#Daily_News
Published 27 January 2025

၁။ စားအုန်းဆီ‌ရည်ညွန်း‌ဈေးများ ထပ်မံကျဆင်း

၂။ ပြည်သူ့စစ်မှုထမ်းဥပဒေအရ အရေအတွက်တိုးမြှင့်ခေါ်ယူရေးကိစ္စ ပြောကြားခဲ့ခြင်းမရှိဟု ဦးကိုကိုကြီးဆို

၃။ ပြည်ပသို့ ယခုဘဏ္ဍာနှစ် ဒီဇင်ဘာလအထိ ရေငန်ပုစွန်တန်ချိန်ငါး‌ထောင်ကျော်တင်ပို့ထား

၄။ အမေရိကန်တွင် တရုတ်က မှန်စက်ရုံကြီးတစ်ခုလည်ပတ်မည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Health
Published 27 January 2025

▪️ မျက်လုံးတွေအောက်မှာ မျက်ကွင်းညိုခြင်းက အသက်ကြီးတယ်လို့ ထင်ရစေပါတယ်။ မောပန်းနွမ်းနယ်ခြင်းကြောင့် မျက်ကွင်းညိုရသလို အသက်အရွယ်၊ မျိုးဗီဇ၊ မျက်လုံးဒဏ်ဖြစ်ခြင်း၊ သွေးအားနည်းခြင်း၊ ရေဓာတ်နည်းခြင်း၊ နေရောင်ထိတွေ့ခြင်း၊ နေထိုင်စားသောက်ပုံစံအချို့တို့ကြောင့်လည်း ဖြစ်နိုင်ပါတယ်။

▪️ ဒီအတွက် ဈေးကွက်မှာ လိမ်းဆေးတွေရှိပေမယ့် နေထိုင်စားသောက်မှုပုံစံ ပြောင်းလဲမှုနှစ်ခုက အထောက်အကူ ဖြစ်နိုင်တယ်လို့ အရေပြားဆရာဝန် ဂျူရှာဘာတီယာဆာရင်က ပြောပြသွားပါတယ်။

▪️ (၁) အခန်းမီးတွေ ပိတ်ပြီးနောက်မှာ ဖုန်းမကြည့်သင့်ပါဘူး။
မိုဘိုင်းဖုန်းမျက်နှာပြင်ကနေ ထုတ်လွှတ်တဲ့ စွမ်းအားမြင့်အလင်းပြာက မျက်လုံးအောက်ရှိ ကော်လာဂျင်နဲ့ အီလက်စ်တင်တို့ကို ဖြိုခွဲပြီး မျက်လုံးကြွက်သားများ ဒဏ်ဖြစ်စေပါတယ်။

▪️ (၂) သံဓာတ်ချို့တဲ့မှုဖြေရှင်းပါ။
သွေးထဲမှာ သံဓာတ်နဲ့ ဟေမိုဂလိုဘင် နည်းပါးပါက အရေပြားဆဲလ်တွေဆီ အောက်ဆီဂျင်ရောက်ရှိမှု နှောင့်နှေးစေပါတယ်။
ထိုကနေ မယ်လာနင်ဓာတ် ပိုထွက်လာစေပြီး အပါးလွှာဆုံးဖြစ်တဲ့ မျက်လုံးအောက်အရေပြားမှာ ညိုလာတာဖြစ်တယ်လို့ ရှင်းပြထားပါတယ်။

#Source: DoctorNDTV

ပို့ကုန်၊ သွင်းကုန်တွေအ‌ပေါ် မြန်မာနိုင်ငံတော်ဗဟိုဘဏ်ငွေလဲနှုန်းနဲ့ အခွန်ပြန်စည်းကြပ်နေပြီလို့ အကောက်ခွန်ဦးစီးဌာနက သိရပါတယ်။
#Local_News
Published 27 January 2025
#ပို့ကုန်၊သွင်းကုန် #ဗဟိုဘဏ်ငွေလဲနှုန်း
#YMG/NN #Yangon_Times

အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) နဲ့တွေ့ဆုံရာမှာ ပြည်သူ့စစ်မှုထမ်းဥပဒေအရ အရေအတွက်တိုးမြှင့်ခေါ်ယူရေးကိစ္စ ပြောကြားခဲ့တာမရှိခဲ့ဘူးလို့ ပြည်သူ့ပါတီ‌ဥက္ကဌ  ဦးကိုကိုကြီးက ပြောပါတယ်။
#Local_News
Published 27 January 2025
#ပြည်သူ့စစ်မှုထမ်းဥပဒေ #ဦးကိုကိုကြီး
#YMG/NN #Yangon_Times

ပနားမီးရေငန်ပုစွန်‌တွေကို နှစ်စဉ်ပြည်ပသို့ တင်ပို့လျက်ရှိရာ ၂၀၂၄-၂၀၂၅ ဘဏ္ဍာနှစ် ဒီဇင်ဘာလထိ ရေငန်ပုစွန်တန်ချိန် ၅၉၄၆ ဒသမ ၁၈၇ တန် တင်ပို့ထားပြီးဖြစ်တယ်လို့ တနင်္သာရီတိုင်းဒေသကြီး ငါးလုပ်ငန်းအဖွဲ့ချုပ်မှ သိရပါတယ်။
#Local_News
Published 27 January 2025
#ရေငန်ပုစွန် #ငါးလုပ်ငန်းအဖွဲ့ချုပ်
#YMG/SW #Yangon_Times

ယခုတစ်ပတ်အတွက်ထုတ်ပြန်တဲ့ စားအုန်းဆီ‌ရည်ညွှန်းဈေးနှုန်းထပ်မံကျဆင်းလာတယ်လို့ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ထုတ်ပြန်တဲ့ ဈေးနှုန်းတွေအရ သိရပါတယ်။
#Local_News
Published 27 January 2025
#စားအုန်းဆီ‌ရည်ညွန်း‌ဈေး #စားအုန်းဆီ‌ဈေးကျဆင်း
#YMG/SW #Yangon_Times

#World_Science
Published 27 January 2025

▪️ အောက်စ်ဖို့ဒ်တက္ကသိုလ်မှ သုတေသီများ ထုတ်ဖော်လိုက်တဲ့ သွေးစစ်ဆေးနည်းအသစ်ဟာ ကင်ဆာရောဂါတွေ တွေ့ရှိဖို့အခက်ခဲဆုံး အစောဆုံးအဆင့်တွေမှာပင် ကင်ဆာအမျိုးအစား အများအပြားကို သေချာပေါက် တွေ့ရှိနိုင်မှာဖြစ်ပါတယ်။

▪️ TriOx လို့ နာမည်ပေးထားတဲ့ ဒီစစ်ဆေးနည်းဟာ သွေးထဲက ဒီအင်န်အေတွေကို ဆန်းစစ်ပြီး မထင်ရှားသေးတဲ့ ကင်ဆာလက္ခဏာများကို တွေ့ရှိနိုင်မှာဖြစ်ကာ လက်ရှိစစ်ဆေးနည်းတွေထက်စာရင် ပိုမိုမြန်ဆန်ပြီး ခန္ဓာကိုယ်ထဲ အနည်းဆုံးအတိုင်းအတာဖြင့်သာ ထိုးထွင်းစမ်းသပ်နိုင်မှာ ဖြစ်ပါတယ်။

▪️ ဖော်ပြထားတဲ့ စမ်းသပ်ချက်ထဲမှာ TriOxက ကင်ဆာ ၆ မျိုး အစောပိုင်းအဆင့်အထိ တိကျစွာ ရှာဖွေတွေ့ရှိပြီး ကင်ဆာရှိတဲ့သူတွေကို သေချာခွဲခြားပြနိုင်ပါတယ်။

