#World_Technology
Published 11 March 2025

▪️ ဖလော်ရီဒါ အော်လန်ဒိုမြို့မှာ ၂၀၂၈ လောက်ရောက်ရင် Blade Runner နဲ့ The Fifth Element ဇာတ်ကားတွေထဲကလိုမျိုး ကားပျံတွေ ပျံသန်းတာမြင်လာရနိုင်ပါတယ်။

▪️ vertiportလို့ခေါ်တဲ့ ကားပျံတွေအတွက် လွှတ်တင်ဆင်းသက်လို့ရမယ့် နေရာတွေ ဖန်တီးထုတ်လုပ်ပေးနိုင်မယ့် မိတ်ဖက်တွေ ရှာဖွေနေတယ်လို့ အော်လန်ဒို နိုင်ငံတကာလေဆိပ်က ဖော်ပြလိုက်ပါတယ်။

▪️ ဒီစီမံကိန်းအတွက် နောက်လမှာ ဂရိတ်တာအော်လန်ဒို လေကြောင်းအာဏာပိုင်များက ကမ်းလှမ်းရှာဖွေသွားမယ်လို့ ဖော်ပြပါတယ်။

▪️ ဒီလေဆိပ်ကို အနာဂတ်မှာ ကားပျံအချက်အခြာနေရာအဖြစ် ရှုမြင်ထားတယ်လို့ လေကြောင်းအာဏာပိုင်အဖွဲ့ဝင် အော်လန်ဒိုမြို့တော်ဝန် ဘက်ဒီဒိုင်ယာက ပြောပါတယ်။

▪️ အော်လန်ဒိုက ကားပျံများရဲ့ နည်းပညာ Advanced Air Mobilityမှာ ရှေ့ဆုံးကရှိနေပြီး ဒီလေဆိပ်က ဗဟိုချက်ဖြစ်သင့်တယ်လို့ ဆိုပါတယ်။

▪️ ဒေါင်လိုက်မြင့်တက်ဆင်းသက်ယာဉ်တွေအတွက် နေရာက သာမန်လေဆိပ်တွေမှာ ထားဖို့မရကြောင်း၊ အဆိုပါယာဉ်ပျံက ခရီးသည် ၆ ဦးသယ်ဆောင်နိုင်ပြီး ဒေါင်လိုက်ထွက်ခွာဆင်းသက်နိုင်ပါတယ်။

▪️ အော်လန်ဒိုက ဖက်ဒရယ်လေကြောင်းကွပ်ကဲရေးနဲ့အတူ လုပ်ဆောင်သွားမယ်လို့ ဒိုင်ယာက ပြောသွားပါတယ်။

▪️ ပထမဆုံးဒေါင်လိုက်ဆင်းသက်လေဆိပ်ကို East Airfieldရှိ မြေနေရာမှာ ဆောက်လုပ်သွားမှာ ဖြစ်ပါတယ်။

▪️ ဂျာမနီကားပျံထုတ်လုပ်သူ Lilium ၊ Lake Nona ထုတ်လုပ်သူ Tavistockတို့က ၂၀၂၅မှာ ကားပျံတွေထုတ်လုပ်ဖို့ ၂၀၂၀မှာ လက်မှတ်ရေးထိုးခဲ့ကြပါတယ်။

▪️ နောက်တစ်နှစ်ကြာတော့ အော်လန်ဒိုက NASAနဲ့ ပူးပေါင်းကာ Advanced Air Mobilityကို မြို့ထဲသို့ ဘယ်လိုထည့်သွင်းအသုံးပြုမလဲဆိုတာကို ဆန်းစစ်ခဲ့ကြပါတယ်။

#Source: New York Post