#World_Health
Published 19 August 2025
▪️ ယခုနှစ် ဖလော်ရီဒါမှာ အသားစားဘက်တီးရီးယား Vibrio vulnificus ဖြစ်ပွားသူ အနည်းဆုံး ၁၃ ဦးရှိထားကြောင်း ဖလော်ရီဒါကျန်းမာရေးဌာနက အတည်ပြုထားကာ ၈ ဦးသေဆုံးထားတယ်လို့ သိရပါတယ်။
▪️ ကူးစက်သူ (၈) ဦးက ပွန်းပဲ့ဒဏ်ရာကနေ ပိုးမွှားဝင်ရောက်တာဖြစ်ပေမယ့် ကူးစက်မှုက ကွက်ကြားဖြစ်တတ်တာလို့ သတိပေးထားပါတယ်။
▪️ လူဝီစီယာနာမှာလည်း ၂၀၂၅ အတွင်း ထိုရောဂါကူးစက်သူ ၁၇ ဦးရှိထားတယ်လို့ တင်ပြထားပါတယ်။
▪️ ယခုလို အဖြစ်များလာတာဟာ ယမန်နှစ် ဟာရီကိန်းမုန်တိုင်းလိုမျိုး သဘာဝဘေးအန္တရာယ်တွေ ကြုံတွေ့တာနဲ့ သက်ဆိုင်နေတယ်လို့ ကျန်းမာရေးတာဝန်ရှိသူများ ဆိုပါတယ်။
▪️ ရာသီဥတုအခြေအနေတွေကြောင့် ကမ်းရိုးတန်းမှရေတွေ ကုန်းတွင်းသို့ ဝင်ရောက်လာကာ ရောဂါကူးစက်မှု များလာစေတာ ဖြစ်ပါတယ်။
▪️ ဒီဘက်တီးရီးယားမျိုးနွယ်ကို ဆားငန်ရေတွေမှာ တွေ့ရတယ်လို့ ရောဂါထိန်းချုပ်ကာကွယ်ရေးစင်တာတွေက ထုတ်ပြန်ထားပါတယ်။
▪️ ဒီရောဂါကူးစက်တဲ့အခါ တစ်ရက်နှစ်ရက်အတွင်း အပြင်းအထန် နေမကောင်းဖြစ်ခြင်းနဲ့ အသက်ဆုံးပါးခြင်းတို့ ဖြစ်စေနိုင်ပါတယ်။
▪️ ကူးစက်ခံရသူတွေမှာ ဝမ်းလျှောခြင်း၊ ဝမ်းဗိုက်အောင့်ခြင်း၊ မူးဝေအော့အန်ခြင်း၊ ဖျားနာခြင်း၊ ချမ်းတုန်ခြင်းတို့ ခံစားရနိုင်ပါတယ်။
▪️ ပင်လယ်စာတွေကို မစားခင်မှာ သင့်လျော်တဲ့အပူချိန်ဖြင့် ချက်ပြုတ်ခြင်း၊ ပင်လယ်စာအစိမ်းတွေ ကိုင်တွယ်ပြီးတိုင်း လက်သေချာဆေးကြောခြင်း၊ ကူးစက်မှုမဖြစ်အောင် ဒဏ်ရာများကို ပိုးသန့်စင်ခြင်းတို့ ပြုလုပ်သင့်ကြောင်း ကျန်းမာရေးတာဝန်ရှိသူများ အကြံပြုထားပါတယ်။
Source: The Jerusalem Post.