▪️ ဒီစစ်ဆေးနည်းက ထုတ်လုပ်စမ်းသပ်ဆဲအဆင့် ဖြစ်ပေမယ့် ကင်ဆာရှာဖွေရေး လုပ်ငန်းစဉ်မှာ တိုးတက်ပြောင်းလဲလာနိုင်တဲ့ နည်းပညာဖြစ်ပါတယ်။

▪️ ကင်ဆာ ၆ မျိုးအစောပိုင်းအဆင့်တွေကို တွေ့ရှိနိုင်မယ့် အသားစအရည်စမ်းသပ်နည်းကို တီထွင်ထားပြီး အူမကြီး၊ အစာရေမျို၊ ပန်ကရိယ၊ ကျောက်ကပ်၊ သားအိမ်၊ ရင်သားကင်ဆာတို့ ပါဝင်ပါတယ်။

▪️ TAPSလို့ခေါ်တဲ့ ဒီအင်န်အေ အဆင့်မြင့်ဆန်းစစ်နည်းပညာကို စက်ပစ္စည်းမှတ်သားနည်းစနစ်ဖြင့် ပေါင်းစပ်လိုက်ပြီး သွေးထဲမှာ လှည့်ပတ်နေတဲ့ ဒီအင်န်အေတွေမှ အဓိကအရာတွေကို ဆန်းစစ်ပေါင်းစပ်သွားတာ ဖြစ်ပါတယ်။

▪️ ဒီစစ်ဆေးနည်းက စမ်းသပ်ထုတ်လုပ်ဆဲဖြစ်ပေမယ့် ကမ္ဘာတဝှမ်းမှ လူသန်းပေါင်းများစွာအတွက် အသက်ရှင်နှုန်း မြင့်မားစေနိုင်တဲ့ အလားအလာ ရှိတယ်လို့ယူဆကြောင်း အောက်စ်ဖို့ဒ်တက္ကသိုလ် ကင်ဆာဌာနမှ ပရော်ဖက်ဆာ အန်နာရှုက ပြောသွားပါတယ်။

▪️ ကင်ဆာအများစုဟာ နောက်ပိုင်းအဆင့် မရောက်ခင်အထိ ရောဂါမသိရှိရတာကြောင့် ကုသရခက်ခဲကြောင်း၊ ယခုနည်းလမ်းကတော့ ကင်ဆာအစောပိုင်းအဆင့်တည်းက သွေးယူစစ်ဆေးခြင်းဖြင့် တွေ့ရှိနိုင်မှာဖြစ်ကြောင်း အောက်စ်ဖို့ဒ်လူသားမျိုးဗီဇစင်တာမှ ဒေါက်တာ ဒီမစ်ထရစ်ဗာဗော်လစ်က ပြောပြပါတယ်။

▪️ သုတေသနအဖွဲ့က TriOxကို အနာဂတ်မှာ ပုံမှန်ကျန်းမာရေးစောင့်ရှောက်မှုအဖြစ် ထည့်သွင်းအသုံးပြုသွားဖို့ နည်းလမ်းများရှာဖွေနေကြပါတယ်။

#Source: University Of Oxford

#Local_News
Published 27 January 2025

▪️ ဂျပန်နိုင်ငံ၏ STUDY in JAPAN မှ အသိအမှတ်ပြုထားပြီး၊ THE ASIAN FOUNDATION FOR INTERNATIONAL SCHOLARSHIP INTERCHANGE မှ ပြုလုပ်သော ဂျပန်ဘာသာအရည်အချင်းစစ် စာပေးပွဲတစ်ခု ဖြစ်သည့် TOP-J စာမေးပွဲကို မတ်လ ၉ ရက်တွင် ကျင်းပသွားမည်ဖြစ်ကြောင်း သိရသည်။

▪️ TOP-J စာမေးပွဲ ကျင်းပရခြင်း၏ ရည်ရွယ်ချက်မှာ
၁။ ဂျပန်ဘာသာစကားစွမ်းရည်ကိုစစ်ဆေးရန်။

