Published 13 Nov 2022
✅ ဒါရိုက်တာ စတီဗင် စပီးလ်ဘတ်ရဲ့ နာမည်ကျော် “The Terminal” ရုပ်ရှင်ရိုက်ကူးစေဖို့ လှုံ့ဆော်နိုင်ခဲ့တဲ့ အပြင်က တကယ့်ဇာတ်ကောင် အီရန်အမျိုးသားတစ်ဦးဟာ ပြီးခဲ့တဲ့စနေနေ့က ပါရီရဲ့ ချားလ်စ်ဒီဂေါလေဆိပ်မှာ ကွယ်လွန်ခဲ့
✅ သူဟာ ၁၈နှစ်လုံးလုံး ပြင်သစ်နိုင်ငံ ပါရီမြို့တော်က ချားလ်စ်ဒီဂေါလေဆိပ်မှာ နေထိုင်ရှင်သန်ခဲ့
✅ မီဟရန်ကာရီမီ နာဆာရီဟာ စနေနေ့လယ်မှာ လေဆိပ်ကြီးရဲ့ အဆောင် Terminal 2F မှာ နှလုံးရုတ်တရက် ဖောက်ပြန်ကွယ်လွန်ခဲ့
✅ရဲတွေနှင့် ဆေးဝါးအဖွဲ့က သူ့ကိုအသက်ကယ်ဖို့ကြိုးစားပေမယ့် နောက်ဆုံးလက်လျှော့လိုက်ရ
✅ နာဆာရီဟာ လေဆိပ်ရဲ့ Terminal 1 မှာ ၁၉၈၈ခုနှစ်ကနေ ၂၀၀၆ခုနှစ်အထိနေထိုင်ခဲ့။ အစပိုင်းမှာတော့ သူ့မှာ စာရွက်စာတမ်းဘာအထောက်အထားမှမရှိလို့ဖြစ်ပြီး နောက်ပိုင်းမှာတော့ အဲသလိုနေဖို့သူကိုယ်တိုင်ရွေးချယ်ခဲ့
✅ သူဟာလေဆိပ်ထဲက အနီရောင်ပလပ်စတစ်ခုံတန်းလျားပေါ်မှာ အိပ်စက်ခဲ့ပြီး လေဆိပ်အလုပ်သမားတွေနှင့် မိတ်ဆွေ ဖွဲ့ခဲ့ပြီး ဝန်ထမ်းတွေအတွက်ပေးထားတဲ့ ရေချိုးသန့်စင်ခန်းတွေအသုံးပြုခဲ့
✅ သူဟာ ဒိုင်ယာရီကိုရေးခြင်း၊ မဂ္ဂဇင်းတွေဖတ်ခြင်းနှင့် ဖြတ်သန်းသွားလာတဲ့ ခရီးသည်တွေကို လေ့လာမှုတွေပြုလုပ်ခြင်း တွေနှင့် အချိန်ဖြုန်းခဲ့
✅ ဝန်ထမ်းတွေက သူ့ကို Lord Alfred လို့ အမည်ပြောင်ပေးထားပြီးသူဟာ ခရီးသွားတွေအကြားမှာ အတန်အသင့် လူသိများသူဖြစ်လာခဲ့
✅ “ကျွန်တော်ဖြည်းဖြည်းချင်းတော့ လေဆိပ်ကထွက်သွားမှာပါ။ ပတ်စ်ပို့နှင့် ထရစ်စစ်ဗီဇာစောင့်နေတုန်းပဲ ” လို့သူက ၁၉၉၉ခုနှစ်မှာ အေပီသတင်းဌာနကိုပြောခဲ့
✅ သူဟာ ၁၉၄၅ခုနှစ်မှာ ဗြိတိသျှထိန်းချုပ်မှုအောက်မှာရှိနေတဲ့ အီရန်ရဲ့ ဆိုလေမန်အရပ်မှာ အီရန်ဖခင်နှင့် ဗြိတိန်သူမိခင်တို့မှ မွေးဖွားခဲ့။
