေးမြူရန်အတွက် ရေအနီးနားမှာနေထိုင်ခဲ့ကြပါတယ်။

အိမ်မြှောင်များနဲ့ မြွေအများအပြားဟာ ဥဥခြင်းနည်းလမ်းရော၊ အကောင်လိုက်မွေးခြင်းနည်းလမ်းမှာပါ အဆင်ပြေအောင် မျိုးပွားနိုင်ကြတာကို သုတေသီများက ထင်မြင်နေကြပါတယ်။

ရုပ်ကြွင်းများလေ့လာခြင်းဖြင့် မျိုးစိတ်အများစုက အကောင်လိုက်မွေးဖွားကြပြီး ဥဥခြင်းနဲ့ အကောင်လိုက်မွေးခြင်းကြား ပြောင်းလဲမှုကိုဖော်ပြနေပါတယ်။

အကောင်လိုက်မွေးဖွားတာနဲ့ ဥဥမွေးဖွားတာတို့က ဖွံ့ဖြိုးမှုအဆင့်မတူညီကြသလို ဂေဟစနစ်အရ အားသာချက်တွေလည်း ရှိနေနိုင်ကြောင်း ဒေါက်တာ'ဂျိုဆပ်ကီတင်'က ရှင်းပြလိုက်ပါတယ်။

အပြည့်အဝကောက်ချက်မချနိုင်သေးပေမယ့် အုပ်ထိန်းမှုလိုက်လျောညီထွေစွာဖြင့် အစောပိုင်းကတိရိစ္ဆာန်တွေမှာ အကာအကွယ်အားသာချက် ဖြစ်ခဲ့ဟန်ရှိကြောင်း အကြုံပြုခဲ့ကြပါတယ်။
Source: India Today
#World_Science #ကြက်နှင့်ကြက်ဥ #အဖြေထုတ်ဖို့နီးစပ်လာနေ
#YMG #Yangon_Media_Group

#World_Health
Published_17 June 2023

လက်ရှိနွေရာသီက လူသားတွေအပေါ် သနားညှာတာခြင်းမရှိဘဲ အပူချိန်က ဆက်လက်မြင့်တက်နေပုံရပါတယ်။

ဒါကြောင့် ကလေးငယ်များ ရေဓာတ်ခန်းခြောက်ခြင်းမှ ကာကွယ်ရန် လိုအပ်ပါတယ်။

လူ့ခန္ဓာကိုယ်က ရေဓာတ် ၆၀ ရာခိုင်နှုန်းပါဝင်ကာ ကလေးတွေမှာ ပို၍ပင်များပြားပြီး မရှိမဖြစ်အရေးပါပါတယ်။

ရေဓာတ်ဆုံးရှုံးတဲ့အခါ လူတစ်ယောက်က ရေဓာတ်ရရှိတာထက် ဆုံးရှုံးခြင်းပိုပြီးများပြားတာပဲ ဖြစ်ပါတယ်။

ရေဓာတ်ရရှိမှုနဲ့ ဆုံးရှုံးမှုကြားကွာခြားချက် ပိုမိုကြီးမားလာပါက ပိုပြီးအန္တရာယ်များလာလေဖြစ်ပါတယ်။

ရေဓာတ်ခန်းခြောက်တဲ့လက္ခဏာတွေကို သိရှိဖို့ခက်ခဲပြီး အသက်ရှူမြန်ခြင်းကဲ့သို့ လက္ခဏာတွေကပင် သတိမထားမိဘဲ ဖြစ်သွားတတ်ပါတယ်။

ဝမ်းလျှောခြင်း၊ အော့အန်ခြင်းတို့ပါ ပေါင်းဖြစ်ရင် ပိုမိုဆိုးရွားနိုင်ပြီး ချွေးထွက်လွန်ခြင်း၊ ဆီးမကြာခဏသွားခြင်း၊ ဆေးဝါးအချို့တို့ကြောင့်လည်း ပိုဆိုးတတ်ပါတယ်။

