#World_Science
Published 27 November 2025

■ ဝေးလံတဲ့ဂြိုဟ်တွေပေါ်က သက်ရှိတွေကို ရှာဖွေဖို့ရည်ရွယ်တဲ့ ကင်မရာအသစ်တစ်မျိုး ထုတ်လုပ်နိုင်ဖို့ ဒါဟမ်တက္ကသိုလ်မှ သိပ္ပံပညာရှင်တွေ ကြိုးစားနေကြပါတယ်။

■ ပုံရိပ်ပြတ်သားမှုမြင့်မားတဲ့ ကင်မရာကို ဖန်တီးနေတဲ့ သုတေသီတွေက ယူကေအဖွဲ့မှာ ပါဝင်ပြီး နာဆာရဲ့ နေထိုင်ရှင်သန်နိုင်သောဂြိုဟ်များစောင့်ကြည့်ရေး(HWO)မစ်ရှင်အတွက် အသုံးပြုဖို့ ဖြစ်ပါတယ်။

■ HWO က ကမ္ဘာလိုမျိုးဂြိုဟ်တွေကို ရှာဖွေပြီး သက်ရှိအရိပ်အယောင်တွေ စစ်ဆေးဖို့ အထူးထုတ်လုပ်တဲ့ ပထမဆုံး အဝေးကြည့်မှန်ပြောင်း ဖြစ်လာမှာပါ။

■ ၂၁ ရာစုရဲ့ Hubble Space တယ်လီစကုပ် ဖြစ်လာပြီး တွေ့ရှိမှုကြီးတွေ ရလာနိုင်တယ်လို့ ဒါဟမ်တက္ကသိုလ်မှ ပရော်ဖက်ဆာ ရစ်ချတ်မက်ဆီက ပြောပါတယ်။

■ နာဆာရဲ့ HWO အာကာသမစ်ရှင်ကို ၂၀၄၀ အစောပိုင်းမှာ စတင်ဖို့ မျှော်မှန်းထားပါတယ်။

■ ကမ္ဘာလိုမျိုး ကျောက်သားဂြိုဟ်တွေက ကြယ်တွေနဲ့ နီးကပ်ပြီး သူတို့ရဲ့ အလင်းတောက်ပမှုကြောင့် လေ့လာကြည့်ရှုရတာ ခက်ခဲပါတယ်။

■ ယခုတယ်လီစကုပ်ကတော့ အလင်းစူးစူးတွေကို ပိတ်ပင်နိုင်မယ့် ကိရိယာတစ်မျိုး အသုံးပြုမှာဖြစ်ပါတယ်။

■ ကင်မရာအနေနဲ့ ဂြိုဟ်တစ်ခုရဲ့ အလေးချိန်ထုကို တိုင်းတာပြီး သက်ရှိတွေရဲ့ ဓာတုလက္ခဏာများ ရှိမရှိ စစ်ဆေးနိုင်မှာ ဖြစ်ပါတယ်။

■ ဒီအဖွဲ့ကို လန်ဒန်ကောလိပ်တက္ကသိုလ်က ဦးဆောင်ပြီး ပို့စ်မောက်တက္ကသိုလ်၊ RAL Space ၊ ယူကေနက္ခတ္တနည်းပညာစင်တာနဲ့ ဒါဟမ်တက္ကသိုလ်တို့မှ သိပ္ပံပညာရှင်များနဲ့ အင်ဂျင်နီယာများ ပါဝင်ထားပါတယ်။

■ ဒါ့အပြင် ယူကေအာကာသအေဂျင်စီကလည်း ဒီအဖွဲ့ကို ရန်ပုံငွေထောက်ပံ့ပေးထားပါတယ်။

Source: BBC.