✅ သူဟာ ၁၉၇၄ခုနှစ်မှာ အင်္ဂလန်ကို စာသင်ကြားဖို့ ထွက်ခွာခဲ့ပြီး အီရန်ပြန်ရောက်တဲ့အခါ ရှားဘုရင်ကို ကန့်ကွက်ဆန္ဒပြလို့ ထောင်ကျပြီး ပစ်စ်ပို့ အသိမ်းခံခဲ့ရ
✅ သူဟာ ဥရောပနိုင်ငံတော်တော်များများမှာ နိုင်ငံရေးခိုလှုံခွင့် ခံယူဖို့လျှောက်ထားခဲ့၊ ဘယ်ဂျီယမ်နိုင်ငံမှ UNHCRက သူ့ကို ဒုက္ခသည်အဆင့်ပေးခဲ့ပေမယ့် အဲဒီစာရွက်စာတမ်းတွေပါတဲ့ သူ့ခရီးဆောင် လက်ဆွဲသေတ္တာဟာ ပါရီဘူတာရုံတစ်ခုမှာ အခိုးခံလိုက်ရတယ်လို့ပြော
✅ ပြင်သစ်ရဲတွေက သူ့ကိုဖမ်းဆီးပြီး ပြည်နှင်ဒဏ်ပေးဖို့လုပ်သော်လည်း သူ့မှာ ဘာစာရွက်စာတမ်းမှမရှိတော့၍ ဘယ်ကိုပို့ရမှန်းမသိခဲ့ဘဲ ချားဒီဂေါလေဆိပ်ထဲမှာ ၁၉၈၀၀ ဩဂုတ်မှစကာနေထိုင်ခဲ့ရ
✅ ဥရောပနိုင်ငံတွေရဲ့တင်းကြပ်တဲ့ လူဝင်မှု ဥပဒေတွေကြောင့်သူဟာ နှစ်များစွာမှာ ဘယ်နိုင်ငံမှသွားမရခဲ့
✅ နောက်ဆုံးမှာတော့ သူဟာ ဒုက္ခသည်စာရွက်စာတမ်းတွေရရှိလိုက်လို့အံ့အားသင့်သွားခဲ့။သို့သော် လေဆိပ်က ထွက်ခွာသွားရင် သူ့အနေနှင့် မလုံခြုံတော့ဘူးလို့ခံစားရပြီး အဲဒီစာရွက်တွေကို လက်မှတ်ထိုးပေဖို့ငြင်းဆန်ခဲ့
✅ သူဟာ ၂၀၀၆ခုနှစ်မှာ ဆေးရုံမတက်ရခင်အထိ လေဆိပ်ထဲမှာပဲနေခဲ့ရပြီး ဆေးရုံကဆင်းပြီးနောက်ပါရီရဲ့ ခိုလှုံရာ နေရာတစ်ခုမှာနေထိုင်ခဲ့ရ
✅ သူမသေခင် ရက်သတ္တပတ်အနည်းငယ်မှာ သူဟာ လေဆိပ်ထဲပြန်ရောက်လာခဲ့ပြီး ပြန်လည်နေထိုင်ခဲ့တယ်လို့ လေဆိပ်အရာတစ်ဦးကပြော
✅ နာဆာရီရဲ့တကယ်ဘဝဇာတ်ကြောင်းကို ၂၀၀၄ခုနှစ်ကပြသတဲ့ မင်းသား တွမ်ဟန့်သရုပ်ဆောင်တဲ့ “The Terminal” ရုပ်ရှင်၊ “Lost in Transit,” ပြင်သစ်ရုပ်ရှင်နှင့် “Flight.”အော်ပရာတို့က ခံစားပြီး ဇာတ်လမ်းတွေဖန်တီးခဲ့
✅ “The Terminal,” ဇာတ်ကားမှာ ဟန့်ဟာ အရှေ့ဥရောပက စိတ်ကူးနိုင်ငံ ကာရက်ကော့ဟီယာကနေ နယူးယေက် ဂျေအက်ဖ်ကေလေဆိပ်ကိုရောက်လာပြီးနောက် သူ့နိုင်ငံမှာ နိုင်ငံရေး တော်လှန်ပြောင်းလဲမှုတစ်ခုကြောင့် သူ့ခရီးသွား စာရွက်စာတမ်းတွေ တရားမဝင်ဖြစ်ခဲ့ရပြီး လေဆိပ်ထဲက နိုင်ငံတကာခန်းမထြ နေခဲ့ရတဲ့ဇာတ်လမ်းဖြစ်