ကလေးတွေမှာ ရေဓာတ်ခန်းခြောက်တဲ့လက္ခဏာတွေကတော့..
- တစ်နေ့မှာ စိုစွတ်တဲ့ကလေးအနှီး ၄ ထည်အောက်သာလဲရခြင်း
- ငိုယိုရာမှာ မျက်ရည်မထွက်ခြင်း
- မျက်ကွင်းညိုခြင်း
- နှုတ်ခမ်းခြောက်ခြင်း
- ခြေဖျားလက်ဖျားအေးခြင်း
- ကဏာမငြိမ်ခြင်း၊ ငိုက်မျဉ်းခြင်း၊ မူးဝေခြင်း
- အသက်ရှူမြန်ခြင်း
ကလေးက ရေဓာတ်ခန်းခြောက်နေတယ်ဆိုရင် ဆေးရုံကိုသွားပြီး ဘယ်လောက်ဆိုးရွားလဲဆိုတာကို ဆရာဝန်များဖြင့် စစ်ဆေးသင့်ပါတယ်။

အသက် ၆ လအောက်ကလေးတွေမှာ ဝမ်းလျှော့ပျို့အန်ခြင်း၊ အရည်မသောက်ခြင်း၊ အဖျားရှိခြင်းတို့ကြုံတွေ့လာပြီဆိုရင် ဆရာဝန်နဲ့ချက်ချင်းတိုင်ပင်သင့်ပါတယ်။

Source: The Jerusalem Post
#YMG #Yangon_Media_Group

၁၆ ဇွန် ၂၀၂၁

တရုတ်-အမေရိကန်ဆက်ဆံရေးရဲ့ အုတ်မြစ်ဟာ ပြည်သူများတွင်တည်ရှိနေတာဖြစ််တယ်လို့ တရုတ်သမ္မတ ရှီကျင့်ဖျင်က ဘေဂျင်းမှာရောက်ရှိနေတဲ့  ဘီလ်ဂိတ်နှင့် မီလင်ဒါဂိတ်ဖောင်ဒေးရှင်းရဲ့ ပူးတွဲ ဥက္ကဋ္ဌဖြစ်သူ ဘီလ်ဂိတ်ကို သောကြာနေ့က ပြောကြားလိုက်ပါတယ်။

“ အဆွေတော်ကို တွေ့ရတာဝမ်းသာပါတယ်။ ကျွန်တော်တို့မတွေ့တာ သုံးနှစ်ကျော်ပါပြီ။  တရုတ်နိုင်ငံဖွံ့ဖြိုးတိုးတက်ရေး အတွက် အဆွေတော်က အများကြီးလုပ်ဆောင်နေခဲ့ပါတယ်။ အဆွေတော်ဟာ ကျွန်တော်တို့ရဲ့ မိတ်ဟောင်း ဆွေဟောင်းပါ။  ဒီနှစ်အတွင်းမှာ အဆွေတော်ဟာ ကျွန်တော်ပထမဆုံးတွေ့ဆုံရတဲ့ အမေရိကန်မိတ်ဆွေပါ” လို့ ရှီက မိုက်ခရိုဆော့ပူးတွဲတည်ထောင်သူ ဘီလ်ဂိတ်ကိုပြောဆိုခဲ့ပါတယ်။

Source CCTV+

#ရှီကျင်ဖျင်နှင့်ဘီလ်ဂိတ်

#တရုတ်-အမေရိကန်ဆက်ဆံရေး

#YangonMediaGroup

#World_Entertainment
Published_16 June 2023

ဂျေကေရိုးလင်းရဲ့ ဟယ်ရီပေါ်တာဇာတ်လမ်းများဟာ နှစ်ပေါင်း ၂၅ နှစ်ကျော်ကြာတဲ့တိုင်အောင် ကမ္ဘာတဝှမ်းရှိ လူသန်းပေါင်းများစွာကို စွဲဆောင်ထားနိုင်ဆဲဖြစ်ပါတယ်။

#World_Entertainment #ဟယ်ရီပေါ်တာစတူဒီယိုပြခန်းကြီး #တိုကျို၌စတင်ဖွင့်လှစ်
#YMG #Yangon_Media_Group

