#World_Health
Published 16 June 2023

ဩစတြေးလျ ဗစ်တိုးရီးယား ဂျီလောင်မှ အသက် ၅၇ နှစ်ရှိ 'ဖီးလ်ဇဒီဘယ်လ်'က သူဟာ ခဏတာသေဆုံးသွားခဲ့ချိန်မှာ ခန္ဓာကိုယ်ပြင်ပသို့ ရောက်သွားကာ မျောလွင့်နေသလိုခံစားခဲ့ရကြောင်း အတည်ပြုပြောကြားခဲ့ပါတယ်။

တိုက်ကွမ်ဒိုဆရာလည်းဖြစ်ကာ ပြီးခဲ့တဲ့နိုဝင်ဘာလက ဘတ်စ်ကတ်ဘောကစားနေစဉ် နှလုံးဖောက်ပြီးနောက် ၂၈ မိနစ်ကြာ သေဆုံးသွားခဲ့ကာ အသက်ပြန်ရှင်လာခဲ့ပါတယ်။

အဲဒီနောက် ဇဒီဘယ်လ်ကို ဆေးရုံသို့အမြန်တင်ခဲ့ကာ နှလုံးထဲသို့ ပြွန်ထည့်ခွဲစိတ်မှုများပြုလုပ်နေစဉ် ၃ ရက်တိုင် သတိလစ်နေခဲ့ပါတယ်။

သူနိုးလာတဲ့အခါမှာ ၂၈ မိနစ်ကြာအောင် သေဆုံးခဲ့တာကို သိရှိလိုက်ရပါတယ်။

သူပြန်လည်သက်သာလာတဲ့အပေါ် သူ့ရဲ့ကြံ့ခိုင်သန်မာမှုနဲ့ အကောင်းမြင်စိတ်ရှိခြင်းတို့အပေါ် အသိအမှတ်ပြုလိုက်ပါတယ်။

သေခြင်းတရားနဲ့အလွန်နီးစပ်ခဲ့ပြီးနောက် ဘဝအပေါ်ရှုမြင်ပုံပြောင်းလဲလာကာ တိုက်ကွမ်ဒိုအားကစားကနေ အနားယူရန်ဆုံးဖြတ်ချက်ကို ပြန်လည်သုံးသပ်လာဖို့ ဖြစ်လာပါတယ်။

Today Show Australia နဲ့အင်တာဗျူးရာမှာ သေဆုံးခြင်းနဲ့ပတ်သက်ပြီး နောက်ဘဝကို မြင်တွေ့ခဲ့ရကြောင်း ဆိုပါတယ်။

လှိုဏ်ခေါင်းအဆုံးမှာ ဘာအလင်းရောင်မှမတွေ့ရကြောင်း၊ ခန္ဓာကိုယ်ထဲက လွင့်ထွက်နေသလိုခံစားရကြောင်း ပြောပြပါတယ်။

"ရုပ်ရှင်ကိုရပ်ကြည့်နေသလိုပါပဲ။ ဦးနှောက်ကလှုပ်ရှားနေဆဲဖြစ်ပြီး အလုပ်လုပ်နေကာ ဘာတွေဖြစ်နေလဲဆိုတာကို သိပေမယ့် ဆက်သွယ်လို့မရပါဘူး။ သူငယ်ချင်းတစ်ယောက်က ဖုန်းထဲကနေ အရေးပေါ်နံပါတ်ခေါ်နေတာ မြင်နေရပေမယ့် အားလုံးကို ဘေးကနေဒီအတိုင်းကြည့်နေရပါတယ်။ လူနာတင်ကားတွေရောက်လာပြီးတော့ သယ်ဆောင်သွားကြပေမယ့် ကိုယ့်ခန္ဓာမှန်းမသိခဲ့ပါဘူး" လို့ ပြောကြားခဲ့ပါတယ်။

လူသားတွေအနေနဲ့ အရေးပေါ်နှလုံးကယ်ဆယ်ရေးနည်းလမ်းကို တတ်ကျွမ်းထားသင့်တယ်လို့ အကြံပြုသွားပါတယ်။

