#World_Science
Published 09 August 2026

■ သုတေသီတွေက နဂါးငွေ့တန်းဂလက်ဆီ ဗဟိုအနီး ကြယ်ကြားတိမ်တိုက် G+0.693 မှာ ကာဗွန် ၄ ခုပါတဲ့ သကြားဓာတ်တစ်မျိုးဖြစ်တဲ့ erythrulose ကို ရှာဖွေတွေ့ရှိခဲ့ကြပါတယ်။

■ အဆိုပါ သကြားဓာတ်ဟာ ရိုးရှင်းတဲ့ သကြားဓာတ်တွေထက် ၈ ဆကနေ ၁၇ ဆအထိ ပိုမိုကြွယ်ဝကြောင်း အာကာသဓာတုပညာရှင် အီဇာကွန်ဂျီမီနက်ဇ်ဆယ်ရာ ဦးဆောင်တဲ့ သုတေသနအဖွဲ့က တွေ့ရှိခဲ့ပါတယ်။

■ ဒီသကြားဓာတ်ဟာ ရောင်ခြည်ဖြာထွက်မှုကြောင့် ကာဗွန် ၂ ခုပါဝင်တဲ့ မူလဒြပ်ပေါင်းမော်လီကျူးများကြား ဓာတ်ပြုမှုဖြစ်ပေါ်ကာ အေးခဲနေတဲ့ ကြယ်ကြားဖုန်မှုန့်အမှုန်များပေါ်မှာ ဖြစ်တည်လာခြင်း ဖြစ်ပါတယ်။

■ လွန်ခဲ့တဲ့ နှစ်ပေါင်း ၄ ဘီလီယံခန့်က အာကာသဖုန်မှုန့်များနဲ့ ဥက္ကာပျံများ ကျရောက်မှုကြောင့် ရှေးဟောင်းကမ္ဘာပေါ်သို့ သကြားဓာတ်တန်ချိန် သန်း ၅၀ အထိ ရောက်ရှိလာခဲ့ပါတယ်။

■ ဒါဟာ ကမ္ဘာဦးသက်ရှိများရဲ့ အစာချက်လုပ်မှုနဲ့ မျိုးပွားမှုဆိုင်ရာ လုပ်ငန်းစဉ်များအတွက် လိုအပ်ပြီး အရေးပါတဲ့ အခြေခံဒြပ်ပစ္စည်းများ ပံ့ပိုးပေးခဲ့ပါတယ်။

■ သကြားဓာတ်တွေက ဆဲလ်များရဲ့ မရှိမဖြစ်လိုအပ်တဲ့ တည်ဆောက်ပုံ အစိတ်အပိုင်းများအဖြစ် ဆောင်ရွက်ပေးပြီး DNA နဲ့ RNA လိုမျိုး အရေးကြီးတဲ့ မျိုးဗီဇပစ္စည်းများရဲ့ ပင်မဖွဲ့စည်းပုံကို ဖြစ်ပေါ်စေပါတယ်။

■ တွေ့ရှိချက်များအရ ကြယ်ကြားတိမ်တိုက်များဟာ စကြဝဠာရဲ့ အခြားသော အစိတ်အပိုင်းများသို့လည်း သက်ရှိများဖြစ်တည်ရန် လိုအပ်တဲ့ အခြေခံဒြပ်ပစ္စည်းများကို အလားတူ ဖြန့်ကျက်ပေးခဲ့နိုင်ကြောင်း ညွှန်းဆိုနေပါတယ်။

Source: WION