#Local_News
Published _ 3 December 2022
သင်္ကန်းညီနောင်မှ ကော့ကရိတ်မြို့နယ်နှင့် ကြာအင်းဆိပ်ကြီးမြို့နယ်များသို့ သွယ်တန်းထားသည့် ၆၆ ကေဗွီ မဟာဓာတ်အားလိုင်းမှ တာဝါတိုင်အမှတ် (၄၅၊ ၄၆၊ ၄၇) တို့ကို လက်နက်ကိုင်အဖွဲ့တစ်ခုက နိုဝင်ဘာလ ၃၀ ရက်တွင် မိုင်ထောင်ဖောက်ခွဲဖျက်ဆီးခဲ့သဖြင့် တာဝါတိုင်များ ထိပ်ပိုင်းကျိုးပဲပျက်စီးခြင်းနှင့် လဲကျပျက်စီးခြင်းများ ဖြစ်ပေါ်ခဲ့ကြောင်း လျှပ်စစ်စွမ်းအားဝန်ကြီးဌာနက သိရသည်။
အဆိုပါ တာဝါတိုင်များ လဲကျကျိုးပဲ့ခြင်းကြောင့် သင်္ကန်းညီနောင် အပါအဝင် ကော့ကရိတ်မြို့နယ်နှင့် ကြာအင်းဆိပ်ကြီးမြို့နယ်များတွင် လျှပ်စစ်မီးပြတ်တောက်မှုများလည်း ဖြစ်ပွားခဲ့ကြောင်း သိရသည်။
ယခုအခါ နစက အနေဖြင့် ယင်းလုပ်ရပ်များကို ကျူးလွန်ခဲ့သူများအား ဥပဒေနှင့်အညီ ထိရောက်စွာအရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း လည်း ထုတ်ပြန်ထားသည်။
#ymg/mt
#Yangon_Media_Group
