#LocalNews
Published_25 June 2022
မြဝတီ-မဲဆောက် ချစ်ကြည်ရေး အမှတ် (၂) တံတားမှ MOU လုပ်သားများ ထိုင်းနိုင်ငံသို့ ဇွန်လ ၂၄ ရက်တွင် ၃၈၀ ကျော်ထပ်မံဝင်ရောက်ခဲ့ကြောင်း သိရသည်။
ပြည်ပအလုပ်အကိုင်အကျိုးဆောင် မေမြတ်နိုးအေဂျင်စီမှ လုပ်သား ၂၀၀ ဦး၊ ယွန်းနဒီအေဂျင်စီမှ လုပ်သား ၅၀ ဦး၊ Myanmar The one man power အေဂျင်စီမှ လုပ်သား ၁၃၆ ဦးဖြစ်ပြီး မေမြတ်နိုး အေဂျင်စီမှ တာဝန်ယူထားသည့် အလုပ်သမားများမှာ ဘန်ကောက်ခရိုင်၊ ပါက်ကလစ်မြို့နယ်ရှိ နင်ဓံဆောက်လုပ်ရေးလုပ်ငန်းသို့လည်းကောင်း၊ Myanmar The one man power အေဂျင်စီမှ တာဝန်ယူထားသည့် အလုပ်သမားများမှာ ချွန်ဘူရီမြို့ရှိ လုပ်ငန်းခွင်သို့ လည်းကောင်း၊ ယွန်းနဒီအေဂျင်စီမှ တာဝန်ယူထားသည့် အလုပ်သမားများမှာ လက်ကဘန်မြို့ရှိ TKT Fiber ကားဘော်ဒီစက်ရုံသို့လည်းကောင်း အသီးသီးသွားရောက်လုပ်ကိုင်ကြမည် ဖြစ်ကြောင်း သိရသည်။
ပြီးခဲ့သည့် မေလကစ၍ ထိုင်းနိုင်ငံသို့ MOU အလုပ်သမားများ သွားရောက်ခွင့်ရခဲ့ခြင်းဖြစ်ပြီး ယခုအခါ ထိုင်းနိုင်ငံသို့ MOU စနစ်ဖြင့်သွားရောက်သည့် အလုပ်သမား ၄၀၀၀ ကျော် ရှိပြီ ဖြစ်ကြောင်း သိရသည်။
ymg/mt
#Yangon_Media_Group
