#Local_News
Published_25 August 2022
မလေးရှားနိုင်ငံ ထိန်းသိမ်းရေးစခန်း ၅ ခုမှ မြန်မာများ သြဂုတ်လ ၂၅ ရက်တွင် ကယ်ဆယ်ရေးလေယာဉ်ဖြင့် မြန်မာနိုင်ငံသို့ ပြည်တော်ပြန်ခွင့်ရခဲ့ကြကြောင်း မလေးရှားနိုင်ငံဆိုင်ရာ မြန်မာနိုင်ငံသံရုံးက သိရသည်။
ယင်းတို့မှာ မြန်မာနိုင်ငံသားဖြစ်ကြောင်း စိစစ်မှန်ကန်သူများဖြစ်ပြီး Semenyih camp မှ ၂၅ ဦး ၊ Malaka camp မှ ၄ ဦး ၊ Paranang camp မှ ၂ ဦး ၊ Tanah Metah camp မှ ၆၉ ဦး ၊ Pekan Nenas camp မှ ၆၆ ဦး စုစုပေါင်း( ၁၆၆) ဦးတို့ဖြစ်ကြောင်း သိရသည်။
မလေးရှားနိုင်ငံတွင် ဖမ်းဆီးခံရသော မြန်မာနိုင်ငံသားများ ပြစ်ဒဏ်ကျခံပြီးပါက ထိန်းသိမ်းရေးစခန်းများတွင် ဆက်လက်ထိန်းသိမ်းခံရခြင်းဖြစ်ပြီး အဆိုပါ ထိန်းသိမ်းရေးစခန်းများမှ မြန်မာနိုင်ငံသားဖြစ်ကြောင်း အထောက်အထားပြည့်စုံသူများအား မြန်မာသံရုံးအစီအစဉ်ဖြင့် နေရပ်သို့ ပြန်လည်ပို့ဆောင်ပေးနေခြင်းလည်း ဖြစ်ကြောင်း သိရသည်။
ymg/mt
#Yangon_Media_Group
