#WorldEntertainment
Published 8 June 2022

ဂျပန်နိုင်ငံမှ အသက် ၅၀ နှင့် ၆၀ ဝန်းကျင်ရှိလူကြီး ၄ ဦးဟာ ရှပ်အင်္ကျီ၊ နက်ကတိုင်၊ ရောင်စုံဗိုက်ခါးပတ်များဝတ်ဆင်ပြီး TikTok မှာ ထူးထူးဆန်းဆန်းအကများ ပြုလုပ်ပြကြရာ အားပေးမှုအများအပြားရရှိလာကြပါတယ်။

#Yangon_Media_Group

Published 8 June 2022

အီရန်နိုင်ငံ အလယ်ပိုင်း တာဘားစ် မြို့အနီးမှာ ဇွန်၈ ရက်က ရထားတစ်စီး လမ်းချော်တိမ်းမှောက်မှုဖြစ်ခဲ့ရာ အနည်းဆုံး လူ ၁၇ ဦးသေဆုံးခဲ့ရပြီး ဒါဇင်ပေါင်းများစွာ ဒဏ်ရာရရှိခဲ့ကြောင်း နိုင်ငံပိုင်မီဒီယာက သတင်းထုတ်ပြန်ပါတယ်။

“ ၁၇ဦးသေဆုံးခဲ့ပြီး ဒဏ်ရာရသူ ၃၇ ဦးကို ဆေးရုံပို့ဆောင်ထားပါတယ်” ဟု အရေးပေါ်ဌာနပြောရေးဆိုခွင့်ရသူ မိုတာဘာခါလက်ဒီက နိုင်ငံပိုင်ရုပ်သံကိုပြောပါတယ်။

“ ဒဏ်ရာရသူအများစုဟာ စိုးရိမ်ရတဲ့ အခြေအနေရှိလို့ သေဆုံးသူအရေအတွက် တိုးလာနိုင်ပါတယ်” လို့ သူကပြောပါတယ်။ အရေးပေါ်ကား ၂၄စီးနှင့် ရဟတ်ယာဉ်(၃)စီးတို့နှင့် ကယ်ဆယ်နေတယ်လို့လည်း သူကဖြည့်စွက်ပြောပါတယ်။

တာဘားစ်ဟာ တောင်ခါရာဆန်ပြည်နယ်မှာတည်ရှိပြီး တီဟီရန်မြို့တော်ကနေ လမ်းမိုင်၅၆၀ခန့်ကွာဝေးတဲ့ နေရာမှာ တည်ရှိတဲ့မြို့ဖြစ်ပါတယ်။

ရထားဟာ ခရီးသည် ၃၄၈ ဦးတင်ဆောင်လာတယ်လို့ နိုင်ငံပိုင်ရထားဌာနရဲ့ ဒုတိယအကြီးအကဲ မီယာဟန်ဆန်မိုဆာဗီက ပြောပါတယ်။

မနက်(၅)ရီခွဲခန့်မှာ ရထားလမ်းအနီးက မြေတူးစက်နှင့်တိုက်မိပြီးနောက် ရထားလမ်းချော်ခဲ့ရတာဖြစ်တယ်လို့လည်း သူကပြောပါတယ်။

ဒဏ်ရာရသူအချို့ကို ရဟတ်ယာဉ်ဖြင့် ကယ်ဆယ်ခဲ့ပြီး ဆေးရုံပို့ဆောင်ခဲ့ရတာကို နိုင်ငံပိုင်ရုပ်သံက ထုတ်လွှင့်ပြသခဲ့ပါတယ်။

ရထားတွဲ (၁၁) တွဲထဲက (၅)တွဲဟာ လမ်းချော်ခဲ့တာဖြစ်တယ်လို့ အီရန်လခြမ်းကြက်ခြေနီအသင်းဥက္ကဋ္ဌ မီဒီဗာလီပူးလ်က နိုင်ငံပိုင်ရုပ်သံကိုပြောပါတယ်။