Source AP
#The_Terminal_
#Mehran_Karimi
#18_years_in_Paris’_Charles_de_Gaulle_Airport
Published 13 Nov 2022
အမေရိကန်သမ္မတ ဂျိုးဘိုင်ဒင်ဟာ အရှေ့တောင်အာရှခေါင်းဆောင်တွေက ဦးဆောင်တဲ့ နိုင်ငံတကာထိပ်သီးအစည်းအဝေးတစ်ခုမှာ အိမ်ရှင်ကမ္ဘောဒီးယားနိုင်ငံကို ရည်ညွှန်းပြောဆိုရာမှာ ကိုလံဘီယာနိုင်ငံလို့ သုံးနှုံးသွားခဲ့တဲ့အကြောင်း ရိုက်တာက သတင်းရေးသားပါတယ်။
“ အခု ကျွန်တော်တို့ ဒီနေရာ ကမ္ဘောဒီးယားမှာ ပြန်လည်အတူဆုံကြပြီ။ ကျွန်တော်တို့ ဆောင်ရွက်ခဲ့ပြီးတဲ့ တိုးတက်မှုတွေထက်ပိုပြီး ခိုင်မာတဲ့ တိုးတက်မှုတွေကို တည်ဆောက်ဖို့ မျှော်လင့်ရည်သန်ပါတယ်။ အာဆီယဥက္ကဋ္ဌ နှင့် ကျွန်တော်တို့အားလုံး ကို အိမ်ရှင်အဖြစ်ဆောင်ရွက်ပေးတဲ့ “ကိုလံဘီယာ” ဝန်ကြီးချုပ်ရဲ့ ခေါင်းဆောင်မှုကို ကျွန်တော် ကျေးဇူးတင်လိုပါတယ်” လို့ ဖနွမ်းပင်က အာဆီယံခေါင်းဆောင်တွေနှင့် တွေ့ဆုံရာမှာ ဘိုင်ဒင်ကပြောခဲ့တာပါ။
သူက လက်ရှိအာဆီယံဥက္ကဋ္ဌ ကမ္ဘောဒီးယားဝန်ကြီးချုပ် ဟွန်ဆန်ကို ညွှန်းဆိုရာမှာ အဲသလိုကိုလံဘီယာဝန်ကြီးချုပ်လို့ မှားယွင်းပြောဆိုမိခဲ့တာ ဖြစ်ပါတယ်။
ဂျိုးဘိုင်ဒင်ဟာ တောင်အမေရိကားက “ကိုလံဘီယာ”ကို စိတ်ထဲစွဲနေပုံရပါတယ်။ ဘာဖြစ်လို့လဲဆိုတော့ သူဟာ အာရှကို လာဖို့ အိမ်ဖြူတော်ကနေ ထွက်ခွာတုန်းမှာ အလားတူအမှားဖြစ်ခဲ့ပါသေးတယ်လို့ အေအက်ဖ်ပီကရေးပါတယ်။
“ ကျွန်တော် ကိုလံဘီယာကို သွားတော့မှာဖြစ်တယ်” လို့ သတင်းထောက်တွေကို ပြောပြီးခါမှ ချက်ခြင်းပင် “ ကျွန်တော်ဆိုလိုတာ ကမ္ဘောဒီးယားပါ” လို့ အမှားပြင်ခဲ့ပါတယ်။
ယခုလမှာ အသက်(၈၀)ပြည့်မှ ဘိုင်ဒင်ကို ဝါရှင်တန်မှာ စကားခဏခဏမှားပြောတတ်သူအဖြစ် သိထားကြပါတယ်။
သူ့ရဲ့အတိုက်အခံ ရီပတ်ဘလီကန်တွေက အဲဒါတွေကို အကြောင်းပြုပြီး သူဟာ သမ္မတရာထူးအတွက် သိပ်အိုနေပြီလို့ ဝေဖန်ကြပါတယ်။
