#World_Health
Published 27 September 2026

■ နံနက်ခင်း လေ့ကျင့်ခန်းလုပ်ခြင်းဟာ ဆိုရှယ်မီဒီယာတွေပေါ်မှာ ရေပန်းစားပေမယ့် Open Heart ဂျာနယ်လေ့လာမှုတစ်ခုအရ ဒါဟာ လူတိုင်းနဲ့ သင့်တော်တာမျိုးတော့ မဟုတ်ဘူးလို့ ဖော်ပြထားပါတယ်။

■ လေ့ကျင့်ခန်းလုပ်ခြင်းရဲ့ ကျန်းမာရေး အကျိုးကျေးဇူးတွေဟာ လူတစ်ယောက်ရဲ့ သဘာဝခန္ဓာကိုယ်နာရီစက်ဝန်းနဲ့ ကိုက်ညီမှုရှိပုံအပေါ်မှာ အဓိကမူတည်နေပါတယ်။

■ နံနက်စောစော အိပ်ရာထတတ်သူတွေအတွက် နံနက်ပိုင်းလေ့ကျင့်ခန်းလုပ်ခြင်းက အကျိုးအရှိဆုံးဖြစ်ပြီး ညဉ့်နက်မှ အိပ်တတ်သူတွေအတွက်ကတော့ နေ့လယ်၊ ညနေပိုင်းတို့မှာ ပြုလုပ်ခြင်းက ပိုကောင်းနိုင်ပါတယ်။

■ လေ့ကျင့်ခန်းလုပ်ချိန်ကို ခန္ဓာကိုယ်လည်ပတ်စက်ဝန်းနဲ့ ချိန်ညှိခြင်းက သွေးဖိအား၊ သွေးတွင်းသကြားဓာတ်၊ ကိုလက်စထရောနဲ့ အိပ်စက်မှုအခြေအနေတို့ကို တိုးတက်ကောင်းမွန်စေပါတယ်။

■ လေ့ကျင့်ခန်းက ခန္ဓာကိုယ်စက်ဝန်းနဲ့ ကွက်တိမကျရင်တောင်မှ ဘယ်လိုကိုယ်လက်လှုပ်ရှားမှုမဆို သိသာထင်ရှားတဲ့ ကျန်းမာရေးအကျိုးကျေးဇူးတွေ ပေးစွမ်းနိုင်ပါသေးတယ်။

■ ညဉ့်နက်မှ အိပ်တတ်သူတွေအတွက် မနက်စောစောလေ့ကျင့်ခန်းလုပ်ဖို့ အတင်းအကျပ် ဖိအားပေးလုပ်ခြင်းက မောပန်းနွမ်းနယ်ပြီး ပုံမှန်လုပ်ဆောင်နိုင်စေမှာ မဟုတ်ပါဘူး။

■ နံနက်ပိုင်းပဲလုပ်ဖို့ အချိန်ရှိတယ်ဆိုရင် သွေးပူလေ့ကျင့်ခန်း ပိုကြာကြာလုပ်ပြီး ဖြည်းဖြည်းချင်း တိုးမြှင့်သွားခြင်းဖြင့် ခန္ဓာကိုယ်ကျင့်သားရစေနိုင်ပါတယ်။

■ လေ့ကျင့်ခန်းလုပ်ဖို့ အကောင်းဆုံးအချိန်ဆိုတာက ကိုယ်နဲ့ရင်းနှီးကျွမ်းဝင်ပြီး ပုံမှန်စွဲစွဲမြဲမြဲ လုပ်ဆောင်နိုင်ဖို့က ပိုအရေးကြီးပါတယ်။

Source: The Jerusalem Post