Published 18 October 2023
စပျစ်သီးစားသုံးခြင်းဟာ မျက်လုံးကျန်းမာရေးအတွက် ကောင်းမွန်စေနိုင်ပြီး မုန်လာဥနီမကြိုက်သူများအတွက်တော့ သတင်းကောင်း ဖြစ်ပါတယ်။
ဓာတ်တိုးဆန့်ကျင်ပစ္စည်းများ ကြွယ်ဝစွာပါဝင်တဲ့ အစားအစာတွေ စားသုံးခြင်းဟာ မျက်လုံးကျန်းမာရေးအပေါ် တိုက်ရိုက်သက်ရောက်နေသလား ဆိုတာကို သုတေသီများ လေ့လာချင်ခဲ့ကြပါတယ်။
မျက်လုံးနဲ့ ပတ်သက်တဲ့ ရောဂါအမျိုးမျိုးကို ဖြစ်စေတဲ့ AGE ဒြပ်ပေါင်းများ၊ ဓာတ်တိုးခြင်းဖြစ်စဥ်များဖြင့် တိုင်းတာခဲ့ကြပါတယ်။
စပျစ်သီးစားသုံးခြင်းက လူတွေရဲ့ မျက်လုံးကျန်းမာရေးကို အကျိုးပြုစေတယ်ဆိုတာကို ပထမဆုံးတွေ့ရှိခဲ့တာ ဖြစ်ကြောင်း သုတေသနပြုစုသူ ဒေါက်တာ ဂျောင်အွန်ကင်မ်က ဖော်ပြခဲ့ပါတယ်။
လူကြီး ၃၄ ယောက်ကို ၁၆ ရက်ဆက်တိုက် တစ်နေ့ကို စပျစ်သီး တစ်ဖန်ခွက်ခွဲ သောက်သုံးခိုင်းတဲ့အဖွဲ့နဲ့ အာနိသင်မပါတဲ့မုန့် စားခိုင်းတဲ့အဖွဲ့ဆိုပြီး စမ်းသပ်ခဲ့ပါတယ်။
ထိုအခါမှာ စပျစ်သီးစားသုံးတဲ့သူတွေမှာ ဓာတ်တိုးဆန့်ကျင်ခြင်းဖြစ်စဥ် တိုးတက်ကောင်းမွန်လာတဲ့အပြင် မျက်ကြည်လွှာရှိ ရောင်ခြယ်ပစ္စည်းကိုလည်း အကျိုးဖြစ်စေကြောင်း စင်္ကာပူအမျိုးသားတက္ကသိုလ်မှ သုတေသီအဖွဲ့က တွေ့ရှိခဲ့ပါတယ်။
အာနိသင်မရှိတဲ့ စားစရာစားတဲ့သူတွေကတော့ AGE သိသိသာသာ များပြားလာခဲ့ပါတယ်။
နေ့စဥ် စပျစ်သီး လက် ၂-၃ ဆုပ်စာ စားသုံးခြင်းဖြင့် မျက်လုံးကျန်းမာရေးကို ထိန်းသိမ်းပေးနိုင်ကြောင်း၊ စပျစ်သီးဟာ ဝယ်ယူရလွယ်ကူပြီး ကျန်းမာရေးအကျိုးကျေးဇူး ရှိစေကြောင်း ဖော်ပြသွားပါတယ်။
Source: New York Post
#World_Health
#YMG #Yangon_Times #Yangon_Media_Group