သူ့ကိုထောက်ခံသူတွေကတော့ အဲသလိုပြောကြတာတွေဟာ “အိုပယ်” ဝါဒပဲလို့ ပြောလိုက်ပြီး သမ္မတဟာ ကလေးဘဝက စကားထစ်ခဲ့တာကို ကြိုးစားကျော်လွှားခဲ့ရတယ်။ ပြီးတော့ ဆယ်စုနှစ်များစွာ လူထုကို စကားပြောရာမှာလည်း လက်တန်းပြောဆိုခဲ့လို့ ဖြစ်တယ်လို့ ကာကွယ်ချေပခဲ့ကြပါတယ်။
Source: AFP/Reuters
ရုပ်သံကြည့်ရန်.....https://fb.watch/gMvfv1FJk4/
#Biden_ASEAN
#Biden_Columbia
#Columbia_Cambodia
Published 11 Nov 2022
ရုရှားနှင့်မြန်မာနှစ်နိုင်ငံအကြား ဘဏ္ဍာရေးနှင့်ငွေကြေးစနစ်ပူးပေါင်းဆောင်ရွက်ဖို့နှင့် ကုန်သွယ်မှုမြှင့်တင်ဖို့ နှစ်နိုင်ငံ တာဝန်ရှိသူတွေ ဆွေးနွေးနေကြတယ်လို့ သိရပါတယ်။
မြန်မာနိုင်ငံကို ရောက်ရှိနေတဲ့ ရုရှားဖက်ဒေရေးရှင်းနိုင်ငံ၊ ရော့စ်ကွန်ဂရက်ရင်းနှီးမြှုပ်နှံမှု ရန်ပုံ ငွေအဖွဲ့ညွှန်ကြားရေးမှူး SHATIROV Alexander Sergeevich ဦးဆောင်သည့် ကိုယ်စားလှယ်အဖွဲ့ကို နိုဝင်ဘာ ၁၁ ရက် ဒီကနေ့မှာ နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က လက်ခံတွေ့ဆုံရာမှာ အဆိုပါကိစ္စတွေဆွေးနွေးခဲ့ကြတာဖြစ်တယ်လို့ သတင်းထုတ်ပြန်ချက်အရသိရပါတယ်။
ထိုသို့တွေ့ဆုံစဉ် နှစ်နိုင်ငံဘဏ္ဍာရေးနှင့် ငွေကြေးစနစ်ပူးပေါင်းဆောင်ရွက်ရေး ဆိုင်ရာကိစ္စရပ်များ၊ ကုန်သွယ်မှုမြှင့်တင်ရေးဆိုင်ရာကိစ္စရပ်များ၊ ရုရှားနိုင်ငံမှ မြန်မာ နိုင်ငံအတွင်း လာရောက်ရင်းနှီးမြှုပ်နှံမှုများ ဆောင်ရွက်မည့်ကိစ္စရပ်များ၊ မြန်မာနိုင်ငံမှ ထွက်ရှိသည့် စိုက်ပျိုးရေးနှင့် မွေးမြူရေး ထွက်ကုန်များ၊ တွင်းထွက်နှင့် သဘာဝသယံ ဇာတ ပစ္စည်းများကို တန်ဖိုးမြှင့်ထုတ်ကုန်များအဖြစ်ထုတ်လုပ်၍ ရုရှားနိုင်ငံသို့ တင်ပို့ ရောင်းချရေးဆိုင်ရာ ကိစ္စရပ်များ၊ နှစ်နိုင်ငံချစ်ကြည်ရင်းနှီးမှုနှင့် ပူးပေါင်းဆောင်ရွက် မှုများ ဆက်လက်တိုးမြှင့်ရေးဆိုင်ရာ ကိစ္စရပ်များနှင့် ရှေ့ဆက်ဆောင်ရွက်သွားမည့် လုပ်ငန်းစဉ်များနှင့်ပတ်သက်၍ ရင်းနှီးပွင့်လင်းစွာဖြင့် အမြင်ချင်းဖလှယ်ဆွေးနွေးခဲ့ကြတယ်လို့ အဆိုပါသတင်းထုတ်ပြန်ချက်မှာ ဖော်ပြထားပါတယ်။
