#Local_News
Published 12 June 2026

■ နိုင်ငံတော်သမ္မတ ဦးမင်းအောင်လှိုင်သည် တရုတ်ပြည်သူ့သမ္မတနိုင်ငံ သမ္မတ ရှီကျင့်ဖျင်၏ ဖိတ်ကြားချက်အရ မကြာမီတရုတ်နိုင်ငံသို့ နိုင်ငံတော်အဆင့်ချစ်ကြည်ရေးခရီးသွားရောက် မည်ဖြစ် သည်။

■ အဆိုပါခရီးစဉ်သည် ဇွန်လ ၁၅ ရက်မှ ၁၉ ရက်အထိ ကြာမြင့်မည်ဖြစ်ကြောင်းလည်း တရုတ် ပြည်သူ့သမ္မတနိုင်ငံ နိုင်ငံခြားရေဝန်ကြီးဌာနက သတင်းထုတ်ပြန်ထားသည်။

#Local_News
Published 12 June 2026

■ မုတ်သုံရာသီ အတွင်း ရာသီဥတုဆိုးရွာချိန် ငါးဖမ်းလုပ်ငန်းဆောင်ရွက်နေသူများ ရာသီဥတုခိုလှုံနိုင်မည်နေရာများ အသိပေးထားကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ငါးလုပ်ဦးစီးဌာနမှ အသိပေးထားသည်။

■ မြန်မာ့ပင်လယ်ငါးလုပ်ငန်းရေပြင်ပတွင်း ငါးဖမ်းလုပ်ငန်းလုပ်ကိုင်ဆောင်ရွက်နေသည့် နိုင်ငံသားပိုင် ကမ်းဝေးငါးဖမ်းရေယာဉ်များနင့် ကမ်းနီးငါးဖမ်းရေယာဉ်များအတွက် ရာသီဥတုခိုလှုံနိုင်သည့် နေရာ ၁၃ ခုကို အသိပေးထုတ်ပြန်ထားခြင်းဖြစ်သည်။

■ အဆိုပါနေရာများသည် ရခိုင်ပြည်နယ် စစ်တွေ၊ ပေါက်တော၊ ကျောက်ဖြူ၊ သံတွဲ၊ တောင်ကုတ်၊ ဂွ၊ မြို့နယ် ဧရာဝတီတိုင်း ငပုတော၊ ဘိုကလေး၊ မွန်ပြည်နယ်ရေး၊ တနင်္သာရီတိုင်း လောင်းလုံ၊မြိတ်၊ ကျွန်းစုမြို့နယ်အတွင်း၌ဖြစ်ကြောင်း သိရသည်။

■ မုတ်သုံရာသီအတွင်း ရာသီဥတုဆိုးရွားချိန်များတွင် လှိုင်းဒ-ဏ်လေဒ-ဏ်များ ခိုလှုံနိုင်ရန်အတွက်ရာသီဥတုခိုလှုံနိုင်သည့် နေရာများကို အသိပေးထားခြင်းဖြစ်ကာ ရာသီဥတုခိုလှုံခြင်းကိုအကြောင်းပြု၍ ကမ်းနီးဒေသအတွင်း ငါး၊ပုစွန်ဖမ်းဆီးနေသည်ကို စစ်ဆေးတွေ့ရှိပါကထိရောက်စွာအရေးယူသွားမည်ဖြစ်ကြောင်း အသိပေးထားသည်။

#YMG/NN #Yangon_Times

#Local_News
Published 12 June 2026

■ နိုင်ငံတော် လျှပ်စစ်ဓာတ်အားစနစ်၏ အစိတ်အပိုင်းဖြစ်သည့် ပို့လွှတ်မှုနှင့် ဖြန့်ဖြူးမှု အပိုင်းတို့တွင် ထုတ်လုပ်လျှပ်စစ်ဓါတ်အား၏ ၁၈ရာခိုင်နှုန်းကျော် ယူနစ် (၃၅၅၉ သန်း) သည် ပျှမ်းမျှအားဖြင့် နှစ်စဉ် ဆုံးရှုံးနေကြောင်း လျှပ်စစ်နှင့်စွမ်းအင်ဝန်ကြီးဌာနမှ သိရသည်။

