#LocalNews
Published -24 Apr 2022
ဧပြီလ ၂၄ ရက် ယနေ့ နံနက် ၅ နာရီခန့်က ရန်ကုန်-မန္တလေးအမြန်လမ်း ၉၉ မိုင် ၅ဖာလုံတွင်ခရီးသည်တင်ယာဉ်တစ်စီးသည် ကားဘီးပေါက်ပြီး အရှိန်လွန်ကာ ချောင်းထဲတိမ်းမှောက်သွားခဲ့ခြင်းကြောင့် ယာဉ်ပေါ်ပါ လူ ၁၁ ဦး ဒဏ်ရာရရှိခဲ့တယ်လို့ အမြန်လမ်းမကြီးရဲတပ်တပ်ဖွဲ့ထံမှ သိရပါတယ်။
" ယာဥ်တိမ်းမှောက်မှုဖြစ်စဥ်မှာ ခရီးသည်တင်ကားပေါ်က ၁၁ ယောက်ပဲ ထိခိုက်ဒဏ်ရာရတယ်" လို့ အမြန်လမ်းမကြီးရဲတပ်တပ်ဖွဲ့မှ ရဲအရာရှိတစ်ဦးက ပြောပါတယ်။
အဆိုပါ တိမ်းမှောက်သွားသော နန်းထိုက်တော်ဝင် ခရီးသည်တင်ယာဉ်မှ ထိခိုက်ဒဏ်ရာရရှိသူများကို မြို့ချောင်းဆေးရုံသို့ ပို့ဆောင်ထားပေးကြောင်း သိရသည်။
" ဒဏ်ရာရသူတွေကလည်း ခေါင်းပေါက်တယ်၊ လက်ထိတယ်၊ ခြေထိတယ် ဒါမျိုးတွေရတယ်၊ပြင်းပြင်းထန်ထန်စိုးရိမ်စရာအခြေအနေတော့ မတွေ့ရပါဘူး။" ဟု ကယ်ဆယ်ရေးတွင်ပါဝင်ခဲ့သော ဆင်ဖြူတော်လူမှုကူညီရေးအသင်းမှ တာဝန်ရှိသူတစ်ဦးက ပြောပါတယ်။
ymg/hm
#Yangon_Media_Group
