#World_Science
Published 09 April 2025
▪️ တရုတ်သုတေသီတွေက ဝက်ကျောက်ကပ် အစားထိုးခွဲစိတ်မှု အောင်မြင်စွာ ပြုလုပ်နိုင်ခဲ့ရာ တိရိစ္ဆာန်ကနေ လူသားထံ အင်္ဂါအစားထိုးခွဲစိတ်မှုတွေမှာ ခြေလှမ်းသစ်များ လှမ်းနိုင်ခဲ့ပြီလို့ ဖော်ပြလာပြီး ဝက်အသည်းအစားထိုးမှုလည်း ပြုလုပ်နိုင်ဖွယ်ရှိတယ်လို့ ဗုဒ္ဓဟူးနေ့က ဆိုပါတယ်။
▪️ တရုတ်မှလူနာတစ်ဦးဟာ မျိုးဗီဇပြုပြင်ထားတဲ့ ဝက်ကျောက်ကပ်ဖြင့် အသက်ရှင်နေထိုင်နေတဲ့ တတိယမြောက်လူသား ဖြစ်လာပါတယ်။
▪️ ဒါ့အပြင် ဝက်အသည်းကို ဦးနှောက်အလုပ်မလုပ်တဲ့ လူသားထံ အစားထိုးထည့်သွင်းမယ့် စမ်းသပ်ချက်အကြောင်းကိုလည်း ဖော်ပြထားပါတယ်။
▪️ အစားထိုးအင်္ဂါများ ရှားပါးလာခြင်းကို ဖြေရှင်းဖို့အတွက် သိပ္ပံပညာရှင်တွေဟာ ဝက်တွေရဲ့ အင်္ဂါတွေ လူသားနဲ့ ပိုတူလာအောင် မျိုးဗီဇပြုပြင်နေကြပါတယ်။
▪️ ထိုကဲ့သို့ အစားထိုးမှု ၂ ခု အမေရိကန်မှာ ပြုလုပ်ခဲ့ရာ ခဏတာသာ အသက်ရှင်ခဲ့ကြပါတယ်။
▪️ နောက်ထပ် ဝက်ကျောက်ကပ်အစားထိုးသူ ၂ ဦးကတော့ ယခုထက်ထိ အသက်ရှင်နေကြဆဲ ဖြစ်ပါတယ်။
▪️ တရုတ်လူနာကို ကျောက်ကပ်အစားထိုးခွဲစိတ်ပြီးနောက် ၃ ပတ်နီးပါးကြာချိန်မှာ လူနာက အခြေအနေကောင်းနေပြီး ဝက်ကျောက်ကပ်ကလည်း ကောင်းစွာ အလုပ်လုပ်နေတယ်လို့ ရှီအန် ရှီကျင်ဆေးရုံမှ ဒေါက်တာ လင်ဝမ်က သတင်းထောက်တွေကို ပြောပါတယ်။
▪️ လူနာက အသက် ၆၉ နှစ်ရှိပြီဖြစ်ကာ လွန်ခဲ့တဲ့ ၈ နှစ်က ကျောက်ကပ်ရောဂါ တွေ့ရှိခဲ့တာဖြစ်ပြီး စစ်ဆေးမှုများပြုလုပ်ဖို့ ဆေးရုံမှာ ဆက်ထားသွားမှာဖြစ်ပါတယ်။
▪️ ဒေါက်တာဝမ်က တိရိစ္ဆာန်ထံမှ လူသားထံ အစားထိုးမှုမှာ နောက်တစ်ဆင့်တက်လှမ်းချင်နေပြီး ဝက်အသည်းတွေကို အစားထိုးဖို့ လေ့လာနေပါတယ်။
▪️ ဝက်အသည်းကို ဦးနှောက်အလုပ်မလုပ်တဲ့လူနာထံ အစားထိုးထည့်သွင်းရာမှာ ၁၀ ရက်တာ အသက်ရှင်ခဲ့ပြီး အင်္ဂါလက်မခံတဲ့ အရိပ်အယောင်မျိုး မတွေ့ရဘူးလို့ ဆိုပါတယ်။
▪️ အသည်းအင်္ဂါဟာ အညစ်အကြေး စွန့်ထုတ်ခြင်း၊ အာဟာရများ ဆေးဝါးများကို ခွဲခြမ်းခြင်း၊ ရောဂါတိုက်ထုတ်ခြင်း၊ သံဓာတ်သိုလှောင်ခြင်း၊ သွေးခဲထိန်းညှိခြင်းတို့အပါအဝင် လုပ်ငန်းအမျိုးမျိုး လုပ်ဆောင်ရတာကြောင့် ရှုပ်ထွေးလှပါတယ်။
#Source: AP News