■ အဆိုပါ ဆုံးရှုံးမှုများကြောင့် ပြည်သူများသို့ လျှပ်စစ်ဓာတ်အားပိုမိုဖြန့်ဖြုးပေးနိုင်ခြင်းမရှိသည့်အပြင် နေ့စဉ်ဆုံးရှုံးမှုများ ဖြစ်ပေါ်စေကြောင်းဆိုထားသည်။

■ ထို့အပြင် နည်းပညာပိုင်းဆိုင်ရာ ဆုံးရှုံးမှု နှင့် လူတို့၏ မသမာမှုများကြောင့် ဖြစ်ပေါ်နေသည့် ဆုံးရှုံးမှုများကို လျော့နည်းပပျောက်စေရေးအတွက် အလေးထားကြိုးပမ်းဆောင်ရွက်နေ ကြောင်းလည်းသိရသည်။

■ နည်းပညာဆိုင်ရာဆုံးရှုံးမှုများကို နိုင်ငံတကာတွင် လက်ခံထားသည့် ပျောက်ဆုံးမှုရာခိုင်နှုန်း စံနှုန်းများအတိုင်း ရှိစေရေးအတွက် နည်းပညာပိုင်ဆိုင်ရာ မြှင့်တင်မှုများ၊ ဓာတ်အားလိုင်းနှင့်ထရန်စဖော်မာများကို ပုံမှန်ထိန်းသိမ်းခြင်း၊ smart မီတာများ တပ်ဆင်ခြင်းနင့် လျှပ်စစ်ဓာတ်အားသုံးစွဲမှုကို အချိန်နှင့်တပြေးညီစောင့်ကြည့်သည့်စနစ်များကို အရှိန်အဟုန်မြှင့်တင် ဆောင်ရွက်သွားမည်ဖြစ်ကြောင်း သိရသည်။

■ ထိုကြောင့် လူတို့၏ မသမာမှုများကြောင့် ဆုံးရှုံးမှုများကိုလည်း ဖော်ထုတ်၍ ဥပဒေနှင့်အညီ ထိရောက်စွာဟန့်တားဆောင်ရွက်သွားမည်ဖြစ်ပြီး ပြည်သူများ အနေဖြင့် မသမာပြုလုပ်သူများကို တွေ့ရှိပါကလည်း သတင်ပေးတိုင်ကြားနိုင်ကြောင်းလည်း သိရသည်။

#YMG/NN #Yangon_Times

#Daily_News
Published 11 June 2026

၁။‌ အိန္ဒိယကရူပီး(၁၇)ဒသမ(၇၅)သန်းကျော် တန်ဖိုးရှိစက်ပစ္စည်းကိရိယာများပေးအပ်

‌‎၂။ ‌‌‌‌သဘာဝဘေးအန္တရာယ်ကာကွယ်နိုင်သည့် အကျိုးပြုဧရိယာဒေသအဖြစ်ဆယ်အိမ်တန်းကမ်းခြေကိုဖော်ဆောင်သွားမည်ဟုဆို

‎၃။‌‌‎ ဆန်ဈေးနှုန်းကြီးမြင့်မှုမရှိစေရေး ဆန်ဆိုင်များကိုအဖွဲ့စုံဖြင့်စစ်ဆေးနေ

၄။‎ ‌‌‌‌‌‌‌‌‌ကမ္ဘာ့ဖလားပွဲမတိုင်မီဆန္ဒပြထုတ်ဖော်ရန် အမေရိကန်အလုပ်သမားများပြင်ဆင်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 11 June 2026

ဖူးခက်။ ။ ယခုသီတင်းပတ်အစောပိုင်းက ချောင်သလေး (Cherng Talay) ရှိ လမ်းမတစ်ခုပေါ်တွင် အလောင်းစွန့်ပစ်ခံထားရသည့် မြန်မာနိုင်ငံသားတစ်ဦး အသတ်ခံရမှုနှင့်ပတ်သက်၍ အတူလုပ်ကိုင်သူ မြန်မာရွှေ့ပြောင်းလုပ်သားနှစ်ဦးကို ဆူရတ်ထာနီ (Surat Thani) တွင် ဖမ်းဆီးရမိခဲ့သည်။