Source AFP

#LocalNews
Published_8 June 2022

ရခိုင်ပြည်နယ်ရဲ့ ပထမဆုံး ဗုဒ္ဓတက္ကသိုလ်ကို စစ်တွေမြို့ ဆတ်ရိုးကျရပ်ကွက်၊ စုပေါင်းရုံးရှေ့က ငါးဧကလောက်ကျယ်တဲ့ မြေကွက်ပေါ်မှာ တည်ဆောက်ဖို့ ဇွန်လ ၇ ရက်နေ့က ပန္နက်တင်ခဲ့ကြပါတယ်။

#Yangon_Media_Group

#Health_Tips
Published 9 June 2022

လူတွေပြုလုပ်လာကြတဲ့ အလေ့အထအချို့ဟာ တကယ်တော့ခံတွင်းကျန်းမာရေးကို ထိခိုက်စေကြောင်း ကျွမ်းကျင်သူတစ်ဦးက သတိပေးခဲ့ပါတယ်။

အွန်လိုင်းပေါ်ကနေ ကျန်းမာရေးအကြံပြုချက်များခေတ်စားလာရာ ကျန်းမာရေးနဲ့ပတ်သက်တဲ့တကယ့်အမှန်တရားကို သိရှိဖို့ခက်ခဲလာကြောင်း သွားနှင့်ခံတွင်းဆရာဝန်ကြီး'ခါလက်ဒ်ကာဆမ်'က ပြောပြသွားပါတယ်။

သွားတွေကိုထိခိုက်စေပြီး နာကျင်မှုဖြစ်စေတဲ့ အပြုအမူ ၅ မျိုးကို ဆရာဝန်ကဖော်ပြသွားပါတယ်။

(၁) သံပရာရည်
TikTok တို့ အွန်လိုင်းပေါ်တို့မှာ သံပရာရည်သောက်သုံးခြင်းအကျိုးကျေးဇူးတွေကို ပြောပြထားတဲ့ဗီဒီယိုတွေ မြင်တွေ့နေရပါတယ်။

သံပရာရည်မှာ ဗိုက်တာမင်-စီ အပြည့်အဝပါဝင်သလို ရေဓာတ်ဖြည့်ပေးတဲ့အပြင် အသားရေကျန်းမာရေးနဲ့ အစာချေဖျက်ခြင်းတိုကို ကူညီပေးပါတယ်။

ဒါပေမဲ့ အလွန်အကျွံသောက်သုံးမယ်ဆိုရင်တော့ သွားတွေကိုပျက်စီးစေနိုင်ပါတယ်။

သံပရာရည်က အက်ဆစ်ဓာတ်ကြွယ်ဝတာကြောင့် ကြွေလွှာတွေကိုတိုက်စားကာ သွားဖုံးမှာရောဂါဝင်ရောက်နိုင်ပါတယ်။

(၂) ပန်းသီးရှာလကာရည်
အွန်လိုင်းမှနာမည်ကျော်ပုဂ္ဂိုလ်တွေက ပန်းသီးရှာလကာရည်ဟာ အဆိပ်အတောက်ဖယ်ရှားပေးပြီး ကိုယ်အလေးချိန်ကျစေတယ်လို့ အခိုင်အမာကြေညာနေကြပါတယ်။

ဒါပေမဲ့ သံပရာရည်လိုပဲ ပန်းသီးရှာလကာရည်ဟာလည်း အက်ဆစ်ဓာတ်များတာကြောင့် အများအပြားသုံးစွဲမိရင် သွားထိခိုက်စေရုံမက အစာအိမ်နဲ့လည်ချောင်းကိုပါ ထိခိုက်စေနိုင်ပါတယ်။

(၃) မီးသွေးသွားတိုက်ဆေး
အင်တာနက်မှာဖော်ပြတဲ့ သွားဖြူစေတဲ့နည်းလမ်းတစ်ခုမှာ မီးသွေးသွားတိုက်ဆေးလည်းပါဝင်ပါတယ်။

ယာယီခဏတာတော့ ဖြူဖွေးစေနိုင်ပေမယ့် တကယ်ကတော့ ကောင်းကျိုးထက် ဆိုးကျိုးက ပိုများပါတယ်။

