#LocalNews
Published - 31 March 2022
ဝိဇ္ဇာ/ သိပ္ပံ တက္ကသိုလ်များ၊ ဆရာအတတ်သင် ပညာဦးစီးဌာနရှိ ပညာရေးဒီဂရီကောလိပ်တွေရဲ့ ဘာသာရပ်အားလုံးကို ၂၀၂၂ ခုနှစ် မေလ ၁၂ ရက်နေ့မှာ ဖွင့်လှစ်သွားမယ်လို့ မတ်လ ၃၀ ရက်နေ့က ပညာရေးဝန်ကြီးဌာန ပြည်ထောင်စုဝန်ကြီးနဲ့ တာဝန်ရှိသူများတွေ့ဆုံပွဲက သိရပါတယ်။
ဒ့ါအပြင် ၂၀၂၀ ပြည့်နှစ် တက္ကသိုလ်ဝင်တန်းအောင် ကျောင်းသား၊ ကျောင်းသူတွေရဲ့ ပထမနှစ်သင်တန်းတွေပါ မေလ ၁၂ ရက်နေ့မှာ ဖွင့်လှစ်သွားမှာဖြစ်ပြီး ၂၀၂၂ ခုနှစ် တက္ကသိုလ်ဝင်တန်းအောင် ကျောင်းသား၊ ကျောင်းသူတွေလည်း တက်ရောက်ကာ ပုံမှန်စာသင်နှစ်နဲ့ ဖွင့်လှစ်သင်ကြားပေးနိုင်ဖို့ လုပ်ဆောင်သွားမယ်လို့ သိရပါတယ်။
အဝေးသင်တက္ကသိုလ်သင်တန်းတွေဟာ စက်တင်ဘာလနဲ့ အောက်တိုဘာလတို့မှာ အနီးကပ်သင်တန်းတက်ရောက်ဖြေဆိုကြမှာဖြစ်ပြီး နိုဝင်ဘာလတွင် စာသင်နှစ်ဝက်အသစ်အတွက် တက္ကသိုလ်အတန်းတွေကို ပြန်လည်ဖွင့်လှစ်သွားမှာ ဖြစ်ပါတယ်။
“ မတ်လ ၁၂ ရက်နေ့မှာ တက္ကသိုလ်တွေ၊ ဒီဂရီကော်လိပ်တွေအားလုံး အတန်းစုံ ကျောင်းပြန်ဖွင့်မှာဖြစ်တဲ့အတွက် ကျောင်းသန့်ရှင်းသာယာရေးနဲ့ ကိုဗစ်စင်တာဖွင့်လှစ်ခဲ့တဲ့ အဆောင်တွေကို ပိုးသန့်စင်ထားရမယ် ပြီးတော့ တက္ကသိုလ်တွေမှာ BA(Law) နဲ့ BS (Eco) သင်တန်းတွေ ဖွင့်လှစ်နိုင်ရေးအတွက် သင်ရိုးညွှန်းတမ်းတွေကို အသင့်ပြင်ဆင်ထားကြစေလိုပါတယ်” လို့ ဝန်ကြီး ဒေါက်တာညွှန့်ဖေက ပြောပါတယ်။
ဝင့်ခွင့်ရတဲ့ တက္ကသိုလ်စာရင်းတွေကိုလည်း သက်ဆိုင်ရာတက္ကသိုလ်အသီးသီးမှာ ဧပြီ ၁ ရက်နေ့မှာ ကြေညာသွားမှာမယ်လို့ သိရပါတယ်။
ymg/ei
#Yangon_Media_Group
