#Local_News
Published_ 21 June 2022
တောင်ကိုရီးယားနိုင်ငံအနေဖြင့် မြန်မာအလုပ်သမားများကို ပြန်လည်လက်ခံခေါ်ယူလျှက်ရှိရာ ဒီကနေ့ ဇွန် ၂၁ ရက်တွင် MoU လုပ်သားသစ် ၁၃၀ ဦး အင်ချွန်း လေဆိပ်သို့ ထပ်မံရောက်ရှိခဲ့ကြောင်း ဆိုးလ်မြို့ရှိ မြန်မာသံရုံးရဲ့ ထုတ်ပြန်ချက်အရ သိရပါတယ်။
ရောက်ရှိလာတဲ့ မြန်မာလုပ်သားများကို မြန်မာသံရုံးမှ တာဝန်ရှိသူများက ကြိုဆိုခဲ့ကြပြီး လိုအပ်တာများ လမ်းညွှန်မှာကြား ကူညီခဲ့တယ်လို့ ဆိုပါတယ်။
၂၀၂၂ ခုနှစ် နှစ်ဆန်းပိုင်းမှစ၍ တောင်ကိုရီးယားက မြန်မာလုပ်သားများကို ပြန်လည်ခေါ်ယူခဲ့ရာ ယခုအချိန်အထိ လုပ်သားဦးရေ ၂၀၀၀ ကျော် စေလွှတ်ပြီးဖြစ်ကြောင်း သိရပါတယ်။ တောင်ကိုရီးယားနိုင်ငံ၌ မြန်မာလုပ်သား ၄ သောင်း ကျော် အလုပ်လုပ်ကိုင်လျှက်ရှိကြောင်း မှတ်တမ်းများအရ သိရပါတယ်။
ymg-mnn
#Yangon_Media_Group