၂။ တက္ကသိုလ်ဝင်ခွင့် လျှောက်ထားရန်။

၃။ ပညာသင်ဆုလျှောက်ထားရန် လိုအပ်ချက်တောင်းဆိုသည့်အချိန်၊

၄။ အလုပ်အကိုင်လျှောက်ထားသည့်အချိန်တွင် သက်ဆိုင်ရာအဖွဲ့အစည်းမှ ဂျပန်ဘာသာအရည်အချင်း အသိအမှတ်ပြုစာမေးပွဲ အောင်လက်မှတ်တောင်းဆိုသည့်အချိန်များတွင် ထောက်အထားအဖြစ်ပြသနိုင်ရန် ဖြစ်ကြောင်း သိရသည်။

▪️ အဆိုပါစာမေးပွဲကို မတ်လ၉ရက်၌ ရန်ကုန်နှင့်မန္တလေးတွင် တပြိုင်ထဲ ကျင်းပသွားမည်ဖြစ်ပြီး စာမေးပွဲဝင်ရောက်ဖြေဆိုလိုသည့်သူများအနေဖြင့် Level အားလုံးအတွက် စာမေးပွဲကြေး (၇၂,၀၀၀) ကျပ်ကျသင့်မည်ဖြစ်ပြီးလျှောက်လွှာလက်ခံကာလမှာ ယခုလ၂၇ရက်မှ ဖေဖော်ဝါရီလ ၁၀ရက်အထိ ဖြစ်ကြောင်း သိရသည်။

#YMG/SW #Yangon_Times

#Local_News
Published 27 January 2025

▪️ သီလဝါတန်ဖိုးနည်းအိမ်ရာရှိ လက်ကျန်အခန်း ၈၈ခန်းကို ဝယ်ယူခွင့်ရရှိသူများအ‌ေနဖြင့် ယခုလ၂၈ရက် နံနက် (၁၀:၀၀) နာရီအချိန်တွင် မြို့ပြနှင့်အိမ်ရာဖွံဖြိုးရေးဦးစီးဌာန၊ ရန်ကုန်တိုင်းဒေသကြီး၊ ဒုတိယထပ် အစည်းအဝေးခန်းမ (အမှတ်၂၂၈/၂၃၄, ဗိုလ်ချုပ်အောင်ဆန်းလမ်း၊ ဗိုလ်တထောင်မြို့နယ်) ၌ ရရှိမည့်အခန်းကိုမဲနှိုက်ရွေးချယ်ရမည်ဖြစ်ကြောင်း သိရသည်။

▪️ CHID Bank တွင် အိမ်ရာစုဆောင်းငွေ ကျပ်သိန်း (၃၀) ပြည့်မီသူ (၁၈၉၁) ဦးအနက် ၂၀.၁.၂၀၂၅ ရက်နေ့မှ ၂၄.၁.၂၀၂၅ ရက်နေ့ အထိ "DUHD Sale Housing Facebook Page" တွင်စာရင်းပေးသွင်းသူ (၃၉၃) ဦး ရှိကြောင်း၊ ရောင်းချပေးနိုင်သည့် အခန်းအရေအတွက်အရ စာရင်းပေးသွင်း လျှောက်ထားသူများအနက် CHID Bank ၏ တန်းစီဇယားအမှတ်စဉ် အစောဆုံး (၈၈) ဦးအား အခန်းမဲနှိုက်ခွင့်ပြုမည်ဖြစ်ကြောင်း သိရသည်။