အမေရိကန်မှာ နှစ်စဉ်လူပေါင်း ၃၅၆,၀၀၀ ဦးဟာ နှလုံးရပ်သွားကြပြီး ၉၀ ရာခိုင်နှုန်းလောက်က သေဆုံးသည်အထိအန္တရာယ်များပါတယ်။

နိုင်ငံအများအပြားမှာ ကင်ဆာပြီးရင် နှလုံးဖောက်ခြင်းကြောင့် အဓိကသေဆုံးနေကြရပါတယ်။

#Source:The_Jerusalem_Post #World_Health #(၂၈)မိနစ်ကြာသေဆုံးပြီးနောက်အသက်ပြန်ရှင်လာ
#YMG #Yangon_Media_Group

၁၅ ဇွန် ၂၀၂၁(ရိုက်တာသတင်း)

တရုတ်နိုင်ငံ ဘိုက်ဒန့်စ် ByteDanceကပိုင်တဲ့  TikTok အက်ပလီကေးရှင်းဟာ လာမယ့်နှစ်အနည်းငယ်အတွင်း အရှေ့တောင်အာရှနိုင်ငံတွေမှာ ဒေါ်လာ ဘီလျံချီပြီးရင်းနှီးမြှပ်နှံမှုတွေလုပ်သွားဖို့ရှိဟု ပြော

အ‌ရှေ့တောင်အာရှဟာ လူဦးရေ သန်း၆၃၀ရှိပြီး အဲဒီထဲက တစ်ဝက်ဟာ အသက်၃၀အောက်တွေဖြစ်ပြီး အဲဒီအသက် အပိုင်းအခြားဟာ TikTok ရဲ့ အကြီးမားဆုံးဈေးကွက်တွေဖြစ်နေ

အင်ဒိုနီးရှားနှင့် အရှေ့တောင်အာရှနိုင်ငံတွေမှာ  လာမယ့်နှစ်များအတွင်း ဒေါ်လာဘီလျံချီရင်းနှီးမြှပ်နှံသွားမယ်လို့ TikTok စီအီးအို ဆိုကျီးချူးကပြောကြား

သူကအသေးစိတ်အစီအစဉ်မပြောသော်လည်း လေ့ကျင့်သင်တန်းများ၊ကြော်ငြာလုပ်ငန်းများနှင့် သူ့ရဲ့ e-commerce  ပလက်ဖောင်းဖြစ်တဲ့ TikTok Shop ကိုပူးပေါင်းလုပ်ချင်ကြတဲ့ အရောင်းဆိုင်သေးကလေးတွေကိုကူညီတာတွေ လုပ်ပေးမယ်လို့ပြော

TikTok ပလက်ဖောင်းဟာ ယခုအခါပိုပြီး မျိုးစုံလာပြီး အသုံးပြုသူတွေဟာ ကြော်ငြာကနေ e-commerce အီလက်ထရွန်း နစ်ကူးသန်းရောင်းဝယ်ရေးအထိ ချဲ့ထွင်လာပြီလို့ သူကပြော

အသုံးပြုသူတွေဟာ livestreaming လုပ်နေစဉ်အတွင်း အက်ပလီကေးရှင်းပေါ်က လင့်ခ် links ကတစ်ဆင့် ကုန်စည်တွေကို ဝယ်ယူနိုင်လာကြလို့သူကဆက်ပြော

TikTok ဟာ အရှေ့တောင်အာရှမှာ ဝန်ထမ်း ၈၀၀၀ရှိပါတယ်။ အင်ဒိုနီးရှားမှာ သူ့ပလက်ထောင်ပေါ်က ပစ္စည်းတွေ ရောင်းပေးတဲ့ အရောင်းဆိုင်ကလေးတွေ နှစ်သန်းခန့်ရှိ

TikTokဟာ မနှစ်က အရှေ့တောင်အာရှမှာ အရောင်းအဝယ်လုပ်တဲ့တန်ဖိုး ဒေါ်လာ ၄.၄ ဘီလျံအထိရှိခဲ့ပါတယ်။ ၂၀၂၁ခုနှစ်တုန်းက ဒေါ်လာသန်း၆၀၀ပဲရှိရာကနေမြင့်တက်လာတာဖြစ်