#Daily_News
Published_ 16 June 2023

၁။ ရန်ကုန်တွင် Happy Water ဆိုသည့် မူးယစ်ဆေးတစ်မျိုး ပျံနှံနိုင်၍ လူငယ်များသတိပြုရှောင်ကြဉ်ရန် လိုဟုဆို

၂။ SIM ကဒ်များ ဇွန်လ ၂၁ရက်နေ့ အတွင်းအပြီး ပြန်လည်မှတ်ပုံတင်ရန် သတိပေးထားပြီး ကြားပွဲစားများကို ငွေကျပ်၁၀၀၀ ပေးပြီး မှတ်ပုံတင်နေရဟုဆို

၃။ စီးပွားမြှင့်တင်ရေး ရန်ပုံငွေကျပ် (၈) ဘီလီယံအား MSME လုပ်ငန်းများသို့ ထုတ်ချေးမည်

၄။ ဟယ်ရီပေါ်တာ စတူဒီယိုပြခန်းကြီးအား ဇွန်လ(၁၆)ရက်နေ့တွင် တိုကျို၌ စတင်ဖွင့်လှစ်သွားမည် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Soccer
Published_16 June 2023

အင်္ဂလိပ်ဘောလုံးကလပ်အသင်း မန်ချက်စတာယူနိုက်တက်ဟာ အသင်းကို ကာတာနိုင်ငံမှ ရှိတ်ခ်ဂျက်ဆင်ဘင်ဟာမက်အယ်ထာနီဦးဆောင်တဲ့ လုပ်ငန်းစုထံသို့ ဒေါ်လာ ၆ ဘီလီယံကျော်ဖြင့် သီးသန့်ရောင်းချရန် ညှိနှိုင်းနေကြောင်း အဆိုပါကိစ္စနဲ့နီးစပ်သူများက ကြာသပတေးနေ့မှာ ပြောကြားလိုက်ပါတယ်။

သဘောတူညီမှုက မသေချာသေးပေမယ့် ပင်လယ်ကွေ့ဒေသရှိ အချမ်းသာဆုံးပုဂ္ဂိုလ်တွေထဲက တစ်ဦးဖြစ်တဲ့ ကာတာဝန်ကြီးချုပ်ဟောင်းရဲ့သားဖြစ်သူ 'ရှိတ်ခ်ဂျက်ဆင်'က အားကစားရေးရာမှာ အထင်ကရနာမည်ကြီးအသင်းတစ်သင်းကို ပိုင်ဆိုင်ရယူနိုင်ဖို့ ကြိုးပမ်းအားထုတ်မှုတွေ မြင်တွေ့နေရတာဖြစ်ပါတယ်။

မန်ချက်စတာယူနိုက်တက်မှာ ရှယ်ယာအနည်းစုပိုင်ဆိုင်ပြီး အသင်းကိုချုပ်ကိုင်ထားတဲ့ ဂလေဇာမိသားစုအဖွဲ့ဝင်တွေကတော့ သဘောတူညီချက် တစ်စိတ်တစ်ပိုင်းအဖြစ် ငွေသားထုတ်သွားနိုင်တယ်လို့ သတင်းရင်းမြစ်တစ်ခုက ပြောကြားခဲ့ပါတယ်။

ဂလေဇာမိသားစုက လက်ရှိမှာ ဓာတုပစ္စည်းထုတ်လုပ်ရေး INEOS တည်ထောင်သူ ဗြိတိန်ဘီလျံနာ'ဂျင်မ်ရက်ကလစ်ဖ်'ရဲ့ ကမ်းလှမ်းချက်ထက် ကာတာရဲ့ကမ်းလှမ်းချက်ကို ပိုပြီးအလေးပေးစဉ်းစားနေပါတယ်။

ရက်ကလစ်ဖ်ရဲ့ကမ်းလှမ်းချက်ကြောင့် ဂလေဇာတို့ဟာ မန်ချက်စတာယူနိုက်တက်ကို ဆက်ပြီးစိတ်ဝင်စားနေဦးမယ်လို့ မျှော်လင့်ရပါတယ်။