မီးသွေးက သွားအပေါ်ယံလွှာကို ဖယ်ရှားကာ ခဏတာဖြူဖွေးလာစေပေမယ့် ကြွေလွှာထဲမှာမီးသွေးမှုန်တွေ စိမ့်ဝင်သွားပြီး သွားကျွတ်ဆတ်လာတတ်ပါတယ်။

ဖြူဖွေးတဲ့ သွားအလှပိုင်ဆိုင်ချင်ရင် သွားဆရာဝန်နဲ့တိုင်ပင်ပြသခြင်းက အထိရောက်ဆုံးနဲ့ စိတ်အချရဆုံးဖြစ်ပါလိမ့်မယ်။

(၄) သစ်သီးဖျော်ရည်ချည်းသက်သက် စွဲစွဲမြဲမြဲသောက်သုံးခြင်း
အွန်လိုင်းဗီဒီယိုတွေမှာ သစ်သီးဖျော်ရည်တွေချည်းပဲ စွဲမြဲသောက်သုံးသင့်ကြောင်း ဖော်ပြတာတွေရှိပါတယ်။

တစ်နေ့ကို ၅ ခွက်မျှသောက်သုံးခြင်းက ကောင်းကျိုးပေးနိုင်သလို ဆိုးကျိုးတွေလည်းဖြစ်စေနိုင်ပါတယ်။

ဖျော်ရည်ထဲမှာပါတဲ့သကြားတွေက ခံတွင်းထဲမှာစုလာပြီး သွားပေါက်တွေထဲခိုအောင်းနေနိုင်ပါတယ်။

ဖျော်ရည်များအလွန်အကျွံသောက်သုံးပါက သွားပေါက်ခြင်း၊ သွားကျိုးပဲ့ခြင်း၊ သွားပိုးစားခြင်းများ ဖြစ်ပေါ်စေတတ်ပါတယ်။

(၅) အစာကို နည်းနည်းနဲ့မကြာခဏစားခြင်း
အချိန်ခဏသာခြားပြီး အစာနည်းနည်းချင်းစီ မကြာမကြာစားခြင်းက ကောင်းကျိုးဖြစ်စေနိုင်တယ်လို့သိထားကြပေမယ့် သွားကိုအန္တရာယ်လည်း

ဖြစ်စေပါတယ်။

မကြာခဏစားသောက်ခြင်းကြောင့် စားလိုက်တဲ့အစာကိုချေဖျက်ရင်း သွားများအတွက်နားချိန်နည်းပါးရပါတယ်။

အဲဒီကနေ သွားနဲ့ခံတွင်းမှာ အက်ဆစ်ဓာတ်များလာပြီး ဘက်တီးရီးယားတွေစုဝေးလာစေပါတယ်။

Source: The Sun
#Yangon_Media_Group

#LocalNews
Published - 8 June 2022

ပြည်တွင်း စက်သုံးဆီဈေးမြင့်တက်နေတာရယ် ဝယ်ယူဖို့ အခက်အခဲဖြစ်နေတာတွေကြောင့် အနယ်နယ်အရပ်ရပ်ကနေ ရန်ကုန်ကိုတင်ပို့တဲ့ ကားခတွေ ဈေးတတ်သွားပြီး ဈေးကွက်မှာလည်းအရောင်းအဝယ် အေးစက်သွားတယ်လို့ ဘုရင့်နောင်ကုန်စည်ဒိုင်က နေသိရပါတယ်။

#Yangon_Media_Group

#LocalNews
Published - 8 June 2022

ကျောက်ခေတ်၊ ကြေးခေတ်၊ သံခေတ်နှင့် ပျူခေတ်အကြောင်းများကို သမိုင်းဆိုင်ရာစာအုပ်အဖြစ်ရေးသားပြီး ထုတ်ဝေသွားမည်ဖြစ်ကြောင်း သမိုင်းသုတေသနနှင့် အမျိုးသားစာကြည့်တိုက် ဦးစီးဌာန၊ ညွှန်ကြားရေးမှူးချုပ်ဦးအောင်မြင့်က YMG ကိုပြောသည်၊၊

ကြေးခေတ်၊ သံခေတ်များကတော့ ရေးသားနေပြီဖြစ်ပြီး ကျန်ခေတ်များကို ဆက်လက်ရေးသားနေကြောင်း သိရသည်၊၊