▪️ အဆိုပါ မဲနှိုက်ခွင့်ရရှိသူ ၈၈ဦးသည် သီလဝါအိမ်ရာအခန်းများကို အတိုးနှုန်းသက်သာသော
အိမ်ရာချေးငွေဖြင့် ဝယ်ယူခွင့်ရရှိမည်ဖြစ်ကြောင်းဝယ်ယူခွင့်ရရှိမည်ဖြစ်ကြောင်း၊အခန်းမဲနှိုက်ခွင့် ရရှိသူများအနေဖြင့် အခမ်းအနားသို့ ကိုယ်တိုင် (သို့မဟုတ်) ကိုယ်စား တက်ရောက်နိုင်ပြီးကိုယ်စား တက်ရောက်ပါက ကိုယ်စားလှယ်လွှဲစာ၊ အခန်းမဲနှိုက်ခွင့် ရရှိသူ၏ မှတ်ပုံတင်မိတ္တူ ပါရှိရမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 27 January 2025

▪️ လာမည့် ဖေဖော်ဝါရီ ၁ရက်နေ့၌  “Green Spotted Triangle” လိပ်ပြာပုံ (၂၀၀ ကျပ်တန်) စာပို့တံဆိပ်ခေါင်းသစ် (၁)မျိုးကို  နေပြည်တော်ဗဟိုစာတိုက်ကြီး အပါအဝင် တိုင်းနှင့်ပြည်နယ်များရှိ စာတိုက်ကြီးများ၌ ရောင်းချပေးသွားမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သိရသည်။

▪️ မြန်မာနိုင်ငံ၌ တွေ့ရှိရသော လိပ်ပြာမျိုးစိတ်အဖြစ် သယံဇာတနှင့် သဘာဝပတ်ဝန်းကျင်ထိန်းသိမ်းရေး ဝန်ကြီးဌာနက မှတ်တမ်းတင် သဘောထားမှတ်ချက်ပြုထားသည့်“Green Spotted Triangle” လိပ်ပြာပုံ ဖြစ်ကြောင်း သိရသည်။

▪️ အဆိုပါ စာပို့တံဆိပ်ခေါင်းသစ်ကို လာမည့် ဖေဖော်ဝါရီ (၁)ရက်၊ နံနက် ၉ နာရီခွဲမှ စတင်၍ နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ ပြည်နယ်များရှိ စာတိုက်ကြီးများတွင် တစ်ပြိုင်တည်း ရောင်းချပေးသွားမည်ဖြစ်သည်။

▪️ ထို့အပြင် အထူးအစီအစဉ် တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတို့တွင် ၂၀၂၅ ခုနှစ်၊ ဖေဖော်ဝါရီ (၁)ရက် (စနေနေ့)တွင် ဝယ်ယူသော စာပို့တံဆိပ်ခေါင်းများပေါ်တွင် နေ့စွဲအမှတ်အသားတံဆိပ် ရိုက်နှိပ်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 27 January 2025

▪️ ၇၇ ကြိမ်မြောက် တိပိဋကဓရ ၊ တိပိဋကကောဝိဒ ရွေးချယ်ရေး စာမေးပွဲကြီးဝင်ရောက်ဖြေဆိုသူ သံဃာတော်အရှင်သူမြတ် များမှ ၁၇ ပါးမြောက်  တိပိဋကဓရ တိပိဋကကောဝိဒ
ဘွဲ့ရ သာသနာ့အာဇာနည်ဆရာတော်တပါး ပေါ်ထွန်းလာကြောင်း သိရသည်။

▪️ အဆိုပါ  စာမေးပွဲကြီးကို ၂၀၂၄ ခုနှစ် ဒီဇင်ဘာ ၂၄ ရက်နေ့မှ ၂၀၂၅ ခုနှစ် ဇန္နဝါရီလ ၂၅ ရက်နေ့အထိ (၃၃) ရက်တိုင်တိုင် ကျင်းပခဲ့ခြင်းဖြစ်သည်။ ယင်းစာမေးပွဲကြီးမှ တိပိဋကဓရ တိပိဋကကောဝိဒ ဘွဲ့ရ သာသနာ့အာဇာနည်ဆရာတော်တပါး ပေါ်ထွန်းခဲ့ခြင်းဖြစ် ကြောင်းသိရသည်။