ယခုကာလအပိုင်းအခြားမှာတော့ မန်ချက်စတာယူနိုက်တက်ဟာ ရှိတ်ခ်ဂျက်ဆင်ကလွဲပြီး အခြားမည်သူနဲ့မျှ ညှိနှိုင်းသွားဦးမှာမဟုတ်ဘဲ ဘယ်လောက်အထိ ကြာရှည်နေဦးမလဲဆိုတာ မသိနိုင်ပါဘူး။

အခြေအနေက ဘာမဆိုဖြစ်နိုင်နေပြီး ရက်ကလစ်ဖ်ထံမှ ကမ်းလှမ်းချက်အသစ်ရလာပါက ရှိတ်ခ်ဂျက်ဆင်အနေနဲ့ တစ်ဦးတည်းပိုင်ဆိုင်ဖို့ အတားအဆီးဖြစ်လာနိုင်ကြောင်း သတိပေးထားပါတယ်။

မန်ချက်စတာယူနိုက်တက်နဲ့ ရှိတ်ခ်ဂျက်ဆင်တို့ရဲ့ ကိုယ်စားလှယ်တွေကတော့ တုန်ပြန့်ဖြေကြားခြင်း မရှိသေးပါဘူး။

မန်ချက်စတာယူနိုက်တက်အတွက် ဒေါ်လာ ၆ ဘီလီယံနဲ့အထက် ကမ်းလှမ်းချက်ဟာ အားကစားလောကမှာ အများပြားဆုံးပမာဏဖြစ်လာနိုင်ပါတယ်။

ဒေါ်လာ ၆ ဘီလီယံကျော်ဖြင့်ရောင်းချဖြစ်ပါက မန်ချက်စတာယူနိုက်တက်အသင်းဟာ ယမန်နှစ်တစ်နှစ်တာဝင်ငွေရဲ့ ၁၀ ဆကျော် ပိုပြီးတန်ကြေးရှိလာမှာဖြစ်ပါတယ်။

ဂလေဇာမိသားစုဟာ ၂၀၀၅ ခုနှစ်က အသင်းကို ပေါင်သန်း ၇၉၀ ဖြင့် ဝယ်ယူခဲ့တာဖြစ်ပါတယ်။

အင်္ဂလိပ်အမှတ်ပေးချန်ပီယံအကြိမ် ၂၀ စံချိန်တင်ရရှိထားတဲ့ မန်ချက်စတာယူနိုက်တက်အသင်းဟာ ကမ္ဘာတဝှမ်းပရိသတ်ပေါင်း သန်း ၆၅၀ ရှိကာ အများစုက ပိုင်ရှင်ပြောင်းလဲပေးဖို့ တောင်းဆိုနေကြပါတယ်။

ဂလေဇာလက်ထက်မှာ အသင်းက အကျဘက်သို့သိသိသာသာရောက်ရှိနေပြီး ၂၀၁၂-၂၀၁၃ ဘောလုံးရာသီက ဂန္တဝင်နည်းပြ'အဲလက်စ်ဖာဂူဆန်' နောက်ဆုံးကိုင်တွယ်ခဲ့တဲ့နှစ်မှာသာ အမှတ်ပေးဖလားကို နောက်ဆုံးအကြိမ်ရရှိခဲ့ပါတယ်။

ယခုနှစ် 'အဲရစ်တန်ဟက်ဂ်'လက်ထက်မှာ ပြည်တွင်းလိဂ်ဖလားရရှိခဲ့ပေမယ့် အမှတ်ပေးဇယားမှာ အဆင့် ၃ ဖြင့် မြို့ခံပြိုင်ဘက် မန်ချက်စတာစီးတီးနောက် ၁၄ မှတ်ပြတ်ကျန်ခဲ့ပါတယ်။

ယခုနောက်ပိုင်းမှာ အရှေ့အလယ်ပိုင်းနိုင်ငံအများအပြားက အားကစားဘက်မှာ ရင်းနှီးမြှုပ်နှံမှုကြီးများ ပြုလုပ်လာကြပါတယ်။
Source: Reuters
#World_Soccer #မန်ယူအသင်း #ကာတာမှရှိတ်ခ်ဂျက်ဆင်ဘင်ဟာမက်
#YMG #Yangon_Media_Group