#LocalNews
Published_ 9 January 2023
မွန်ပြည်နယ်၊ မော်လမြိုင်မြို့တွင် နာရေးပို့ဆောင်သည့်ကားတစ်စီး ချောက်ထဲထိုးကျ၍ ယာဉ်ပေါ်တွင်လိုက်ပါသူ ၅ဦး ထိခိုက်ဒဏ်ရာရရှိခဲ့သောကြောင့် ယခုအခါ မော်လမြိုင်ဆေးရုံတွင် ဆေးကုသမှုခံယူနေကြရကြောင်း မော်လမြိုင်အရေးပေါ် လူမှုကယ်ဆယ်ရေးအဖွဲ့မှ သိရသည်။
အသုဘပို့ဆောင်ရန်ရပ်ထားသည့်ယာဉ်မှာ ယာဉ်မောင်းမရှိချိန်ဂီယာပြုတ်ကျ၍ ချောက်ထဲထိုးကျခဲ့မှု ဇန်နဝါရီလ ၈ ရက် ညနေ ၂နာရီ မိနစ်၄၀ခန့်က မော်လမြိုင်မြို့၊ သွေးသောက်ရပ်ကွက်တွင် ဖြစ်ပွားခဲ့ခြင်းဖြစ်သည်။
“ယာဉ်က ချောက်ထဲထိုးကျသွားတော့ အသုဘပို့ဖို့လိုက်ပါလာတဲ့သူထဲက ၅ဦး ထိခိုက်ရခဲ့တယ်။ ဒဏ်ရာပြင်းထန်တဲ့သူတော့မရှိဘူး။ ဒဏ်ရာရတဲ့သူတွေကို လူမှုကယ်ဆယ် ရေးအသင်းတွေက ဆေးရုံကို ပို့ပေးခဲ့ပါတယ်” မော်လမြိုင်အရေးပေါ်လူမှုကယ်ဆယ် ရေးအဖွဲ့မှ တာဝန်ရှိသူက ပြောသည်။
ymg/mt
#Yangon_Media_Group