တွေ့ဆုံပွဲသို့ ဗိုလ်ချုပ်မှူးကြီး မင်းအောင်လှိုင်နှင့်အတူ ပြည်ထောင်စုဝန်ကြီးတွေဖြစ်တဲ့ ဦးဝင်းရှိန်၊ ဦးတင်ထွဋ်ဦး၊ ဦးလှမိုး၊ ဦးခင်မောင်ရီ၊ မြန်မာ့စီးပွားရေးကော်ပိုရေးရှင်း ဥက္ကဋ္ဌ ဒုတိယဗိုလ်ချုပ်ကြီးညိုစောနှင့်တာဝန်ရှိသူများ တက်ရောက်ကြပြီး ရုရှား ဖက်ဒရေးရှင်းနိုင်ငံ၊ ရော့စ်ကွန်ဂရက်ရင်းနှီးမြှုပ်နှံမှု ရန်ပုံငွေအဖွဲ့မှ ညွှန်ကြားရေးမှူး SHATIROV Alexander Sergeevichနှင့်အတူ ကိုယ်စားလှယ်အဖွဲ့ဝင်များ တက်ရောက် ခဲ့ကြကြတာဖြစ်ပါတယ်။
ရော့စ်ကွန်ဂရက်ရင်းနှီးမြှပ်နှံမှုရန်ပုံငွေအဖွဲ့ဟာ ဗိုလ်ချူပ်မှူးကြီးထံ မတွေ့ဆုံခင် ဒီကနေ့တက်ရောက်တဲ့ ပြည်ထောင်စု ဝန်ကြီးတစ်ဦးချင်းစီနှင့် ရင်းနှီးမြှပ်နှံမှုနှင့်ကုန်သွယ်မှုဆိုင်ရာကိစ္စတွေကို ယခင်ရက်တွေက ဆွေးနွေးခဲ့ကြကြောင်း သတင်းထုတ်ပြန်ချက်တွေမှာ ဖော်ပြခဲ့ပါတယ်။
Ymg/-knl
#Myanmar_Russia
#Roscongress_Russia
#Myanmar_Politics_Business
Published 9 Nov 2022
အိန္ဒိယလေတပ်နှင့် ပြင်သစ်လေနှင့်အာကာတပ်တို့ ဟာ နိုဝင်ဘာ (၈)ရက်က ပူးတွဲစစ်ရေးလေ့ကျင့်ခဲ့ကြပါတယ်။
အိန္ဒိယနိုင်ငံ ရာဂျက်စသန်ပြည်နယ်က သဲကန္တာရအတွင်းမှာ 'Ex Garuda-VII' ဆိုတဲ့ အမည်နှင့် ပူးတွဲစစ်ရေးလေ့ကျင့်ခဲ့ကြ တာဖြစ်ပါတယ်။
လေ့ကျင့်ကြရာမှာ ပြင်သစ်တိုက်ခိုက်ရေးလေယာဉ် Rafale fighters ၊ A-330 Multi Role Tanker Transport aircraft (MRTT) Sukhoi Su-30MKI တို့ပါဝင်လေ့ကျင့်ခဲ့ကြပါတယ်။
Source AFP
#India_France_Joint_Airforce_exercise
#Ex_Garuda-VII
#India_France_Military_Ties
Published 8 Nov 2022
