#Local_News
Published_ 18 July 2023
ဇူလိုင်လ ၁၈ ရက် ညနေပိုင်းတွင် ရန်ကုန်တွင် လေပြင်းများတိုက်ခတ်လာပြီး မိုးများသည်းထန်နေကြောင်းသိရသည်။
မုတ်သုန်အားကောင်းရာမှ အားအလွန်ကောင်းနေသလို တောင်တရုတ်ပင်လယ်ပြင်တွင် ဖြစ်ပေါ်နေသည့် တာလင်းမုန်တိုင်းအရှိန်သက်ရောက်မှုများကြောင့် လေပြင်းများတိုက်ပြီး မိုးသည်းနေခြင်းဖြစ်သည်။
ဗဟန်းမြို့နယ်ထဲတွင် လေပြင်းတိုက်ခြင်းနှင့်မိုးသည်းခြင်းများဖြစ်ပေါ်နေသလို တာမွေမြို့နယ်တွင်လည်း လေတအားတိုက်ပြီး မိုးသည်းထန်နေသည်ဟု ဆိုသည်။
‘တာမွေမှာ လေတွေတအားတိုက်ပြီး မိုးသည်းနေတယ်”ဟု တာမွေဒေသခံတစ်ဦးက ဇူလိုင် ၁၈ ရက် ညနေ ၄ နာရီ ၁၅ မိနစ်တွင်ပြောသည်။
လှိုင်မြို့နယ်တွင် လေခဏတိုက်ပြီး မိုးတော့ရွာသွန်းနေသည်ဟု လှိုင်မြို့နယ်ဒေသခံထံမှသိရသည်။
အခုရက်ပိုင်းအတွင်း ရန်ကုန်အပါအဝင် မြန်မာနိုင်ငံတောင်ပိုင်းဒေသများတွင် လေပြင်းတိုက်ခြင်း၊ မိုးသည်းခြင်းများဖြစ်ပေါ်မည်ဟု မိုးလေဝသနှင့် ဇလဗေဒညွှန်ကြားမှုဦးစီးဌာန၏ တာဝန်ရှိသူထံမှ သိရသည်။
#tthl #Local_News #မိုးသက်လေပြင်းများတိုက်နေ
#Yangon_Times