"မြန်မာ့နိုင်ငံရေး သမိုင်းကတော့ အားလုံးဆက်စပ်ထုတ်ထားပြီးဖြစ်တယ်၊၊ အခုလောလောဆယ်ကတော့ကျောက်ခေတ်၊ ကြေးခေတ်၊ သံခေတ်၊ပျူခေတ်အကြောင်း ဖြည့်ဖို့ရှိပါတယ်၊၊ အဲဒါတွေကို စာအုပ်ရေးသားထုတ်ဝေနိုင်ဖို့ ဆောင်ရွက်နေတာရှိတယ်၊၊ ကြေးခေတ်၊ သံခေတ်အကြောင်းကိုတော့ ရေးထားပြီးတဲ့ဟာကို ရှေးဟောင်းသုတေသနအဖွဲ့နဲ့ ဆွေးနွေးနေတာရှိပါတယ်၊၊ လိုအပ်တာကို ဖြည့်စွက်ဖို့ လုပ်နေတာလေးတွေရှိပါတယ်၊၊ ခေတ်တွေကို မရေးရသေးတဲ့အပိုင်းတွေထပ်ဖြည့်နေတာရှိပါတယ်"လို့ သမိုင်းသုတေသနနှင့် အမျိုးသားစာကြည့်တိုက်ဦးစီးဌာန၊ ညွှန်ကြား ရေးမှူးချုပ်ဦးအောင်မြင့်က ပြောသည်၊၊

သမိုင်းဆိုင်ရာ စာအုပ်ဖြစ်သောကြောင့် သမိုင်းသုတေသနက သမိုင်းပညာရှင်များက တာဝန်ယူရေးသားမှာဖြစ်ပြီး ရှေးဟောင်းသုတေသနက ပညာရှင်များထံမှ အထောက်အထားအချက် အလက်များနှင့် စစ်ဆေးဆွေးနွေးပြီးရေးသား ဆောင်ရွက်သွားမည်ဖြစ်ကြောင်းသိရသည်၊၊

ymg/tthl
#Yangon_Media_Group

#Local_News
Published_ 8 June 2022

ဝမ်ပုံဆိပ်ကမ်း တိုးချဲ့တည်ဆောက်ရေးစီမံကိန်းပြီးစီးပါက ဆိပ်ကမ်းကွန်တိန်နာ စသည့်အသုံးအဆောင်များကို ခေတ်မီတိုးတက်လာစေပြီး မဲခေါင်မြစ် သယ်ယူပို့ဆောင်ရေးလမ်းကြောင်း အသုံးချမှုကို မြင့်မားလာစေမှာ ဖြစ်တယ်လို့ ရန်ကုန်မြို့ရှိ တရုတ်သံရုံးရဲ့ထုတ်ပြန်ချက်အရ သိရပါတယ်။

အဆိုပါ ဆိပ်ကမ်းမှာ မြန်မာနိုင်ငံနှင့် အခြားလန်ချန်း-မဲခေါင်နိုင်ငံများအကြား ကုန်စည်ပို့ဆောင်ကူးသန်းရောင်းဝယ်မှုကို မြှင့်တင်ပေးပြီး မြန်မာနိုင်ငံနှင့် ဒေသတွင်း နိုင်ငံများ၏ စီးပွားရေး ဖွံ့ဖြိုးတိုးတက်မှုကို အထောက်အကူဖြစ်စေမယ်လို့ ဆိုပါတယ်။

လန်ချန်း-မဲခေါင်ပူးပေါင်းဆောင်ရွက်မှု အထူးရန်ပုံငွေ ပံ့ပိုးမှုဖြင့် မြန်မာနိုင်ငံ မဲခေါင်မြစ် ဝမ်ပုံဆိပ်ကမ်းတိုးချဲ့တည်ဆောက်ရေး ဖြစ်နိုင်ခြေလေ့လာမှုကို အောင်မြင်စွာ ဆောင်ရွက်နိုင်ခဲ့တယ်လို့ ထုတ်ပြန်ချက်မှာ ဖော်ပြထားပါတယ်။

