#Local_News
Published_ 17 May 2022
ဧပြီလအတွင်းက မြန်မာနိုင်ငံအတွင်းသို့ ရောက်ရှိနေသည့် နိုင်ငံခြားသား ၁၁၀၀ ကျော်ကို ကယ်ဆယ်ရေးလေယာဉ်ဖြင့် လိုက်ပါနိုင်ရန် စိစစ်ထောက်ခံမှုများ ပြုလုပ်ပေးခဲ့ကြောင်း ရင်းနှီးမြှပ်နှံမှုနှင့် စီးပွားဆက်သွယ်ရေး ဝန်ကြီးဌာနရဲ့ ထုတ်ပြန်ချက်အရ သိရပါတယ်။
အဆိုပါ နိုင်ငံခြားသားများမှာ မြန်မာနိုင်ငံရင်းနှီးမြှုပ်နှံမှု ကော်မရှင်၏ ခွင့်ပြုမိန့်/ အတည်ပြုမိန့်တို့ဖြင့် လုပ်ငန်းဆောင်ရွက်လျက်ရှိသော ရင်းနှီးမြှုပ်နှံမှုလုပ်ငန်းများမှ နိုင်ငံခြားသားများနှင့် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၌ မှတ်ပုံတင်ဆောင်ရွက်လျက်ရှိတဲ့ ကုမ္ပဏီများမှ နိုင်ငံခြားသားများ ဖြစ်ကြပါတယ်။
ကုမ္ပဏီပေါင်း ၄၆၄ ခုမှ နိုင်ငံခြားသား ၁၁၁၁ ဦးကို လာရောက်သည့် နိုင်ငံပေါင်း ၂၄ နိုင်ငံသို့ ကယ်ဆယ်ရေး လေယာဉ်ဖြင့် လိုက်ပါခွင့်ရနိုင်ရေးအတွက် ဆောင်ရွက်ပေးခဲ့ခြင်းဖြစ်ပါတယ်။
မတ်လကလည်း ကုမ္ပဏီပေါင်း ၅၁၆ ခုတွင် နိုင်ငံပေါင်း ၂၇ နိုင်ငံမှ လာရောက်ကြတဲ့ နိုင်ငံခြားသား ၁၅၁၀ ဦးကို ကယ်ဆယ်ရေးလေယာဉ်ဖြင့် လိုက်ပါခွင့်ရရှိရေးအတွက် စိစစ်ထောက်ခံပေးခဲ့ကြောင်း သိရပါတယ်။
ymg-mnn
#Yangon_Media_Group
