#World_Cup
Published 12 June 2026

■ ကြာသပတေးနေ့ ၂၀၂၆ ဖီဖာကမ္ဘာ့ဖလားအဖွင့်ပွဲစဉ်မှာ ပူးတွဲအိမ်ရှင်မက္ကဆီကိုက တောင်အာဖရိကအသင်းကို ၂-၀ ဖြင့် အနိုင်ယူပြီး အစဖွင့်လိုက်ပြီ ဖြစ်ပါတယ်။

■ အက်ဇ်တီကာကွင်းကြီးထဲ ဖွင့်ပွဲအခမ်းအနား ကျင်းပပြီးနောက် ပွဲစဉ်အတွင်း အနီကတ် ၃ ကတ်ပလူပျံခဲ့ကာ အကြိတ်အနယ်ရှိခဲ့တဲ့ ပွဲကြမ်းတစ်ပွဲ ဖြစ်ပါတယ်။

■ ပွဲအစပိုင်းမှာပဲ ဂျူလီယံကီနိုနက်စ်က ဂိုးသွင်းခဲ့ပြီး ဒုတိယပိုင်းအလယ်လောက်မှာ ရာအူးလ်ဂျီမီနက်ဇ်က ခေါင်းတိုက်ဂိုး ထပ်မံသွင်းယူနိုင်ခဲ့ကာ အိမ်ရှင်ပရိသတ်တွေရဲ့ ပူပန်မှုတွေကို ဖြေဖျောက်ပေးနိုင်ခဲ့ပါတယ်။

■ တောင်အာဖရိကဘက်က အနီကတ် ၂ ကတ်၊ မက္ကဆီကိုဘက်က အနီကတ် ၁ ကတ် ရှိခဲ့တာကတော့ ဘောလုံးအရည်အသွေးကို လွှမ်းမိုးသွားပြီး အကျည်းတန်စေခဲ့ပါတယ်။

■ ယခုပွဲစဉ်ကတော့ ပထမဆုံးသောအရာတွေ ထွက်ပေါ်ခဲ့ပြီး အသင်း ၄၈ သင်းပါဝင်တဲ့ ပထမဆုံးကမ္ဘာ့ဖလားပြိုင်ပွဲ၊ နိုင်ငံ ၃ နိုင်ငံမှပူးတွဲကျင်းပတဲ့ ပထမဆုံးမှတ်တမ်းနဲ့ အနီကတ် ၃ ကတ်ဖြင့် စတင်ခဲ့တဲ့ ပထမဆုံးအဖွင့်ပွဲတို့ ဖြစ်သွားပါတယ်။

■ မက္ကဆီကိုနည်းပြ ဂျာဗီယာအဂွယ်ရာက အသင်းစွမ်းဆောင်ရည်နဲ့ ပတ်သက်ပြီး ခံစားချက်သိပ်မကောင်းပေမယ့် အသင်းရဲ့ အလားအလာအပေါ် အကောင်းမြင်နေပါတယ်။

■ မက္ကဆီကိုစီးတီးမှာ ဆန္ဒပြမှုတွေ ရှိခဲ့ပေမယ့် အဖွင့်အခမ်းအနားမှာ Shakira ၊ Burna Boy တို့ တင်ဆက်ဖျော်ဖြေခဲ့ကြပါတယ်။

■ တောင်အာဖရိကနည်းပြ ဟူဂိုဘရူးစ်က ဒီရှုံးပွဲအပေါ်မှာ အနီကတ်တွေ သက်ရောက်မှုရှိခဲ့တယ်ဆိုပေမယ့် လာမယ့်ပွဲစဉ်တွေအတွက် မျှော်လင့်ချက်ရှိနေဆဲ ဖြစ်ပါတယ်။

Source: Reuters