ဖြစ်နိုင်ခြေလေ့လာမှုတွင် သဘာဝပတ်ဝန်းကျင်နှင့် လူမှုရေးဆိုင်ရာ အကျိုးသက်ရောက်မှုများအား အကဲဖြတ်ခြင်း၊ ကုန်ကျစရိတ် ခန့်မှန်းတွက်ချက်ခြင်း၊ ဒီဇိုင်း ပုံဆွဲခြင်းနှင့် လုပ်ငန်းလည်ပတ်မှုလေ့ကျင့်ရေးအစီအစဉ်တို့ ပါဝင်ကြောင်း သိရပါတယ်။

ymg-mnn
#Yangon_Media_Group

#DailyNews
Published - 8 June 2022

၁။ နယ်မှ ရန်ကုန်သို့ ပစ္စည်းတင်ပို့သည့်ကားခများ ဈေးတက်ဟုဆို

၂။ ရခိုင်ပြည်နယ်၏ ပထမဆုံး ဗုဒ္ဓတက္ကသိုလ်တည်ဆောက်မှု စတင်

၃။ နေ့စဉ်မိုးလေဝသသတင်း။

၄။ TikTok မှာကပြပြီးနာမည်ကြီးလာသည့် ဂျပန်ဦးလေးကြီး(၄)ယောက်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#WorldPolitics
Published 8 June 2022

နိုင်ငံခြားသူလျှိုများအတွက် ဥပဒေများကို ပိုမိုတင်းကြပ်စေမယ့် ဥပဒေမူကြမ်းတစ်ခုအား ရုရှားအောက်လွှတ်တော်က အင်္ဂါနေ့မှာကနဦး အတည်ပြုလိုက်ပြီး ရုရှားပြည်သူတွေအနေနဲ့ သစ္စာဖောက်များကို သတိထားစောင့်ကြည့်ဖို့ သမ္မတ'ပူတင်'က သတိပေးလိုက်ပါတယ်။

အဆိုပါဥပဒေမူကြမ်းကို ပထမအကြိမ်ဖတ်ကြားမှု ၃ ကြိမ်မှာ ၃၄၆ မဲ - ၁၇ မဲဖြင့် အတည်ပြုခဲ့ကာ နိုင်ငံခြားကနေ ငွေကြေး သို့မဟုတ် အခြားမည်သည့်ထောက်ပံ့မှုမဆိုလက်ခံရရှိသည့်သူအား နိုင်ငံခြာသူလျှိုအဖြစ် သတ်မှတ်သွားမှာဖြစ်ပါတယ်။

ယူကရိန်းကို ဖေဖော်ဝါရီလ ၂၄ ရက်နေ့ကျူးကျော်ပြီးကတည်းက ရုရှားတို့ကို အနောက်နိုင်ငံများက ဒဏ်ခတ်ပိတ်ဆို့မှုများ ပြင်းပြင်းထန်ထန်ပြုလုပ်လာတာကြောင့် ရုရှားစီးပွားရေးအထိနာနေရကာ အခုလိုနိုင်ငံခြားဥပဒေတင်းကြပ်လိုက်ခြင်းက အနောက်နိုင်ငံရဲ့မယုံကြည်မှု၊ မုန်းတီးမှုအခြေအနေကို ထင်ဟပ်နေစေပါတယ်။

ဥပဒေမူကြမ်းပြုစုသူ'အန်ဒရေလူဂိုဗွိင်'က အောက်လွှတ်တော်ရုံးမှာ မိန့်ခွန်းပြောကြားရာမှာ ယူကေမှ အထူးသင်ကြားရေးများ လက်ခံပြုလုပ်နေတဲ့ ရုရှားပုဂ္ဂိုလ်များကိုစွပ်စွဲပြောကြားလိုက်ပြီး ရုရှားနိုင်ငံကိုအတွင်းကနေ ဖျက်ဆီးနေတယ်လို့ ဆိုပါတယ်။

"သူတို့ဘာတာဝန်တွေထမ်းဆောင်နေတာလဲ? ဘယ်လိုသဘောတူညီချက်တွေလက်မှတ်ရေးထိုးထားတာလဲ? ဒါတွေကိုကျွန်တော်တို့အတိအကျသိဖို့လိုပါတယ်" လို့ 'လူဂိုဗွိင်'ကဆိုပါတယ်။

