#World_News
Published 31 December 2025

■ အိန္ဒိယဟာ တိုင်းပြည်ဂျီဒီပီ ဒေါ်လာ ၄.၁၈ ထရီလီယံဖြင့် ဂျပန်ကိုကျော်ကာ ကမ္ဘာ့စတုတ္ထမြောက် စီးပွားရေးအင်အားအကြီးဆုံး ဖြစ်လာပြီး ၂၀၃၀ အရောက်မှာ ဂျာမနီကိုထပ်ကျော်ပြီးနောက် တတိယမြောက် အင်အားအကြီးဆုံးနိုင်ငံဖြစ်လာမယ်လို့ အစိုးရထုတ်ပြန်ချက်မှာ ခန့်မှန်းထားပါတယ်။

■ ပြည်တွင်းထုတ်ကုန် ဝယ်ယူသုံးစွဲမှု မြင့်မားခြင်းနဲ့ ဖွဲ့စည်းပြုပြင်ပုံ ခိုင်မာခြင်းတို့တွေကနေ စီးပွားရေးအလျင်အမြန် ဆက်လက်တိုးတက်နေပါတယ်။

■ ပြီးခဲ့တဲ့ ဘဏ္ဍာရေးနှစ် ပထမ ၃ လအတွင်း အိန္ဒိယဂျီဒီပီ ၇.၈ ရာခိုင်နှုန်းရှိခဲ့ရာကနေ ၂၀၂၅-၂၀၂၆ ဘဏ္ဍာရေးနှစ် ဒုတိယ ၃ လမှာ ၈.၂ ရာခိုင်နှုန်းသို့ တိုးတက်လာပါတယ်။

■ အမေရိကန်က ကမ္ဘာ့စီးပွားရေးအင်အားအကြီးဆုံးအဖြစ် ဆက်ရှိနေပြီး တရုတ်က ဒုတိယနေရာမှာ ရှိနေပါတယ်။

■ အိန္ဒိယအပြင် နိုင်ငံတကာအဖွဲ့အစည်းတွေဖြစ်တဲ့ ကမ္ဘာ့ဘဏ်ကလည်း ၂၀၂၆ မှာ ၆.၅ ရာခိုင်နှုန်း တိုးတက်ရန် မျှော်မှန်းထားသလို နိုင်ငံတကာရန်ပုံငွေအဖွဲ့ကလည်း ၆.၆ ရာခိုင်နှုန်းအထိ မျှော်မှန်းလာပါတယ်။

■ အိန္ဒိယအစိုးရက ငွေကြေးဖောင်းပွမှုကို သတ်မှတ်နှုန်းအောက်မှာ ထားရှိနိုင်ပြီး အလုပ်အကိုင်မဲ့အခြေအနေ ကျဆင်းလာကာ တင်ပို့ကုန်တွေ ဆက်လက်တိုးတက်မယ်လို့ ဖော်ပြထားပါတယ်။

■ ဘဏ္ဍာရေးအခြေအနေတွေ တည်ငြိမ်နေပြီး ပြည်တွင်းထုတ်လုပ်မှုတွေ ဆက်လက်အားကောင်းနေကာ စီးပွားရေးအရှိန်ကို တည်မြဲစေပါတယ်။

■ အိန္ဒိယက ကမ္ဘာပေါ်က စီးပွားရေးအင်အားကြီး နိုင်ငံတွေထဲမှာ အလျင်မြန်ဆုံး တိုးတက်နေကြောင်း၊ ဒီအရှိန်ကိုဆက်ထိန်းနိုင်မယ့် အနေအထားရှိကြောင်း၊ စီးပွားရေးဖွံ့ဖြိုးမှု၊ ဖွဲ့စည်းပြုပြင်ပုံ၊ လူမှုဆက်ဆံရေး တိုးတက်မှုတွေမှာ အုတ်မြစ်ခိုင်မာအောင် တည်ဆောက်နေကြောင်း ထုတ်ပြန်ထားပါတယ်။

Source: Reuters