#World_News
Published 27 November 2025

■ ဟောင်ကောင် အထပ်မြင့်အဆောက်အအုံများရှိရာ ထိုင်ပိုရပ်ကွက်မှာ မီးပြင်းထန်စွာ လောင်ကျွမ်းပြီး ၄၄ ဦး သေဆုံးကာ ၂၇၉ ဦး ပျောက်ဆုံးနေပါတယ်။

■ ဝါးငြမ်းတွေကနေ မီးတောက်တွေ ကူးစက်လောင်ကျွမ်းသဖြင့် လူနေထိုင်ရာ ဘလောက် ၇ ခု မီးစွဲခဲ့ပါတယ်။

■ ဆေးရုံတက်ကုသမှုခံယူရသူတွေထဲမှာ ၄၅ ဦးက အခြေအနေပြင်းထန်တယ်လို့ မီးသတ်ဌာနက ပြောပါတယ်။

■ ကြာသပတေးနေ့အစောပိုင်းက ဝေးလ်စ်မင်းသားဆေးရုံမှာ အမှုဆောင်ချုပ် ဂျွန်လီကာချူက သတင်းစာရှင်းလင်းပွဲမှာ ပြောကြားခဲ့ပါတယ်။

■ သမ္မတရှီကျင့်ဖျင်ကလည်း ဝမ်းနည်းပူးဆွေးကြောင်း ထုတ်ဖော်ခဲ့ပြီး အပျက်အစီးဆုံးရှုံးမှု အနည်းဆုံးဖြစ်စေရန် အစွမ်းကုန်ကြိုးစားကြဖို့ တောင်းဆိုထားပါတယ်။

■ ဗုဒ္ဓဟူးနေ့ မွန်းလွဲ ၂ နာရီ ၅၁ မိနစ်မှာ မီးလောင်ကျွမ်းကြောင်း စတင်အကြောင်းကြားခဲ့ကြပြီး မကြာခင်မှာပဲ မီးဟုန်းဟုန်းတောက်ကာ ကောင်းကင်သို့ မီးခိုးငွေ့တွေ မြင့်တက်လာခဲ့ပြီး အိမ်ရာထဲက ဘလောက် ၇ ခုသို့ လျင်မြန်စွာ မီးပျံ့နှံ့သွားခဲ့ပါတယ်။

■ ဟောင်ကောင်မှာ မီးလောင်ကျွမ်းမှုတွေကို အဆင့်သတ်မှတ်လေ့ရှိပြီး ညနေ ၆ နာရီ ၂၂ မိနစ်မှာ အမြင့်ဆုံးအဆင့် ၅ သို့ ရောက်ရှိခဲ့ပါတယ်။

■ ဗီဒီယိုပြကွက်တွေထဲမှာ အဆောက်အအုံအပြင်ဘက်က ဝါးငြမ်းတွေမှာ မီးစွဲနေပြီး အစိမ်းရောင်ငြမ်းတွေ မီးလောင်ကျွမ်းကာ မြေပြင်သို့ ပြာကျပျက်စီးနေပါတယ်။

■ ငြမ်းတွေကို ဆောက်လုပ်ရေးနဲ့ ပြန်လည်ပြုပြင်ရေးမှာ အသုံးပြုကြပါတယ်။

■ အာဏာပိုင်တွေက အပြင်းအထန် စုံစမ်းစစ်ဆေးကြဖို့ ကတိပြုထားပြီး မီးလောင်ကျွမ်းရတဲ့ အကြောင်းအရင်းကို စဉ်းစားဆုံးဖြတ်နေကြပါတယ်။

Source: SCMP