ဥပဒေမူကြမ်းထဲမှာ နိုင်ငံခြားသူလျှိုနဲ့ဆက်နွယ်နေတဲ့ လူတွေအတွက်လည်း သတ်မှတ်ချက်အသစ်ထုတ်ပြန်လိုက်ပါတယ်။

နိုင်ငံခြားသူလျှိုတွေရဲ့အမျိုးအနွယ်တွေနဲ့ သူတို့ရဲ့လုပ်ဆောင်မှုတွေဆောင်ရွက်ရာမှာ အကူအညီပေးတဲ့သူတွေ ပါဝင်ပါတယ်။

စစ်အေးကာလက နိုင်ငံခြားထောက်ပံ့မှုနဲ့ နိုင်ငံရေးလှုပ်ရှားမှုမှာ ပါဝင်ပတ်သက်နေတယ်လို့ ယူဆရတဲ့ လူတွေနဲ့အဖွဲ့အစည်းတွေကို ရုရှားက သူလျှိုလုပ်ဆောင်ခြင်းအဖြစ် သတ်မှတ်ထားတာဖြစ်ပါတယ်။

ယူကရိန်းကိုကျူးကျော်လာတာ ၁၅ ပတ်နီးပါးရှိလာတဲ့အချိန်မှာ အခုလိုဥပဒေတင်းကြပ်လာတာဖြစ်ပါတယ်။

အနောက်နိုင်ငံများက ရုရှားနိုင်ငံအတွင်းလျှို့ဝှက်အဖွဲ့အစည်းထားပြီး နိုင်ငံပျက်ပြားအောင်ကြိုးစားနေတယ်လို့ စွပ်စွဲလိုက်ပြီး ရုရှားမျိုးချစ်ပြည်သူများနဲ့ သစ္စာဖောက်များကို ခွဲခြားသိရှိနိုင်တော့မယ်လို 'ပူတင်'က ကြေညာလိုက်ပါတယ်။

ဥပဒေမူကြမ်းအရ ရုရှားမီဒီယာစောင့်ကြည့်ရေးအဖွဲ့ Roskomnadzor က တရားရုံး ခွင့်မပြုချက် မလိုအပ်ဘဲ တရားရေးဝန်ကြီးဌာနရဲ့တောင်းဆိုချက်ဖြင့် နိုင်ငံခြားအေးဂျင့်များရဲ့ ဝက်ဘ်ဆိုက်များကို ပိတ်ပင်ခွင့်ရှိနေပါတယ်။

ပုံမှန်အားဖြင့် နိုင်ငံခြားငွေအတွက် ရုရှားပြည်ထဲရေးနဲ့ ပတ်သက်နေရတဲ့အဖွဲ့အစည်းတွေကို အပြင်းထန်ဆုံး ထိန်းချုပ်မှုအောက် ထားရှိသွားမှာဖြစ်ကြောင်း ယူနိုက်တက်ရုရှားပါတီမှ လက်ထောက်တစ်ဦးဖြစ်သူ'အဒယ်ဘီရှခါဂိုရှက်ဗ်'က ပြောပြခဲ့ပါတယ်။

နိုင်ငံခြားအေးဂျင့်များဆိုင်ရာ ဥပဒေကို ၂၀၁၂ ခုနှစ်မှာ ရုရှားကပထမဆုံးအကြိမ်ပြဌာန်းခဲ့ပြီးနောက် အကျိုးအမြတ်မယူသောအဖွဲ့အစည်းများ၊ မီဒီယာဌာနများ၊ ဂျာနယ်လစ်များ၊ တက်ကြွလှုပ်ရှားသူများအပါအဝင် ရုရှားနိုင်ငံသားတစ်ဦးချင်းစီပါ ပါဝင်သတ်မှတ်လာခဲ့ပါတယ်။
လက်ရှိအချိန်အထိ လူပုဂ္ဂိုလ် ၁၆၆ ဦးနဲ့ တရားဝင်အဖွဲ့အစည်းများ ပါဝင်နေပါတယ်။
သူတို့ရဲ့အဓိကပစ်မှတ်တွေက ဂျာမနီရုပ်သံလွှင့်ဌာန Deutsche Welle, လွတ်လပ်သည့်သတင်းဌာန Mediazona, Dozhd TV channel တို့ဖြစ်ပါတယ်။

