#World_Health
Published 02 April 2026

■ အစိမ်းရောင်ဟင်းရွက်အုပ်စုက အစာအိမ်အူလမ်းကြောင်းအတွက် အကျိုးအာနိသင် ရစေတယ်လို့ လူအများ သဘောတူလက်ခံထားကြပါတယ်။

■ ဟင်းနုနွယ်၊ ကိုက်လံတို့လို အရွက်တွေဆိုရင် ပရီဘိုင်အိုတစ်ဒြပ်ပေါင်းများ ပါဝင်ပြီး ပရီဘိုင်အိုတစ်တွေနဲ့ ပရိုဘိုင်အိုတစ်တို့ ပေါင်းစပ်ပါဝင်ခြင်းက ပိုးမွှားစနစ် ညီညွတ်မျှတစေကာ အစာခြေစနစ်နဲ့ ကိုယ်ခံအားစနစ်တို့ကို ကောင်းမွန်စေပါတယ်။

■ အစိမ်းရောင်အရွက်တွေမှာ ပါဝင်တဲ့ ဆာလ်ဖိုကွီနိုဗို့စ်ဆိုတဲ့ အပင်သကြားဓာတ်က အကျိုးပြုဘက်တီးရီးယားတွေကို ထောက်ပံ့ကူညီပေးကြောင်း အစာအိမ်လမ်းကြောင်းပညာရှင် အယ်လစ်ဆာဆင့်ဆမ်က ပြောပါတယ်။

■ အစိမ်းရောင်အရွက်တွေမှာ ပါဝင်တဲ့ လူတိန်းက မျက်လုံးကျန်းမာရေးအတွက် အထောက်အကူပြုပေမယ့် အူလမ်းကြောင်းထဲက ဘက်တီးရီးယားပါဝင်မှုကိုလည်း မြင့်မားစေပါတယ်။

■ ကိုက်လံ၊ ဟင်းနုနွယ်၊ ဂေါ်ဖီ၊ အာရူဂူလာ၊ သကြားမုန်လာရွက်တို့မှာ အမျှင်ဓာတ်ပါဝင်သဖြင့် အစာကြေစေတဲ့အပြင် သွေးတွင်းသကြားဓာတ် ထိန်းညှိပေးပါတယ်။

■ အစိမ်းရောင်အရွက်တွေက အူလမ်းကြောင်းနဲ့ ဦးနှောက်ဝင်ရိုးကို အကူအညီပေးတာကြောင့် ဦးနှောက်ကျန်းမာရေးကိုလည်း အကျိုးပြုစေနိုင်ဖွယ် ရှိပါတယ်။

■ အပင်အခြေပြုစားစရာများနဲ့ အချဉ်ဖောက်စားစရာများ စားသုံးခြင်း၊ ဖိစီးမှုလျှော့ချခြင်း၊ ရေဓာတ်ပြည့်ဝအောင် နေထိုင်ခြင်း၊ တက်ကြွလှုပ်ရှားခြင်းတို့ဖြင့် အူလမ်းကြောင်းကျန်းမာရေး တိုးတက်စေနိုင်ပါတယ်။

■ အစိမ်းရောင်ဟင်းရွက်များပါဝင်တဲ့ ဟင်းတွေကို ပေါင်းစပ်စားသုံးပေးဖို့ အကြံပြုထားပါတယ်။

Source: Eating Well