#Local_News
Published_ 20 April 2023
နိုင်ငံ၏စီးပွားရေးဖွံ့ဖြိုးတိုးတက်ဖို့အတွက် လျှပ်စစ်ဓာတ်အားရရှိရေးသည်အရေးပါသည့်အတွက် နိုင်ငံအတွင်းမှာ လျှပ်စစ်ဓာတ်အား အပြည့်အဝရရှိရေး ဆောင်ရွက်နေကြောင်း လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်ကနေပြည်တော်ရှိ လျှပ်စစ်စွမ်းအားဝန်ကြီးဌာန ရုံးအမှတ်(၂၇) ရဲရွာခန်းမ၌ ကျင်းပသည့်အစည်းအဝေးတွင် ပြောဆိုလိုက်သည်။
လျှပ်စစ်ဓာတ်အားသုံးစွဲမှုနှင့်ထုတ်လုပ်မှုမမျှမတဖြစ်နေသည်ကို တတ်နိုင်သမျှ ထိန်းညှိ ဖြန့်ဖြူးပေးနေကြောင်း၊ ရသမျှစွမ်းအင်မျိုးစုံကို အသုံးပြု၍ ရင်းနှီးမြှုပ်နှံမှုနည်းမျိုးစုံဖြင့် လျှပ်စစ်ဓာတ်အားလိုအပ်ချက်ကို ဖြည့်ဆည်းပေးဖို့ လုပ်ဆောင်နေကြောင်း ပြောဆိုထားသည်။
လျှပ်စစ်ဓာတ်အားများကို ပြည်သူလူထုထံသို့ ဓာတ်အားပျောက်ဆုံးမှုအနည်းဆုံး (Losses)ဖြင့် ဗိုအားပြည့်ဝစွာ အချိန်မီရောက်ရှိစေရေး အလေးထားဆောင်ရွက်ရန်လိုအပ်ကြောင်း၊ ဓာတ်အားပေးစက်ရုံနှင့် ဓာတ်အားခွဲရုံကြီးများ မီးဘေးအန္တရာယ် မကျရောက်စေဖို့ဆောင်ရွက်ဖို့ လိုအပ်ကြောင်း ပြောဆိုလိုက်သည်။
မိမိတို့ဝန်ကြီးဌာန၏ ရည်မှန်းချက်ဖြစ်သော တစ်နိုင်ငံလုံး လျှပ်စစ်ဓာတ်အား သုံးစွဲနိုင်ရေး ရည်မှန်းချက်နှင့်အညီ စီမံဆောင်ရွက်လျက်ရှိသည့် လုပ်ငန်းများတွင် မိမိတို့ကျရာအခန်းကဏ္ဍများမှ တက်ညီလက်ညီဝိုင်းဝန်းကြိုးပမ်းဆောင်ရွက်သွားကြရန်နှင့် လုံခြုံရေး အထူးဂရုပြုဆောင်ရွက်သွားရန် လိုအပ်ကြောင်း ပြည်ထောင်စုဝန်ကြီးက ပြောဆိုလိုက်သည်။
#ymg/ynzw #Local_News #လျှပ်စစ်ဓာတ်အား #ပြည်ထောင်စုဝန်ကြီး #YMG
#Yangon-Media-Group
