#World_Health
Published 23 February 2026

■ ကိုဗစ်-၁၉ ရောဂါအတွက် အသိအမှတ်ပြုထားတဲ့ နျူကလီယိုဆိုက်သောက်ဆေး VVII6 ဟာ နီပါဗိုင်းရပ်စ်ကိုလည်း ဆန့်ကျင်ခုခံနိုင်စွမ်းရှိတာကို တရုတ်သိပ္ပံပညာရှင်များ တွေ့ရှိထားကြောင်း ဝူဟန်ဗိုင်းရပ်စ်တက္ကသိုလ်မှ ထုတ်ပြန်လိုက်ပါတယ်။

■ မလေးရှားမှာ ၁၉၉၈ ခုနှစ်က စတင်ပျံ့ပွားခဲ့တဲ့ နီပါဗိုင်းရပ်စ်ဟာ အသက်ဆုံးပါးနှုန်း ၄၀ မှ ၇၀ ရာခိုင်နှုန်းရှိနေပြီး ယခုနှစ်ဇန်နဝါရီမှာ အိန္ဒိယ အနောက်ဘင်္ဂလားပြည်နယ်မှာ ကူးစက်မှုတွေ သေဆုံးမှုတွေ ရှိထားပါတယ်။

■ လက်ရှိမှာ အသိအမှတ်ပြု ကုသဆေး ကာကွယ်ဆေးတွေ မရှိတာကြောင့် WHO က အဓိကဦးစားပေး ကျန်းမာရေးပြဿနာအဖြစ် သတ်မှတ်ထားပါတယ်။

■ VVII6 က ကိုဗစ်-၁၉ ကုသဖို့အတွက် သောက်ဆေးအဖြစ် တရုတ်နဲ့ ဥဇဘက်ကစ္စတန်တို့မှာ အသိအမှတ်ပြုထားပြီး နီပါဗိုင်းရပ်စ်ကိုလည်း တားဆီးနိုင်ကြောင်း တွေ့ရှိထားပါတယ်။

■ VVII6 ကို ကျန်းမာရေးလုပ်သားတွေလို ထိတွေ့နိုင်ခြေများတဲ့သူတွေမှာ ကာကွယ်ဆေးအဖြစ် အသုံးပြုနိုင်သလို ဗိုင်းရပ်စ်ပျံ့ပွားမှုအတွက် အရန်သင့်ရနိုင်တဲ့ဆေးအဖြစ်လည်း ရနိုင်ပါတယ်။

■ ဒီဆေးထုတ်လုပ်တဲ့ Vigonvita Life Science Co ကုမ္ပဏီက ပျံ့ပွားမှုတွေကို စောင့်ကြည့်နေပြီး ကုသမှုအတွက် လက်တွေ့စမ်းသပ်ချက်များ စတင်သွားမယ်လို့ ဖော်ပြထားပါတယ်။

■ အိန္ဒိယဟာ နီပါဗိုင်းရပ်စ်ပျံ့ပွားမှုကို အတိုင်းအတာတစ်ခုအထိ ခံစားနေရပြီး စောင့်ကြည့်ခြင်းနဲ့ ကာကွယ်ခြင်းတို့က အဓိကကျနေပါတယ်။

■ တရုတ်ပြည်မမှာတော့ နီပါဗိုင်းရပ်စ်ကူးစက်မှုအကြောင်း မကြားရသေးပေမယ့် ဂရုစိုက်ပြီး သန့်ရှင်းစွာ ထိန်းသိမ်းနေထိုင်ကြဖို့ အကြံပြုထားပါတယ်။

Source: Global Times