▪️ ယခုပေါ်ထွန်းခဲ့သော သာသနာ့အာဇာနည် ဆရာတော်မှာ ရန်ကုန်တိုင်းဒေသကြီး ၊ ဒဂုံမြို့သစ်အရှေ့ပိုင်းမြို့နယ်၊ တိပိဋကမဟာဂန္ထဝင်နိကာယ်ကျောင်းတိုက်မှ သက်တော် ၄၅ နှစ်၊ သိက္ခာတော် ၂၅ ဝါရှိ အရှင်သေဋ္ဌဉာဏာလင်္ကါရ ( ရေဦးဆရာတော် ) ဖြစ်ကြောင်း သိရပါသည်။

▪️ ဆရာတော်သည် ၁၃၇၉ ခုနှစ် ၇၀ ကြိမ်မြောက် တိပိဋကဓရ၊ တိပိဋကကောဝိဒ ရွေးချယ်ရေးစာမေးပွဲ၌ တိပိဋကဓရဘွဲ့ ဆွတ်ခူးရရှိထားခြင်းဖြစ်ပြီိး  ယခု ၇၇ ကြိမ်မြောက် တိပိဋကကောဝိဒ ရွေးချယ်ရေးစာမေးပွဲ၌ တိပိဋကကောဝိဒဘွဲ့ ထပ်မံဆွတ်ခူးရရှိခဲ့သဖြင့် ၁၇ ပါးမြောက်  တိပိဋကဓရ တိပိဋကကောဝိဒ ဆရာတော်ဖြစ်လာခဲ့ခြင်းဖြစ်ကြောင်း သိရသည်။

#YMG/NN #Yangon_Times

#World_News
Published 27 January 2025

▪️ အမေရိကန်သမ္မတ ဒေါ်နယ်ထရမ့်လက်ထက် လူဝင်မှုကြီးကြပ်ရေး စိစစ်ဖြိုခွဲမှုတစ်စိတ်တစ်ပိုင်း အနေဖြင့် နှင်ထုတ်ခံရတဲ့ ရွှေ့ပြောင်းနေထိုင်သူတွေ တင်ဆောင်လာတဲ့ စစ်လေယာဉ်ကို ကိုလံဘီယာက လက်မခံတဲ့အတွက် အခွန်အခနဲ့ ဒဏ်ခတ်ပိတ်ဆို့မှုများ ပြုလုပ်သွားမယ်လို့ ထရမ့်က ခြိမ်းခြောက်လိုက်ရာ အမေရိကန်နဲ့ ကိုလံဘီယာတို့ ကုန်သွယ်ရေးစစ်ပွဲဆီ ဦးတည်လာပါတယ်။

▪️ လက်တင်အမေရိကမှာ အမေရိကန်အတွက် တတိယမြောက် အရေးပါဆုံး ကုန်သွယ်ရေးမိတ်ဖက်ဖြစ်တဲ့ ကိုလံဘီယာက ချက်ချင်းတုံ့ပြန်လိုက်ပြီး လက်ဝဲရောက်သမ္မတ ဂူစတာဗိုပက်ထရိုက အမေရိကန် ကုန်ပစ္စည်းတွေအပေါ် အခွန် ၅၀ ရာခိုင်နှုန်းထားမယ်လို့ အရင်ခြိမ်းခြောက်လိုက်ပြီး ဒီနောက်တော့ အမေရိကန် တင်သွင်းကုန်တွေအပေါ် အခွန် ၂၅ ရာခိုင်နှုန်းတိုးမြှင့်ဖို့ ကုန်သွယ်ရေးဝန်ကြီးကို ညွှန်ကြားထားတယ်လို့ Xမှာ ဖော်ပြလိုက်ပါတယ်။