#TiikTok

#South_East_Asia_Tiktok

#TikTokအရှေ့တောင်အာရှတွင်ရင်းနှီးမြှပ်နှံမည်

#World_Politics
Published 15 June 2023

ပေကျင်းသို့လာရောက်လည်ပတ်တဲ့ ဟွန်ဒူးရပ်စ်သမ္မတ'အိုင်းရစ်ရှော်မာရာကက်စထရိုဆာမန်တို'နဲ့ တရုတ်သမ္မတ'ရှီကျင့်ဖင်'တို့ တွေ့ဆုံဆွေးနွေးပြီးနောက် ပူးတွဲကြေညာချက်တစ်ရပ်ကို တရုတ်နဲ့ဟွန်ဒူးရပ်စ်တို့က တနင်္လာနေ့မှာ ထုတ်ပြန်ခဲ့ပါတယ်။

#World_Politics #ဟွန်ဒူးရပ်စ်သမ္မတတရုတ်နိုင်ငံ #နှစ်နိုင်ငံပူးပေါင်းဆောင်ရွက်ရေးအစီအစဉ်
#YMG #Yangon_Media_Group

၁၅ ဇွန် ၂၀၂၁

ဒီတစ်ပတ် ကမ္ဘာ့သတင်းတွေထဲမှာ  တုန်လှုပ်ခဲ့ကြရတဲ့ ခေါင်းစီးသတင်းတစ်ပုဒ်ရှိခဲ့ပါတယ်။ အဲဒါကတော့ အီကွေဒေါနိုင်ငံ  က ဘယ်လာမွန်တိုယာ ဆိုတဲ့ အမျိုးသမီးတစ်ဦးကို သေဆုံးသွားပြီလို့ ကြေညာခဲ့ပြီးမှ သူမဟာ ခေါင်း တလားထဲကနေ အသက်ရှင်တဲ့ လက္ခဏာပြသလို့ မိသားစုဝင်တွေ အံအားတသင့်ဖြစ်ခဲ့ကြရတဲ့ သတင်းပဲဖြစ်ပါတယ်။

“ အားလုံးတုန်လှုပ်သွားကြတယ်” လို့ မွန်တိုယာရဲ့သား ဂီလ်ဘာတို ဘာဘာရာက အေပီသတင်းဌာနကိုပြောပါတယ်။

“ အခေါင်းထဲကသေနေတဲ့သူ နိုးထလာတယ်ဆိုတာ ဖြစ်တောင့်ဖြစ်ခဲပဲ” လို့ အင်ဂလီယာရပ်စ်ကင် ဆေးတက္ကသိုလ်မှ အကြီးတန်းကထိက ဒေါက်တာ စတီဖင် ဟတ်ခ်က NPR သတင်းဌာနကိုပြောပါတယ်။

ဆရာဝန်တွေက သေဆုံးပြီလို့ မှားယွင်းကြေညာခဲ့တဲ့ ကိစ္စမျိုးတွေက တစ်ကမ္ဘာလုံးမှာ တစ်နှစ် တစ်နှစ်ကို လက်တစ်ဆုပ်စာလောက်ပဲ ရှိပါတယ်လို့ သူက ခန့်မှန်းပြောဆိုပါတယ်။

ဒါပေမယ့် တစ်ခါတစ်ခါတော့လည်း ဒါမျိုးဖြစ်တာပဲ လို့သူကဖြည့်စွက်ပြောပါတယ်။

ပြီးခဲ့တဲ့ ဖေဖော်ဝါရီလတုန်းကလည်း နယူးယောက်က အသက် ၈၂နှစ်အရွယ် အမျိုးသမီးကြီးတစ်ဦး  ဘိုးဘွားရိပ်သာမှာ သေဆုံးပြီလို့ကြေညာအပြီး နာရီပိုင်းအကြာမှာ အသုဘအခမ်းအနားကျင်းပရာနေရာမှာ ပြန်ပြီးအသက်ရှင်လာတဲ့ ဖြစ်ရပ်  ဖြစ်ပွာခဲ့ပါသေးတယ်။

