မြန်မာနိုင်ငံဆန်စပါးအသင်းချုပ်အနေနဲ့ပြည်ပပို့ကုန် ဆန်စပါးစိုက်ပျိုးရေးဇုန်(Rice Export Zone -REZ) စီမံကိန်းမှာ ပူးပေါင်းပါဝင်လိုသူဆွေကို ဖိတ်ခေါ်လျှက်ရှိပြီး Rice Export Zone တွင်ပါဝင်လိုသူ‌တွေအနေနဲ့ကလည်းယခုလကုန်နောက်ဆုံးထားဆက်သွယ်ဆောင်ရွက်ဖို့လိုတယ်လို့အသိပေးထားပါတယ်။

#Local_News
Published 17 June 2026
#Rice_Export_Zone
#YMG/SW #Yangon_Times

ပြည်တွင်းကထွက်ရှိတဲ့ ထောပတ်သီးနှံအတွက်စံချိန်မီ ထုတ်ပိုးစက်ရုံများ လာရောက်ရင်းနှီးမြုပ်နှံကြဖို့ တရုတ်ကုန်သည်များနဲ့ဆွေးနွေးနေတယ်လို့ မြန်မာနိုင်ငံသစ်သီးဝလံ၊ ပန်းမန်နှင့်ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်းက သိရပါတယ်။

#Local_News
Published 17 June 2026
#ထောပတ်သီး #တရုတ်ကုန်သည်
#YMG/NN #Yangon_Times

မအူပင် (တောင်) ရေနံနှင့် သဘာဝဓာတ်ငွေ့မြေ၊ တွင်းအမှတ် (၂၂) ရှိ သဲကြောများအား သုတေသနပြုဆန်းစစ်ပြီး တိုးချဲ့သေနတ်ဖောက်ယူခဲ့ရာ သဘာဝဓာတ်ငွေ့များ တိုးတက်ထွက်ရှိခဲ့တယ်လို့ လျှပ်စစ်နှင့်စွမ်းအင်ဝန်ကြီးဌာနက ထုတ်ပြန်ထားပါတယ်။

#Local_News
Published 17 June 2026
#ရေနံနှင့်သဘာဝဓာတ်ငွေ့ #လျှပ်စစ်နှင့်စွမ်းအင်ဝန်ကြီးဌာန
#YMG/SW #Yangon_Times

#Daily_News
Published 17 June 2026

၁။‌ (၁၀)ကြိမ်မြောက်တရုတ်နိုင်ငံနှင့်တောင်အာရှနိုင်ငံများ၏ ကုန်စည်ပြပွဲ၌ မြန်မာ့ဆန်စပါးကဏ္ဍ ကိုယ်စားပြုပြခန်းပါဝင်ပြသ

‌‎၂။ ‌‌‌‌Rice Export Zone တွင်ပါဝင်လိုသူများ ယခုလကုန်နောက်ဆုံးထားဆက်သွယ်ဆောင်ရွက်ရန်လို

‎၃။‌‌‎ ထောပတ်သီးစံချိန်မီထုတ်ပိုးစက်ရုံများ အတွက်ရင်းနှီးမြုပ်နှံရန် တရုတ်ကုန်သည်များနှင့်ဆွေးနွေးနေ

၄။‎ ‌‌‌‌‌‌‌‌‌တရုတ်ပြည်၏AIဆက်စပ်တင်ပို့ကုန်ပစ္စည်းများ ယွမ်ငွေ(၄.၁၂)ထရီလီယံအထိတန်ဖိုးမြင့်တက်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 17 June 2026

■ တရုတ်နိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်ထံ ယနေ့မွန်းလွဲပိုင်းတွင် ရှန်ဟိုင်းမြို့၊ မြို့တော်ဝန် မစ္စတာ ကုန်းကျန့်(Gong Zheng)က  ခေတ္တတည်းခိုလျက်ရှိသည့် Fairmont Peace Hotel ဧည့်ခန်းမဆောင်၌ လာရောက်ဂါရဝပြုတွေ့ဆုံခဲ့ကြောင်းသိရသည်။

■ ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ယနေ့နံနက်ပိုင်းတွင် ပေကျင်းမြို့မှ ရှန်ဟိုင်းမြို့သို့ အမြန်ရထားဖြင့် လိုက်ပါစီးနင်းခဲ့ပြီးနောက် ယနေ့ မွန်းလွဲပိုင်းတွင် ရှန်ဟိုင်းမြို့သို့ ရောက်ရှိလာခဲ့ခြင်းလည်းဖြစ်သည်။

Yangon Times/pp

#Local_News
Published 17 June 2026

■ ၂၀၂၆ ခုနှစ်၊ ဇွန်လ (၁၄) ရက်နေ့က ပြင်ဦးလွင်မြို့၊ Hotel Spring ၌ ကျင်းပပြုလုပ်ခဲ့သည့် "မြန်မာနိုင်ငံ လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်း" (MTA) ၏ စတုတ္ထကြိမ်မြောက် နှစ်ပတ်လည်အထွေထွေအစည်းအဝေးသို့ မြန်မာနိုင်ငံ သစ်သီးဝလံ၊ ပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းချသူများအသင်း (MFVP) ဥက္ကဋ္ဌ ဦးကျော်သူ တက်ရောက်ချီးမြှင့်ခဲ့ကြောင်းသိရသည်။