■ ပြစ်မှုဖြစ်ပွားရာနေရာမှ ရရှိသည့် စီစီတီဗွီ (CCTV) မှတ်တမ်းများနှင့် အခြားသက်သေအထောက်အထားများကို အသုံးပြုကာ စုံစမ်းစစ်ဆေးရေးမှူးများက နောက်ခြေရာခံလိုက်လံပြီးနောက် သံသယရှိသူနှစ်ဦးကို ဆူရတ်ထာနီတွင် ဖမ်းဆီးရမိခဲ့ကြောင်း ချောင်သလေးရဲတပ်ဖွဲ့က ယနေ့ ဇွန် ၁၁ ရက် တွင် သတင်းထုတ်ပြန်ခဲ့သည်။ အဆိုပါအမှုသည် တနင်္လာနေ့ ဇွန် ၈ ရက် နံနက် ၇ နာရီခန့်တွင် ချောင်သလေး၊ မူ ၆ (Moo 6) ရှိ စွန့်ပစ်ထားသော Dream Phuket Hotel and Spa ရှေ့ လမ်းမပေါ်တွင် အမျိုးသားတစ်ဦး၏ အလောင်းကို တွေ့ရှိရကြောင်း ရဲတပ်ဖွဲ့ထံ သတင်းပို့ချက်ရရှိရာမှ စတင်ခဲ့ခြင်းဖြစ်သည်။

■ စုံစမ်းစစ်ဆေးရေးမှူးများ၊ မှုခင်းသိပ္ပံအရာရှိများနှင့် ဗာချီရာဖူးခက် (Vachira Phuket) ဆေးရုံမှ မှုခင်းဆရာဝန်ကြီးတစ်ဦးတို့သည် အခင်းဖြစ်ပွားရာနေရာသို့ သွားရောက်စစ်ဆေးခဲ့ရာ သေဆုံးသူတွင် ဓားဒဏ်ရာအမြောက်အမြား ရရှိထားသည်ကို တွေ့ရှိခဲ့ရသည်။ ထို့ပြင် အလောင်းအနီး၌ ဓားအိမ်တစ်ခုကိုလည်း ရှာဖွေတွေ့ရှိခဲ့သည်။ အနီးအနားတွင် ရပ်တန့်ထားသည့် အနက်ရောင် ဟွန်ဒါ (Honda PCX) ဆိုင်ကယ်တစ်စီးကိုလည်း တွေ့ရှိခဲ့ပြီး ရဲအရာရှိများက ၎င်းမော်တော်ယာဉ်ကို ရှာဖွေရာတွင် သေဆုံးသူမှာ အသက် ၄၅ နှစ်အရွယ် မြန်မာနိုင်ငံသား ကိုရဲမင်းကျော် ဖြစ်ကြောင်း အတည်ပြုနိုင်သည့် နိုင်ငံကူးလက်မှတ် ပတ်စ်ပို့ ကို ရှာဖွေတွေ့ရှိခဲ့သည်။

■ စုံစမ်းစစ်ဆေးရေးဌာန ဒုတိယရဲမှူးကြီး အနုရတ် ကလန်နာရွန် နှင့် စုံစမ်းစစ်ဆေးရေးဌာန ရဲမှူး ချာနာဆင် ပရာတစ် နာ သလန်း တို့၏ ဦးဆောင်မှုဖြင့် ချောင်သလေးရဲတပ်ဖွဲ့သည် အရှိန်အဟုန်မြှင့် စုံစမ်းစစ်ဆေးမှုများ စတင်ပြုလုပ်ခဲ့သည်။ ရဲတပ်ဖွဲ့သည် သက်သေများကို စစ်ဆေးမေးမြန်းခြင်း၊ မှုခင်းဆေးပညာဆိုင်ရာ သက်သေအထောက်အထားများ စုဆောင်းခြင်းတို့အပြင် အလောင်းတွေ့ရှိသည့်နေရာနှင့် သံသယရှိသူများ ထွက်ပြေးတိမ်းရှောင်သည့် လမ်းကြောင်းတစ်လျှောက်ရှိ စီစီတီဗွီမှတ်တမ်းများကို ပြန်လည်စစ်ဆေးခဲ့သည်။

