#Local_News
Published_1 August 2022
စစ်ကိုင်းတိုင်းဒေသကြီး၊ မုံရွာမြို့နယ်တွင် လေပြင်းတိုက်ပြီး လူနေအိမ်ပေါ်သစ်ပင်လဲကျ လူ(၁)ဦးသေ ဆုံးခဲ့ကြောင်း မြန်မာနိုင်ငံမီးသတ်တပ်ဖွဲ့၏ထုတ်ပြန်ချက်အရ သိရသည်၊၊
ဇူလိုင်လ ၃၁ ရက်က စစ်ကိုင်းတိုင်းဒေသကြီး၊ မုံရွာမြို့နယ်၊ ဘုန်းစိုးရပ်ကွက်၊ သာစည်လမ်းတွင် လေပြင်းတိုက်ခတ်ပြီး မိုးရွာသွန်းမှုကြောင့် လူနေအိမ် (၁) လုံးပေါ်သို့ သစ်ပင်လဲကျ၍ လူ(၁) ဦး ပိမိနေပြီးသေဆုံးခဲ့ခြင်းဖြစ်သည်၊၊
ယင်းဖြစ်စဉ်တွင် မုံရွာခရိုင်မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ သစ်ပင်လဲကျ၍ ပိမိနေသူ ကျား(၁)ဦး(သေဆုံး)အား ရှာဖွေတွေ့ရှိခဲ့ပြီး မြန်မာနိုင်ငံလူမှုကယ်ဆယ်ရေးအသင်းမှယာဉ်ဖြင့် မုံရွာပြည်သူ့ဆေးရုံသို ပို့ဆောင်ပေးခဲ့ကြောင်း သိရသည်၊၊
အခုရက်ပိုင်းအတွင်း ရာသီဥတုပူပြင်းခြင်း၏ နောက်ဆက်တွဲအဖြစ် မိုးထစ်ချုန်းခြင်း၊ လေပြင်းတိုက်ခြင်း၊ မိုးကြိုးပစ်ခြင်းများကြုံတွေ့နိုင်ကြောင်း မိုး/ဇလမှ သတိပေးထားပြီး လေပြင်းတိုက်ခတ်မှုကြောင့် သစ်ပင်များပြိုလဲမှုများ ဖြစ်ပွားလေ့ရှိသော်လည်း ယခုတစ်ကြိမ်တွင်တော့ လူတစ်ဦးပါ သေဆုံးသွားခြင်းဖြစ်ကြောင်းသိရသည်၊၊
ymg/tthl
#Yangon_Media_Group