■ အဆိုပါ ဖွင့်ပွဲအခမ်းအနားတွင် MFVP ဥက္ကဋ္ဌ ဦးကျော်သူက အဖွင့်အမှာစကား ပြောကြားပေးခဲ့ပြီး၊ အသင်း၏ ညီနောင်အသင်းတစ်ခုဖြစ်သည့် မြန်မာနိုင်ငံ လက်ဖက်စိုက်ပျိုးထုတ်လုပ် တင်ပို့ရောင်းချသူများအသင်း (MTA) နှင့်အတူ လက်ဖက်ကဏ္ဍအပါအဝင် မြန်မာ့သစ်သီးဝလံ၊ ပန်းမန်နှင့် ဟင်းသီးဟင်းရွက် ကဏ္ဍအရည်အသွေးမြင့်မားလာစေရေး၊ ပြည်တွင်း/ပြည်ပ ဈေးကွက်များ ပိုမိုခိုင်မာစွာ ချိတ်ဆက်နိုင်ရေးနှင့် တောင်သူများ၏ လူမှုစီးပွားဘဝ ဖွံ့ဖြိုးတိုးတက်ရေးတို့အတွက် မိခင်အသင်းကြီးအနေဖြင့် အစဉ်တစိုက် ဝန်းရံပံ့ပိုးကူညီသွားမည့် အခြေအနေများကို အလေးပေး ပြောကြားခဲ့ကာ MTA အသင်းမဖြစ်ခင် လက်ဖက်စိုက်ပျိုးထုတ်လုပ်တင်ပို့ရောင်းချသူများအစုအဖွဲ့ အဖြစ် စတင်လှုပ်ရှားခဲ့စဉ်က workshop တစ်ခုတွင် စုပေါင်းရိုက်ကူးထားသောလက်ဖက်အဖွဲ့သားများ၏ဓာတ်ပုံအား အမှတ်တရလက်ဆောင်အဖြစ်ပေးအပ်ခဲ့ကြောင်းသိရသည်။

■ ယင်းအစည်းအဝေးတွင် မြန်မာနိုင်ငံလက်ဖက်စိုက်ပျိုးထုတ်လုပ်တင်ပို့ရောင်းချသူများအသင်းမှ တာဝန်ရှိသူများက ပြီးခဲ့သည့်နှစ်အတွင်း လုပ်ငန်းဆောင်ရွက်ချက်များနှင့် ဘဏ္ဍာရေးရှင်းတမ်းများကို တင်ပြခဲ့ကြပြီး၊ ရှေ့ဆက်လုပ်ငန်းစဉ်များ ဆွေးနွေးရန်အတွက်လုပ်ရုံဆွေးနွေးပွဲတစ်ရပ်ကို ပြုလုပ်ဆွေးနွေးခဲ့ကြကြောင်းသိရသည်။

■ အဆိုပါ နှစ်ပတ်လည်အထွေထွေအစည်းအဝေးသို့ MTA ဥက္ကဋ္ဌနှင့် အမှုဆောင်များ၊ ဒေသအသီးသီးမှ လက်ဖက်စိုက်ပျိုးထုတ်လုပ်သူများ၊ လုပ်ငန်းရှင်များနှင့် ဖိတ်ကြားထားသော ဧည့်သည်တော်များ စုံစုံလင်လင် တက်ရောက်ခဲ့ကြပြီး အစည်းအဝေးကိုအောင်မြင်စွာပြုလုပ်ခဲ့ပါသည်။

■ မြန်မာနိုင်ငံ လက်ဖက် စိုက်ပျိုးထုတ်လုပ် တင်ပို့ရောင်းချသူများ အသင်းသည် ယခု၂၀၂၆ ခုနှစ်ဧပြီလအတွင်း (၂၀၂၆-၂၀၂၉) သက်တမ်းအတွက် ဗဟိုအလုပ်အမှုဆောင်၊ အလုပ်အမှုဆောင်ရွေးချယ် တင်မြှောက်ပွဲကို MFVP ၏ ကြီးကြပ်မှု ဖြင့်ဆောင်ရွက်ခဲ့ပြီး (၂၀၂၆-၂၀၂၉) သက်တမ်း အလုပ်အမှုဆောင်အဖွဲ့ တွင် ဥက္ကဌ အဖြစ် ဦးရဲထွဋ် နှင့် စီမံခန့်ခွဲရေးအဖွဲ့ဝင်(၁၃)ဦး ပါဝင်သည့် ဗဟို အလုပ်အမှုဆောင်၊ အလုပ်အမှုဆောင် (၄၉) ဦး ကိုရွေးချယ်တင်မြှောက်နိုင်ခဲ့ကြောင်း သိရသည်။

#YMG/NN #Yangon_Times