#World_Health
Published 24 November 2025

■ နှလုံးကျန်းမာရေးအတွက် အခြေခံကျတဲ့ ကာကွယ်ရေးစနစ်က လေ့ကျင့်ခန်းလုပ်ပေးခြင်းဖြစ်ပြီး နှလုံးကနေ ထိရောက်စွာ သွေးညှစ်ထုတ်နိုင်စေကာ အခြားအကျိုးကျေးဇူးများစွာလည်း ရနိုင်ပါတယ်။

■ ဒါပေမဲ့ လေ့ကျင့်ခန်းဘယ်လောက် လုပ်ခြင်းကြောင့် နှလုံးကျန်းမာရေး ဘယ်လောက်ထိ ကောင်းစေလဲဆိုတာက တစ်ဦးနဲ့တစ်ဦး ကွဲပြားနေပါတယ်။

■ လေ့ကျင့်ခန်းလုပ်လို့ နှလုံးကျန်းမာရေးအကျိုးကျေးဇူးနဲ့ ပတ်သက်ပြီး အမျိုးသားတွေနဲ့ အမျိုးသမီးတွေကြား ကွဲပြားပုံကို Nature Cardiovascular Research ဂျာနယ်မှာ ဖော်ပြခဲ့ပါတယ်။

■ အမျိုးသမီးတွေက အမျိုးသားတွေ လှုပ်ရှားလေ့ကျင့်ခန်းပြုလုပ်ခြင်းရဲ့ တဝက်လောက်ပြုလုပ်ရုံဖြင့် နှလုံးကာကွယ်မှုအတိုင်းအတာ တူညီစွာရနိုင်တယ်လို့ အဆိုပြုလာပါတယ်။

■ အမျိုးသမီးတွေက တစ်ပတ်ကို မိနစ် ၂၅၀ လောက် လေ့ကျင့်ခန်းပြုလုပ်ခဲ့ရာ နှလုံးရောဂါဖြစ်နိုင်ခြေ ၃၀ ရာခိုင်နှုန်း လျော့နည်းသွားတာ တွေ့ရပါတယ်။

■ အမျိုးသားတွေကတော့ ထိုရာခိုင်နှုန်းလျော့နည်းဖို့အတွက် တစ်ပတ်ကို မိနစ် ၅၃၀ လောက် လေ့ကျင့်ခန်းပြုလုပ်ရပါတယ်။

■ နေ့စဉ်လိုအပ်တဲ့ လေ့ကျင့်ခန်းပြုလုပ်တဲ့ အမျိုးသမီးတွေဟာ အသက်အန္တရာယ်ဆုံးပါးနိုင်ခြေ ၇၀ ရာခိုင်နှုန်း ပိုနည်းနေပါတယ်။

■ ဒါပေမဲ့ ကျားမမရွေး တစ်ပတ်ကို မိနစ် ၁၅၀ ခန့် လှုပ်ရှားလေ့ကျင့်ခန်းပြုလုပ်ပေးဖို့ အကြံပြုထားကြပါတယ်။

■ အမျိုးသမီးတွေရဲ့ ဟော်မုန်းနဲ့ ကြွက်သားဖွဲ့စည်းမှုက ကွဲပြားပြီး အီစထရိုဂျင်နဲ့ ကြံ့ခိုင်မှုပေးနိုင်တဲ့ ကြွက်သားအမျှင်တွေက အမျိုးသမီးတွေကို ပိုမိုအားသာစေတာ ဖြစ်ပါတယ်။

Source: Hindustan Times