၁၇ နိုဝင်ဘာ ၂၀၂၄
တရုတ်နိုင်ငံမှာ အစုလိုက်အပြုံလိုက်သတ်ဖြတ်မှုဖြစ်ပွားပြီး တစ်ပတ်ခန့်အကြာမှာ နောက်ထပ် ဓားထိုးမှု တစ်ခုကြောင့် လူ(၈)ဦးသေဆုံးပြီး ၁၇ ဦး ဒဏ်ရာရရှိသွားတယ်လို့ ရဲတွေက တနင်္ဂနွေနေ့က ပြောပါ တယ်။
စနေနေ့ညမှာ တရုတ်နိုင်ငံ အရှေ့ပိုင်း ကျန်ဆုပြည်နယ် ဝူရှီပြည်နယ် ယီရှင်းက ဝူရှီ ဝိဇ္ဇာနှင့်နည်းပညာ အသက်မွေးဝမ်းကျောင်းကောလိပ်မှာ ကျောင်းသားဟောင်းတစ်ဦးကဓားဖြင့်တိုက်ခိုက်မှုဖြစ်ပွားခဲ့တာပါ။ တရားခံအဖြစ်သံသယရှိရသူ ကို အခင်းဖြစ်ပွားရာနေရာမှာပဲ ဖမ်းမိပြီး သူကလည်း ဝန်ခံတယ်လို့ ရဲတွေ ကပြောပါတယ်။
ပြီးခဲ့တဲ့တနင်္လာတုန်းကလည်း တရုတ်နိုင်ငံတောင်ပိုင်း ဇူဟိုင်းမြို့မှာ အသက် ၆၁နှစ်အရွယ် ယာဉ်မောင်း က လူအပ်ထဲ ကားမောင်းဝင်လို့ လူ ၃၅ ဦးသေဆုံးပြီး ၄၃ ဦး ဒဏ်ရာရရှိခဲ့တာဖြစ်ပါတယ်။
ဝူရှီရဲတပ်ဖွဲ့ရဲ့ပြောကြားချက်အရ အဆိုပါလူငယ်မှာ သူစာမေးပွဲကျပြီး သူဘွဲလက်မှတ်မရတာနှင့် အလုပ် သင်နစ်နာကြေးရရှိတဲ့အပေါ် စိတ်ဆိုးပြီး ဓားဖြင့်တိုက်ခိုက်မှုတွေ ကျူးလွန်ခဲ့တာလို့ သိရပါတယ်။
ကနဦးစစ်ဆေးချက်များအရ တရားခံဟာ အသက် ၂၁ နှစ်အရွယ် ရှုဆိုသူဖြစ်ပါတယ်။ ၂၀၂၄ ခုနှစ် မှာကောလိပ်ပြီးသွားတဲ့ကျောင်းသားဖြစ်ပါတယ်။
Source Reuters