အမေရိကန်နိုင်ငံသားတွေဟာ နိုဝင်ဘာ(၈)ရက် အင်္ဂါနေ့မှာ သက်တမ်းဝက်ရွေးကောက်ပွဲတွေမှာ စတင်မဲပေးနေကြပြီဖြစ်ပါတယ်၊
ရီပတ်ဘလီကန်တွေဟာ သမ္မတ ဂျိုးဘိုင်ဒင်ရဲ့ လာမယ့်(၂)နှစ်အစီအစဉ်တွေ တုံ့ဆိုင်းသွားစေနိုင်ပြီး ဒေါ်နယ်ထရမ့်ကို အိမ်ဖြူတော်ပြန်လာဖို့ လမ်းဖွင့်ပေးမယ့် ကွန်ဂရက်မှာ အများစုကို အနိုင်ရဖို့ သဲကြီးမဲကြီးကြိုးပမ်းနေကြပါတယ်။
အရှေ့ဖက်ကမ်းခြေဘက်က မဲရုံတွေဟာ အင်္ဂါနေ့ မနက် ၆ နာရီမှာ စတင်ဖွင့်လိုက်ကြပါတယ်။
မဲဆန္ဒရှင် သန်း၄၀ကျော်က တစ်နိုင်ငံလုံးမှာ ကြိုတင်ဆန္ဒမဲတွေပေးထားခဲ့ကြပြီးဖြစ်ပါတယ်။
Source AFP
#US_Midterm_Election
#Polling_Stations_opened
#US_Politics
Published 7 November 2022
အင်္ဂါနေ့မှာ စတင်ကျင်းပမယ့် ရွေးကောက်ပွဲမတိုင်ခင် ရီပတ်ဗလီကန်တွေကို မဲပေးကြဖို့ သမ္မတဟောင်း ဒေါ်နယ်ထရမ့်ရဲ့ မဲဆွယ်စည်းရုံးပွဲကို လက်ထရော့ဘ်မြို့မှာ နိုဝင်ဘာ (၆)ရက်က ကျင်းပခဲ့ပါတယ်။
ကွန်ဂရက်မှာ အနီရောင်းလှိုင်းလွှမ်းသွားရမယ်လို့ သူတို့ကယုံကြည်မျှော်လင့်ထားကြနေတဲ့အလျောက် ထရမ့်ဟာ လာမယ့် သက်တမ်းဝက်ရွေးကောက်ပွဲမှာ မဲပေးရမယ့်သူတွေအထဲ မပါသည့်တိုင် ပင်ဆဲလ်ဗေးနီးယားက ရီပတ်ဗလီကန်တွေအတွက် အဓိကဆွဲဆောင်သူဖြစ်နေပါတယ်။
“ အင်မတန့် အင်မတန် တိုတောင်းတဲ့ကာလကလေးမှာ ခင်ဗျားတို့ပျော်လာလိမ့်မယ်လို့ ကျွန်တော်ကတိပေးတယ်” လို့ ထရမ့်ကပြောပါတယ်။
သမ္မတရွေးပွဲအပြီး(၂)နှစ်အကြာမှာ ပုံမှန်ကျင်းပရတဲ့ သက်တမ်းဝက်ရွေးကောက်ပွဲဟာ လက်ရှိအိမ်ဖြူတော်မှာရှိနေတဲ့ သူတွေအတွက် ပြည်သူ့ဆန္ဒခံယူတဲ့ပွဲတစ်ခုလို အများကမြင်ထားကြပါတယ်။
ဒီရွေးကောက်ပွဲမှာ အောက်လွှတ်တော်နှင့် အထက်လွှတ်တော်၊ ပြည်နယ်အုပ်ချုပ်ရေးမှူးတွေနှင့် အခြားအရာရှိနေရာ တွေကို ဘယ်သူတွေက ထိန်းချုပ်မလဲ ဆိုတာ ဆုံးဖြတ်ပေးမှာဖြစ်ပါတယ်။