လူတစ်ယောက်ကို သေမသေ ပထမဦးဆုံး တုန့်ပြန်မှုရှိမရှိစစ်ဆေးပါတယ်။ အဲဒီနောက် သွေးခုန် မခုန်စမ်းပါတယ်။ အဲဒီနောက် သူငယ်အိမ် တုန့်ပြန်မှုရှိမရှိစစ်ဆေးပါတယ်။ အဲသလိုအဆင့်ဆင့်စစ်ဆေးပြီးလို့ ဘာတစ်ခုမှအလုပ်မလုပ်ရင် တော့ သေဆုံးပြီလို့ပြောနိုင်ပါတယ်။

တစ်ခါတစ်ခါကြတော့လည်း အသက်ရှင်နေသေးတဲ့သူကို သေပြီလို့မှားယွင်းဆုံးဖြတ်တတ်ကြပါတယ်လို့ ဟတ်ချ်က ပြောပါတယ်။ ဆရာဝန်တွေက အလျင်စလိုနှင့် သေသေချာချာ မစစ်ဆေးမိတာနှင့် ဆေးပညာပိုင်းအသိပညာအားနည်းမှု တွေကြောင့်ဖြစ်တယ်လို့လည်း သူကဆက်ပြောပါတယ်။

တစ်ခါတစ်ခါတော့လည်း စက်မှုပိုင်းဆိုင်ရာအားနည်းချက်ကနေ မှားယွင်းစွာအဖြေပေးမိတာလည်းရှိနိုင်တယ်လို့ သူကပြောပါတယ်။  တစ်ကမ္ဘာလုံးမှာ တစ်နှစ်ကို ဒီလိုမျိုးကိစ္စ သုံးခုကနေ လေးခုလောက်တွေ့ဖူးတယ် လို့လည်း သူက  ဆက်ပြောပါတယ်။

Source NPR

#Daily_News
Published_ 15 June 2023

၁။ မိုးရာသီတွင် ပုဂံဘုရားများအား ထိခိုက်စေမည့်အပင်များရှင်းလင်းခြင်းနှင့် မိုးရေယိုပေါက်ပိတ်ခြင်းများ ဆောင်ရွက်နေ

၂။ ပြည်ပနိုင်ငံများ ဆန်တင်ပို့ရာတွင် ကျန်းမာရေးနဲ့ညီညွတ်စေဖို့ဆန်သိုလှောင်ရုံများကို ကွင်းဆင်းစစ်ဆေး

၃။ အခုရက်ပိုင်းတွင် စစ်ကိုင်း၊ ကချင်၊ ရန်ကုန်၊ ရခိုင်နှင့်ဒေသအချို့၌ မိုးကြီးပြီးလေပြင်းတိုက်နိုင်

၄။ ဟွန်ဒူးရပ်စ်သမ္မတတရုတ်နိုင်ငံသို့လာရောက်လည်ပတ်ကာ နှစ်နိုင်ငံပူးပေါင်းဆောင်ရွက်ရေးအစီအစဉ်များသဘောတူခဲ့ကြ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#World_Military
Published 15 June 2023

ဘီလာရုစ်သမ္မတ'အလက်ဇန်းဒါးလူကာရှန်ကို'က ယင်းနိုင်ငံအနေနဲ့ ရုရှားရဲ့ဗျူဟာမြောက်နျူကလီးယားလက်နက်များ ပေးပို့မှုကို စတင်လက်ခံနေပြီလို့ ပြောကြားလိုက်ပါတယ်။

ဇွန်လ ၁၄ ရက်နေ့မှာ စတင်လက်ခံခဲ့တာဖြစ်ပြီး လူကာရှန်ကိုရဲ့ပြောကြားချက်အရ အချို့လက်နက်တွေဟာ ၁၉၄၅ ခုနှစ်က အမေရိကန်က ဟီရိုရှီးမားနဲ့ နာဂါဆာကီတို့မှာကျဲခဲ့တဲ့ အဏုမြူဗုံးများထက် ၃ ဆ ပိုမိုအားပြင်းကြောင်း သိရပါတယ်။