Source: Reuters
#Yangon_Media_Group

#LocalNews
Published _ 8 June 2022

ရှမ်းပြည်နယ်အတွင်း ရွာငံ၊ ပင်လောင်း၊ ဟိုပုန်း စသည့် ကော်ဖီနှင့် လက်ဖက်အဓိကထား စိုက်ပျိုးနေသော ဒေသများရှိ ကော်ဖီ၊ လက်ဖက်စိုက်ပျိုးထုတ်လုပ်သူများအနေဖြင့် ပြည်နယ်အစိုးရတို့ ပူးပေါင်း၍ ဈေးကွက်အကြိုက် အရည်အသွေးပြည့် ကော်ဖီ၊ လက်ဖက်များရွေးချယ်စိုက်ပျိုးရေး အပါအဝင် အထူးတန်းဝင်ကော်ဖီများထွက်ရှိရန် ဆောင်ရွက်နေကြောင်း စိုက်ပျိုးရေး၊ မွေးမြူရေးနှင့်ဆည်မြောင်း ဝန်ကြီးဌာနက သိရသည်၊၊

"အထူးတန်းဝင်ကော်ဖီရရှိရေးနဲ့ ဈေးကွက်က နှစ်သက်လိုလားတဲ့ ကော်ဖီရရှိနိုင်ဖို့ ထုတ်လုပ်မှုဆိုင်ရာ နည်းစနစ်များအဆင့်မြှင့်တင်အသုံးပြုရေးနဲ့ ကော်ဖီနဲ့ လက်ဖက်ကို အဓိကထားစိုက်ပျိုးနေတဲ့ ဒေသတွေမှာ စိုက်ဧကတိုးချဲ့ရေး၊ စိုက်ခင်းစနစ်တွေ၊ စိုက်ခင်းပုံစံတွေနဲ့ မျိုးစေ့တွေစနစ်တကျ လုပ်ဆောင်ဖို့လိုအပ်ပြီး ရှမ်းပြည်နယ်ကို မြန်မာနိုင်ငံရဲ့ တတိယဆီအိုးကြီးအဖြစ် အကောင်အထည် ဖော်ဆောင်ရွက်သွားမယ်" ဟု အဆိုပါဝန်ကြီးဌာန ပြည်ထောင်စုဝန်ကြီး ဦးတင်ထွဋ်ဦးက ပြောသည်။

ဇွန်လ ၇ ရက်က ပြုလုပ်သော ရှမ်းပြည်နယ်၊ တောင်ကြီးမြို့ ကော်ဖီနှင့်လက်ဖက်စိုက်ပျိုးထုတ်လုပ်သူများနှင့် စိုက်ပျိုးရေး၊ မွေးမြူရေးနှင့်ဆည်မြောင်း ဝန်ကြီးဌာန ပြည်ထောင်စုဝန်ကြီး ဦးတင်ထွဋ်ဦးတို့ တွေ့ဆုံစဉ် ယင်းကအထက်ပါအတိုင်း ပြောကြားခဲ့ခြင်း ဖြစ်သည်။

ymg/NN
#Yangon_Media_Group

#LocalNews
Published - 8 June 2022

ကားတင်သွင်းမှု ပိတ်ထားသောကြောင့် ပြည်တွင်း၌ ကားဈေးတက်နေကြောင်း မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်း နာယက ဒေါက်တာစိုးထွန်းက YMG ကို ပြောသည်။

