#World_Health
Published 11 February 2025
▪️ ဖလိုရိုက်ဓာတ် မြင့်မားခြင်းက ကလေးတွေမှာ ဉာဏ်ရည်ပြကိန်း(IQ) နိမ့်ပါးခြင်းနဲ့ ဆက်စပ်နေပါတယ်။
▪️ ဖလိုရိုက်ဆိုတာက သတ္တုဓာတ်တစ်မျိုးဖြစ်ပြီး ရေ၊ မြေကြီး၊ အပင်တို့မှာ သဘာဝအတိုင်း တွေ့ရတတ်ပါတယ်။
▪️ သွားပျက်စီးခြင်းမှ ကာကွယ်ဖို့ ထုတ်ကုန်ပစ္စည်းတွေမှာ ထည့်သွင်းသလို ဆေးတွေမှာလည်း တွေ့ရနိုင်ပါတယ်။
▪️ သတ်မှတ်ထားတဲ့ ပမာဏအတွင်းမှာ ဖလိုရိုက်ဒ်ဝင်ရောက်ခြင်းက ဘေးကင်းပေမယ့် ပမာဏများသွားရင်တော့ အန္တရာယ်ရှိနိုင်ပါတယ်။
▪️ အမေရိကန်အစိုးရရဲ့ NTPပရိုဂရမ်က အာရုံကြောဖွံ့ဖြိုးမှုအန္တရာယ် ရှိနိုင်ခြေနဲ့ ဖလိုရိုက်ဒ် အများအပြား ထိတွေ့ခြင်းတို့ ဆက်စပ်နေနိုင်ပုံကို ဆန်းစစ်ခဲ့ကြပါတယ်။
▪️ အချက်အလက်များအရ ဖလိုရိုက်ဒ်ထိတွေ့မှု များပြားခြင်းနဲ့ ကလေးတွေမှာ IQနိမ့်ခြင်းတို့ကြား ဆက်စပ်မှုတွေ့ထားကြကာ ဖလိုရိုက်ဒ်ရဲ့ ခံတွင်းအကျိုးကျေးဇူးများနဲ့ ကျန်းမာရေးဆိုးကျိုးများကြား မေးခွန်းထုတ်စရာ ဖြစ်လာပါတယ်။
▪️ ကလေးတွေမှာ IQနိမ့်ပါးခြင်းက ယင်းအသက်အရွယ်တွေကြား ဦးနှောက်သိရှိနိုင်စွမ်းက သာမန်အောက်ရောက်နေတဲ့ အတိုင်းအတာ ဖြစ်ပါတယ်။
▪️ ကလေးတွေမှာ IQ နိမ့်ပါးပါက အခြေခံစွမ်းရည်များ သင်ယူမှုမှာ နှောင့်နှေးခြင်း၊ ပြောဆိုဆက်ဆံရေး ခက်ခဲခြင်း၊ ရှုပ်ထွေးတဲ့ဖြစ်စဉ်တွေကို နားမလည်ခြင်း၊ နေ့စဉ်ဆုံးဖြတ်ချက်တွေမှာ အထောက်အကူလိုအပ်ခြင်းတို့ ဖြစ်လာနိုင်ပါတယ်။
▪️ သွားများအပေါက်ဖြစ်ခြင်းကို လျှော့ချဖို့အတွက် ၁၉၄၅ လောက်မှာ ဖလိုရိုက်ဒ်ကို စတင်အသုံးပြုခဲ့ကြပါတယ်။
▪️ ဆီးထဲမှာ ဖလိုရိုက်ဒ်ပါဝင်မှုက ၁ လီတာလျှင် ၁ မီလီဂရမ်နှုန်းမြင့်တက်လာတိုင်း ကလေးတွေရဲ့ IQက ၁.၆၃ မှတ် ကျဆင်းလာတယ်လို့ ဆန်းစစ်တွေ့ရှိထားပါတယ်။
▪️ ၁ လီတာလျှင် ၁.၅ မီလီဂရမ်ထက် ပိုလျှံတဲ့အခါမှာ IQသိသိသာသာ ကျဆင်းသွားတာ တွေ့ရပါတယ်။
▪️ ပိုလျှံလာတဲ့ ဖလိုရိုက်ဒ်တွေက သွားတွေ၊ အရိုးတွေ၊ တစ်ရှူးတွေမှာ စုပြုံလာပြီး ဇီဝကမ္မဖြစ်စဉ်တွေကို ပြောင်းလဲစေကာ ကလေးတွေမှာ သင်ယူနိုင်စွမ်းနဲ့ မှတ်ဉာဏ်ပိုင်းတို့ကို ထိခိုက်လာစေတယ်လို့ အိန္ဒိယမှ ဒေါက်တာ ကာဒမ်နက်ပယ်လ်က ဆိုပါတယ်။
▪️ မိဘတွေအနေနဲ့ ကလေးတွေ သွားတိုက်တဲ့အခါမှာ ဖလိုရိုက်ဒ်ကို ထိန်းသိမ်းအသုံးပြုစေဖို့ အကြံပြုထားပါတယ်။
#Source: India Today