ပြင်းအားလျော့တာတိုနျူကလီးယားလက်နက်များကို စစ်မြေပြင်မှာ အသုံးပြုနိုင်ဖွယ်ရှိကြောင်း ကျွမ်းကျင်သူများက အခိုင်အမာဆိုထားပါတယ်။

အမှန်တကယ်အသုံးပြုဖြစ်ပါက ၁၉၉၁ ဆိုဗီယက်ပြည်ထောင်စုပြိုလဲပြီးနောက်ပိုင်း ရုရှားနိုင်ငံပြင်ပမှာ ပထမဆုံးအသုံးပြုခြင်း ဖြစ်လာမှာဖြစ်ပါတယ်။

လူကာရှန်ကိုက ရုရှားပိုင် ရိုဆီယာ-၁ တီဗီချန်နယ်နဲ့ အင်တာဗျူးရာမှာ "ကျွန်တော်တို့မှာ ရုရှားထံကလက်ခံရရှိထားတဲ့ ဒုံးကျည်တွေနဲ့ဗုံးတွေ ရှိထားပါတယ်" လို့ ပြောကြားခဲ့ပါတယ်။

ရုပ်သံရိုက်ကူးထားတဲ့ပုံရိပ်တွေထဲမှာ နောက်ခံမှာ စစ်ရေးသိုလှောင်ရာအဆောက်အအုံအချို့ကို မြင်တွေ့ရပါတယ်။

ယူကရိန်းစစ်ပွဲကာလအတွင်း ယခုနှစ်မတ်လအစောပိုင်းက ရုရှားသမ္မတ'ပူတင်'က ဘီလာရုစ်မှာ နျူကလီးယားလက်နက်များ ဖြန့်ကျက်ထားရန် ကြေညာထားပါတယ်။

ထိုကြေညာချက်ကို အမေရိကန်နဲ့ အနောက်နိုင်ငံများက ဝေဖန်ခဲ့ပေမယ့် အမေရိကားကတော့ သူတို့ရဲ့မဟာဗျူဟာမြောက်နျူကလီးယားလက်နက် ရပ်တည်ချက်ကို ပြောင်းလဲဖို့ရည်ရွယ်ချက်မရှိဘူးလို့ ပြောကြားခဲ့ပါတယ်။

ရုရှားကလည်း နျူကလီးယားလက်နက် အသုံးပြုဖို့ပြင်ဆင်နေတဲ့ အရိပ်အယောင်လည်း မမြင်ရကြောင်း ပြောကြားထားတာကြာပါပြီ။

ဘီလာရုစ်မှာ ဆိုဗီယက်ခေတ်က ကျန်ခဲ့တဲ့ နျူကလီးယားသိုလှောင်ရုံအများအပြားရှိနေပြီး ၅ ခုလောက်ကို ပြန်လည်ပြင်ဆင်ထားတယ်လို့ လူကာရှန်ကိုက ပြောကြားခဲ့ပါတယ်။

ဗျူဟာမြောက်နျူကလီးယားလက်နက်တွေ ဖြန့်ကျက်ထားမယ့်နေရာအတိအကျကိုတော့ ရုရှားရော ဘီလာရုစ်ကပါ ထုတ်ဖော်ခဲ့ခြင်းမရှိပါဘူး။

အမေရိကန်ဖက်ဒရေးရှင်းသိပ္ပံပညာရှင်များကတော့ ထိုလက်နက်များဟာ လစ်သူရေးနီးယားနယ်စပ်မှ ၄၀ ကီလိုမီတာအကွာ လီဒါလေတပ်အခြေစိုက်စခန်းမှာ တည်ရှိနေနိုင်တယ်လို့ ဆိုလိုက်ပါတယ်။

ဘီလာရုစ်နိုင်ငံဟာ နေတိုး(NATO)အဖွဲ့ဝင်တွေဖြစ်တဲ့ လစ်သူရေးနီးယား၊ လတ်ဗီးယား၊ ပိုလန်နိုင်ငံတို့နဲ့ နယ်နမိတ်ထိစပ်နေတာဖြစ်ပါတယ်။

Source: WION #World_Military #ဟီရိုရှီးမားဗုံးထက်၃ဆပြင်း #နျူကလီးယားလက်နက်များ
#YMG #Yangon_Media_Group