အင်္ဂါနေ့ရွေးကောက်ပွဲမှာ ရီပတ်ဘလီကန်တွေ အနိုင်ရလျှင် ဒါဟာ ထရမ့်ကို ပြန်ပြီး အာဏာရရှိစေဖို့ လမ်းပွင့်သွားမယ်လို့ ထရမ့်ကိုထောက်ခံသူတွေက ယုံကြည်ထားကြပါတယ်။
“ သမ္မတရာထူးနှင့်ထိုက်တန်တာ သူတစ်ဦးတည်းရှိတယ်” လို့ အသက် ၃၉ နှစ်အရွယ် ဘော့စ်ဝဲလ်ကပြောပါတယ်။
Source: AFP
#Trump_Rally
#Save_America
#Republicans_Rally
Published 7 Nov 2022
►ဖေ့စ်ဘုတ်ခ်ရဲ့ မိခင်ကုမ္ပဏီ Meta ပလက်ဖောင်းဟာ ဒီတစ်ပတ်ထဲမှာ ဝန်ထမ်းတွေ အကြီးအကျယ်လျှော့ချဖို့ရှိလို့ ဝန်ထမ်း ထောင်ပေါင်းများစွာထိခိုက်နိုင်ဟု ဝေါစထရိဂျာနယ်ကရေးသား
►အဲဒီကြေညာချက်ကို ဗုဒ္ဓဟူးနေ့မှာ ခပ်စောစောကြေညာဖို့ စီစဉ်နေတယ်လို့ အတွင်းသိတစ်ဦးက ဝေါစထရိကို သတင်းပေး
►ဖေ့စ်ဘုတ်ခ်ဟာ ပြီးခဲ့တဲ့နှစ်က တန်ဖိုး ဒေါ်လာ (၁)ထရီလီယံဝက်ကျော် (ဒေါ်လာ ၅၀၀ဘီလျံကျော်) ဆုံးရှုံးခဲ့ရပြီး ဖြစ်ပါတယ်။
►Meta ဟာ ကမ္ဘာ့စီးပွားရေးနှေးကွေးနေမှုနှင့် ရင်ဆိုင်ရတာရယ်၊ တစ်တော့ခ် TikTok နှင့် ပြိုင်ဆိုင်မှုတွေကြောင့် စီးပွားရေး ရလာဒ်တွေဟာ စိတ်ပျက်စရာဖြစ်နေခဲ့ရ
►Metaverse ရင်းနှီးမြှပ်နှံမှုကနေ အကျိုးအမြတ်ဖြစ်ထွန်းဖို့က နောက်ထပ် ဆယ်နှစ်စောင့်ရမှာဖြစ်တယ်လို့ အမှုဆောင် ချုပ် မတ်ခ် ဇူကာဘတ်က ပြော
►ဇွန်လက ဖေ့စ်ဘုတ်ခ်ဟာ အင်ဂျင်နီယာတွေကို အနည်းဆုံး ၃၀ ရာခိုင်နှုန်းလျှော့ချဖို့ စီစဉ်ခဲ့ပြီး စီးပွားရေးအကျမှာ တောင့်ထားကြဖို့ သူ့ဝန်ထမ်းတွေကို ဇူကာဘတ်က ပြောခဲ့
►မိုက်ခရိုဆော့၊ တွစ်တာနှင့် Snap ဆနက်ပ်တို့အပါအဝင် နည်းပညာကုမ္ပဏီတော်တော်များမျာဟာ အတိုးနှုန်းမြင့်မားလာမှု၊ ငွေကြေးဖောင်းပွမှုတွေနှင့် ဥရောပ လောင်စာအကျပ်အတည်းတွေကြောင့် ဖြစ်ရတဲ့ ကမ္ဘာ့စီးပွားရေးနှေးကွေးနေမှုတွေ ကြောင့် ဝန်ထမ်းတွေ လျှော့ချနေရပြီး အလုပ်တွေဖြုတ်ပစ်နေရ
Source Reuters
#Meta_Platforms_cut_jobs
#Facebook_business
Page 143 of 231