"ကားတင်သွင်းတာတွေကပိတ်ထားတော့ ကားဈေးကတော့ တတ်နေတာပေါ့၊ ကားဈေးတတ်တယ်ဆိုတာ ဝယ်ပြီးစုကြတာတွေလည်းရှိတယ်၊ ကားရောင်းတဲ့သူတွေကတော့ အရောင်းစင်တာတွေ၊ car showroom တွေ လိုင်စင်ပိတ်ထားတဲ့အတွက်ကြောင့်မို့လို့ လောလောဆယ် ဝန်ထမ်းစရိတ်တို့ ၊ showroom တို့ ၊ စက်ရုံငှားခတို့ ဒါတွေကဈေးတတ်နေတာပေါ့၊ အောက်တိုဘာလကနေစပြီး ပိတ်ထားတာခုထိတော့ ခွင့်မပြုသေးဘူး၊ လောလောဆယ်တော့ ဘာသတင်းမှမကြားသေးဘူး"ဟု ယင်းကပြောသည်။

စီးပွားရေး မတည်ငြိမ်ခြင်းနှင့် ဒေါ်လာလိုအပ်ချက်ရှိခြင်းတို့ကြောင့် ပြည်ပမှမော်တော်ယာဉ် တင်သွင်းခွင့်ကို ပြီးခဲ့သည့် ၂၀၂၁ ခုနှစ် အောက်တိုဘာလ တစ်ရက်မှစ၍ ပိတ်ထားခဲ့ခြင်း ဖြစ်ကြောင်း သိရသည်။

ယခု ၂၀၂၂ ခုနှစ် ကားတင်သွင်းခွင့် မူဝါဒမှာလည်း လူစီးကားတင်သွင်းခွင့် မူဝါဒမသေချာ မရေရာ ရှိနေသေးကြောင်းနှင့် အလွန်အမင်းမြင့်တက်လာသော စက်သုံးဆီဈေးနှုန်းတို့ကြောင့် လက်ရှိတွင် တစ်ပတ်ရစ်ကားဈေးကွက်အတွင်း အင်ဂျင်အရွယ်အစား 2000 CC အောက် ကားများသာ အရောင်းအဝယ် ဖြစ်နေကြောင်းသိရသည်။

နစက မှထုတ်ပြန်ထားသည့် ကားတင်သွင်းခွင့် မူဝါဒမှာ လုပ်ငန်းသုံးကားတစ်မျိုးတည်းသာ တင်သွင်းခွင့်ပေးထားသည့်အတွက် အိမ်စီးကား တင်သွင်းခွင့် ကန့်သတ်ချက်ရှိနေပြီး ရောက်ရှိပြီး တပတ်ရစ်ကားများကိုသာ အရောင်းအဝယ်ပြုနေရကြောင်း ကားရောင်းကားဝယ်လုပ်သူများထံမှ သိရသည်။

ymg/sth
#Yangon_Media_Group

#LocalNews
Published_8 June 2022

ရန်ကုန်တိုင်းဒေသကြီး တောင်ဥက္ကလာပမြို့နယ် စီးတီးမတ်ရှေ့တွင် ယာဉ်ငါးစီးအရှိန်ဖြင့် ဆင့်တိုက်သောကြောင့် ယာဉ်များ ကြေမွသွားကာ ယာဉ်ပေါ်ပါသူများ ထိခိုက်ဒဏ်ရာရရှိသွားကြကြောင်းလည်း သိရသည်။

"ဒီနေ့ မနက်က တောင်ဥက္ကလာ စီးတီးမက်ရှေ့မှာတိုက်တာပါ။ ဒီမတော်တဆမှုက တော်တော့်ကို အရှိန်ပြင်းတယ်။ ကားတွေ စုတ်ပြတ်သတ်သွားကြတာ"ဟု မျက်မြင်တစ်ဦးက ပြောသည်။

ယာဉ်တိုက်မှုကြောင့် လူတစ်ဦး လက်ကျိုးကာ အခြားတစ်ဦးမှာ ဦးခေါင်းထိခိုက်ဒဏ်ရာရသွားကြပြီး အနည်းဆုံး ၃ ဦး ဒဏ်ရာ ရရှိခဲ့ကြခြင်းဖြစ်ကြောင်း၊ ယခုအခါသင်္ကန်ကျွန်းစံပြဆေးရုံသို့
သုခကာရီ လူမှုကယ်ဆယ်ရေးအဖွဲ့က ပို့ဆောင်ပေးထားကြောင်း သိရသည်။

photo-သုခကာရီလူမှုကယ်ဆယ်ရေးအဖွဲ့
ymg/mt
#Yangon_Media_Group