■ စုံစမ်းစစ်ဆေးမှုများအရ အဆိုပါလူသတ်မှုတွင် သံသယရှိသူအဖြစ် မြန်မာနိုင်ငံသားနှစ်ဦးကို ဖော်ထုတ်နိုင်ခဲ့သဖြင့် ဖူးခက်ခရိုင်တရားရုံးက ၎င်းတို့အား လူသတ်မှုပူးပေါင်းကျူးလွန်ခြင်း စွဲချက်ဖြင့် ဖမ်းဝရမ်းများ ထုတ်ပြန်ခဲ့သည်။ သံသယရှိသူများမှာ သိန်းမြင့် (ခ) ဂျက် နှင့် ကျော်ခိုင် (ခ) ချစ်မင်း တို့ ဖြစ်ကြသည်။

■ လူသတ်မှုဖြစ်ပွားခဲ့သည်ဟု ယူဆရသည့်နေရာဖြစ်သော ဆွိုင်ခေါ့တနော့ ၁၂ လမ်းသွယ်အတွင်းမှ ၎င်းတို့နှစ်ဦး ဆိုင်ကယ်စီး၍ ထွက်ခွာသွားသည်ကို စီစီတီဗွီမှတ်တမ်းများတွင် ဖမ်းမိခဲ့ခြင်းဖြစ်ကြောင်း ရဲတပ်ဖွဲ့က ပြောကြားခဲ့သည်။ ၎င်းတို့အမျိုးသားနှစ်ဦးကို ဇွန်လ ၁၀ ရက် (မနေ့က) တွင် ဆူရတ်ထာနီခရိုင်၊ ဖွန်ဖင်မြို့နယ်ရှိ ဘန်မာဒူအာရဲစခန်းပိုင်နက်အတွင်း ဖမ်းဆီးရမိခဲ့ခြင်းဖြစ်ပြီး၊ ဥပဒေအရ အရေးယူဆောင်ရွက်နိုင်ရန်အတွက် ချောင်သလေးရဲစခန်းသို့ ပြန်လည်ခေါ်ဆောင်လာခဲ့သည်။

■ ရဲတပ်ဖွဲ့က လူသတ်မှုကျူးလွန်ရသည့် အကြောင်းရင်းကို ဖော်ထုတ်ရန်နှင့် အခြားသူများ ပါဝင်ပတ်သက်မှု ရှိ၊ မရှိ ဆုံးဖြတ်နိုင်ရန်အတွက် စုံစမ်းစစ်ဆေးမှုများကို ဆက်လက်လုပ်ဆောင်နေဆဲဖြစ်ကြောင်း ပြောကြားပြီး၊ အာဏာပိုင်များက ဤပြစ်မှုနှင့် ဆက်နွှယ်သူအားလုံးကို ခြေရာခံဖော်ထုတ်ကာ ဥပဒေအရ အပြင်းထန်ဆုံး အရေးယူသွားမည်ဟု ကတိပြုထားသည်။

အိန္ဒိယသမ္မတနိုင်ငံမှ ရူပီး ၁၇ ဒသမ ၇၅ သန်းကျော်တန်ဖိုးရှိ ငလျင်ဒဏ်သင့်အဆောက်အအုံများ၏ ကြံ့ခိုင်မှုကိုစစ်ဆေးရာတွင်အသုံးပြုသော စက်ပစ္စည်းကိရိယာများ လွှဲပြောင်းပေးအပ်တဲ့အခမ်းအနားကို ယမန်နေ့ရန်ကုန်မြို့ လှိုင်မြို့နယ် မြန်မာနိုင်ငံအင်ဂျင်နီယာအသင်းချုပ်ရှိ Function Hallမှာကျင်းပခဲ့ပါတယ်။

#Local_News
Published 11 June 2026
#အိန္ဒိယ
#YMG/SW #Yangon_Times