#World_Health
Published 02 April 2026

■ စိတ်အပန်းဖြေတဲ့အနေနဲ့ အသုံးပြုကြတဲ့ ဆေးတွေဟာ လေဖြတ်ခြင်းအန္တရာယ်ကို နှစ်ဆကျော်ပိုများစေတယ်လို့ တွေ့ရှိထားပါတယ်။

■ လူပေါင်းသန်း ၁၀၀ ကျော်ထံမှ ဆေးဘက်ဆိုင်ရာ အချက်အလက်များကို ဆန်းစစ်ကြည့်ရာမှာ ဆေးမသုံးသူတွေနဲ့ယှဉ်ရင် အမ်ဖတမင်းသုံးစွဲသူတွေက လေဖြတ်နိုင်ခြေ ၁၂၂ ရာခိုင်နှုန်း ပိုများပြီး ကိုကိန်းအသုံးပြုသူတွေကတော့ ၉၆ ရာခိုင်နှုန်း ပိုများပါတယ်။

■ ဆေးရွက်ကြီးအသုံးပြုသူတွေမှာလည်း ၃၇ ရာခိုင်နှုန်းကျော် ပိုများနေကာ ဘိန်းစွဲသူတွေမှာတော့ လေဖြတ်နိုင်ခြေ ပိုများစေတဲ့ အထောက်အထားမျိုး မတွေ့ခဲ့ပါဘူး။

■ အသက် ၅၅ နှစ်အောက်တွေမှာ အမ်ဖတမင်းသုံးစွဲသူတွေက လေဖြတ်နိုင်ခြေ ၃ ဆနီးပါးပိုများပြီး ကိုကိန်းနဲ့ ဆေးရွက်ကြီးအသုံးပြုသူတွေမှာတော့ ၉၇ ရာခိုင်နှုန်းနဲ့ ၁၄ ရာခိုင်နှုန်းအသီးသီး ပိုများနေပါတယ်။

■ ဦးနှောက်ထဲက သွေးကြောတွေ ပိတ်ဆို့ပေါက်ထွက်သဖြင့် လေဖြတ်ခြင်းအခြေအနေ ဖြစ်ကြရပြီး အင်္ဂါချို့ယွင်းခြင်းနဲ့ အသက်ဆုံးပါးသည်အထိ ဆိုးရွားစေနိုင်ပါတယ်။

■ ဒီလိုဆေးတွေက သွေးပေါင်ချိန်တိုးခြင်း၊ သွေးကြောများကျဉ်းစေခြင်း၊ သွေးခဲခြင်း စတာတွေဖြစ်စေပြီး လေဖြတ်ခြင်းကို ဖြစ်စေပါတယ်။

■ တရားမဝင်ပစ္စည်းတွေနဲ့ မူးယစ်ဆေးများ သုံးစွဲမှုမြင့်တက်လာခြင်းက ကမ္ဘာတဝှမ်းမှာ အများပြည်သူကျန်းမာရေး စိုးရိမ်စရာ ဖြစ်လာပါတယ်။

■ လေဖြတ်ခြင်းတွေရဲ့ ၉၀ ရာခိုင်နှုန်းလောက်က နေထိုင်စားသောက်မှုပုံစံများဖြင့် ကာကွယ်နိုင်ပြီး အာဟာရမျှတစွာ စားသုံးခြင်း၊ လေ့ကျင့်ခန်းပုံမှန်ပြုလုပ်ခြင်း၊ ဆေးလိပ်အရက်ရှောင်ရှားခြင်း၊ မူးယစ်ဆေး ရှောင်ရှားခြင်းတို့ဖြင့် ကာကွယ်နိုင်မှာ ဖြစ်ပါတယ်။

Source: The Guardian