#Local_News
Published_ 21 February 2023
ပြည်ခိုင်ဖြိုးပါတီကို တိကျပြတ်သားမှုရှိခြင်း သစ္စာရှိခြင်းနှင့်ပြည်လူထုက ယုံကြည်အားကိုးရသည့် Smart Party ဖြစ်ရေးကြိုးပမ်းဆောင်ရွက်ကြဖို့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဗဟိုမှ အထွေထွေအတွင်းရေးမှူး ဦးသောင်းကပြောဆိုလိုက်သည်။
ဖေဖော်ဝါရီလ ၁၉ရက်နေ့ ကမန္တလေးတိုင်းဒေသကြီးခရိုင်/မြို့နယ်/ပါတီကော်မတီဝင်များနှင့် တွေ့ဆုံပွဲမှာ ပြောဆိုလိုက်တာ ဖြစ်သည်။
Smart Party ဖြစ်စေဖို့အတွက် ၂၀၂၃ ခုနှစ် မတ်လ(၁)ရက်နေ့မှ မေလ(၃၁)ရက်နေ့အထိ ရက်ပေါင်း(၉၀) စီမံချက်ကာလသတ်မှတ်ပြီးပါတီဝင်အင်အားစိစစ်ခြင်းလုပ်ငန်းများ ဆောင်ရွက်သွားမှာ ဖြစ်သည်။
ပါတီအင်အားကြီးမားခြင်း၊ စည်းလုံးညီညွှတ်မှုရှိပြီး ပါတီဝင်အင်အားတိုးပွားစေရန် စည်လုံးဆောင်ရွက်သွားဖို့ကိုလည်း တိုက်တွန်းထားပါသည်။ ပါတီဗဟိုဌာနချုပ်မှ လမ်းညွှန်းထားသည့် အသွင်သစ်ဖြင့်ဆက်ဆံရေးလုပ်ငန်းစဉ်များ၊ တန်းတူညီတူဆက်ဆံရေးလုပ်ငန်းစဉ်များအကောင်ထည်ဖော်ဆောင်ရွက်ဖို့ကိုလည်း တိုက်တွန်းထားပါသည်။
လက်ရှိအချိန်အထိ နစက အစိုးရက နိုင်ငံရေးပါတီမှတ်ပုံတင်ရေးဥပဒေကိုအသစ်ပြဌာန်းထားပြီး ရွေးကောက်ပွဲကော်မရှင်က ရက်ပေါင်း၉၀ အတွင်းပါတီမှတ်ပုံတင်ဖို့ ထုတ်ပြန်ကြေညာထားသည်။
#ymg/ynz
#Yangon_Media_Group