▪️ အမေရိကန်မှ နှင်ထုတ်လိုက်သူများတင်ဆောင်လာတဲ့ စစ်လေယာဉ်ကို ငြင်းဆန်တဲ့အထဲမှာ ကိုလံဘီယာက ဒုတိယမြောက် လက်တင်အမေရိကနိုင်ငံ ဖြစ်လာပါတယ်။

▪️ ထရမ့်ရဲ့ဒဏ်ခတ်ပိတ်ဆို့မှုလုပ်ရပ်က သူ့ရဲ့ အမေရိကန်နိုင်ငံခြားရေးမူဝါဒ ပိုမိုခိုင်မာလာခြင်းနဲ့ သူ့ရဲ့ဆန္ဒအတိုင်း အခြားနိုင်ငံတွေကို တွန်းအားပေးလိုတဲ့ ပုံစံတွေ ပြန်လည်မြင်တွေ့လာရခြင်းတို့ကို ဖော်ပြနေပါတယ်။

▪️ ဒီလေယာဉ်တွေကို ပက်ထရိုဘက်မှ ငြင်းဆန်လိုက်ခြင်းဟာ အမေရိကန် နိုင်ငံ့လုံခြုံရေးကို ခြိမ်းခြောက်ရာကျတယ်လို့ ထရမ့်က Truth Socialမှာ ရေးသားထားပါတယ်။

▪️ အမေရိကန်သို့ တင်သွင်းတဲ့ ကိုလံဘီယာ ကုန်ပစ္စည်းတွေအပေါ် အခွန် ၂၅ ရာခိုင်နှုန်းချမှတ်ခြင်း အပါအဝင် တစ်ပတ်အတွင်း ၅၀ ရာခိုင်နှုန်းအထိ တိုးမြှင့်သွားမယ့် အခြေအနေ၊ ကိုလံဘီယာ အစိုးရအရာရှိတွေကို သွားလာခွင့်ပိတ်ပင်ခြင်းနဲ့ ဗီဇာရုပ်သိမ်းခြင်း အခြေအနေ၊ အရေးပေါ် ဘဏ္ဍာရေး၊ ဘဏ်လုပ်ငန်းများနဲ့ ဘဏ္ဏာရေးပိတ်ဆို့မှုများ ပါဝင်နေပါတယ်။

▪️ အမေရိကန်နိုင်ငံထဲ အတင်းထည့်သွင်းခဲ့တဲ့ ရာဇဝတ်သားတွေကို ပြန်လည်လက်ခံရမယ့် တာဝန်ဝတ္တရားတွေ ကိုလံဘီယာအနေနဲ့ မချိုးဖောက်သင့်ဘူးလို့ ထရမ့်က ဖော်ပြထားပါတယ်။

▪️ အမေရိကန် နိုင်ငံခြားရေးဝန်ကြီး မာကိုရူဘီယိုက ပက်ထရိုဟာ ဒီလေယာဉ်တွေကို အမိန့်ပေးခွင့်ပြုခဲ့ပေမယ့် လေထဲရောက်တော့မှ ပယ်ဖျက်လိုက်တယ်လို့ ဖော်ပြထားပါတယ်။

▪️ ထရမ့်က တရားမဝင် လူဝင်မှုတွေကို အရေးပေါ် အခြေအနေအဖြစ် ကြေညာခဲ့ပြီး နယ်စပ်လုံခြုံရေးမှာ စစ်တပ်ပါဝင်ကူညီဖို့ ညွှန်ကြားခဲ့ကာ နိုင်ငံခိုလှုံခွင့် ပိတ်ပင်ဖို့ ထုတ်ပြန်ထားပါတယ်။

▪️ မက္ကဆီကိုကလည်း ရွှေ့ပြောင်းသူတွေ တင်ဆောင်လာတဲ့ အမေရိကန်စစ်လေယာဉ်ကို ပြီးခဲ့တဲ့သီတင်းပတ်က ငြင်းဆန်ခဲ့ပါတယ်။

#Source: Reuters