#World_Health
Published 11 May 2023
အရွယ်ရောက်ပြီးသူ ၆၃၉ ဦးကို ဆယ်စုနှစ်တစ်ခုကျော်ကြာ ခြေရာခံလေ့လာခဲ့ရာ အကြားအာရုံတော်သင့်ရုံချို့ယွင်းပင်လျှင် မှတ်ဉာဏ်ချို့ယွင်းမှုဖြစ်နိုင်ချေ ၂ ဆပိုများကြောင်းတွေ့ရှိခဲ့ကြပါတယ်။
သာမန်မျှဆုံးရှုံးခြင်းဖြင့် ဖြစ်နိုင်ချေ ၃ ဆပိုများပြီး အကြားအာရုံဆိုးဆိုးရွားရွားချို့ယွင်းရင်တော့ မှတ်ဉာဏ်ချို့ယွင်းနိုင်ချေ ၅ ဆပိုများပါတယ်။
မှတ်ဉာဏ်ချို့ယွင်းမှုဖြစ်နိုင်စေတဲ့ အကြောင်းအရင်းများကတော့ ပညာရေးနိမ့်ပါးခြင်း၊ သွေးတိုးမထိန်းနိုင်ခြင်း၊ အဝလွန်ခြင်း၊ အကြားအာရုံဆုံးရှုံးခြင်း၊ စိတ်ဓာတ်ကျခြင်း၊ ဆီးချိုရောဂါ၊ ကိုယ်လက်လှုပ်ရှားမှုမရှိခြင်း၊ ဆေးလိပ်သောက်ခြင်း၊ အထီးကျန်ခြင်းတို့ ပါဝင်ပါတယ်။
အကြားအာရုံဆုံးရှုံးမှုကြောင့် အခြားသူများနဲ့ဆက်သွယ်ရာမှာ ပိုမိုခက်ခဲစေပြီး လူမှုရေးအထီးကျန်ခြင်းဖြစ်စေနိုင်ပါတယ်။
အကြားအာရုံထိခိုက်တဲ့အခါ စကားသံတို့က ဦးနှောက်သို့ရောက်ရှိချိန်မှာ ဗလုံးဗထွေးဖြစ်နေပြီး အပြောအဆိုနဲ့အသံကို ပုံဖော်ဖို့ ဦးနှောက်က ပိုမိုအားစိုက်ရပါတယ်။
ဦးနှောက်အစိတ်အပိုင်းအချို့ဟာ အကြားအာရုံချို့ယွင်းပြီးနောက် လှုံ့ဆော်မှုအားနည်းကာ ဦးနှောက်ကျုံ့ခြင်း၊ ဦးနှောက်တည်ဆောက်ပုံလုပ်ဆောင်ချက် ပြောင်းလဲခြင်းတို့ဖြစ်ပေါ်လာပါတယ်။
အကြားအာရုံချို့ယွင်းခြင်းဟာ နားအတွင်းရှိ ဆံပင်ဆဲလ်များဆုံးရှုံးခြင်း၊ အခေါင်းပေါက်များကြောင့် ဖြစ်တတ်ပါတယ်။
အကြားအာရုံမှာ အပြောင်းအလဲဖြစ်နေတာတွေက အချိန်နဲ့အမျှဖြစ်နေပြီး အကြားအာရုံစမ်းသပ်ခြင်းမလုပ်မချင်း သတိမထားမိကြပါဘူး။
သာမန်အကြားအာရုံကောင်းမွန်သူတွေဟာ လူတွေအသက်ရှူသံ၊ ခြင်တဝီဝီအော်သံ၊ သစ်ရွက်လှုပ်သံတို့ကို ကြားနိုင်ပါတယ်။
အကြားအာရုံဆုံးရှုံးမှု ၁၀ ဒက်စီဘယ်တိုးလာတိုင်း မှတ်ဉာဏ်ဆုံးရှုံးနိုင်ချေ ၁၆ ရာခိုင်နှုန်းများလာတာကို သတိပြုရပါမယ်။
ချမ်းသာတဲ့နိုင်ငံများမှ လူ ၂၀ ရာခိုင်နှုန်းခန့်နဲ့ အခြားနိုင်ငံများမှ ၁၀ ရာခိုင်နှုန်းခန့်သာ နားကြားကိရိယာအသုံးပြုခြင်းမှ အမှန်တကယ်အကျိုးရှိကြတာကို တွေ့ရှိထားပါတယ်။
အဓိကအကြောင်းအရင်းကတော့ ပစ္စည်းရရှိနိုင်စွမ်းနဲ့ ဈေးတတ်နိုင်စွမ်းတို့အပြင် နားကြားကိရိယာအသုံးပြုရလောက်တဲ့အထိ အိုနေပြီလို့ မိမိကိုယ်ကိုမထင်ကြတာကြောင့် ဖြစ်ပါတယ်။
ဒါ့အပြင် နားကြားကိရိယာတပ်ဆင်ခိုင်းထားတဲ့ သက်လတ်ပိုင်းလူအများစုဟာလည်း မတပ်ဆင်ကြပါဘူး။
Source: SCMP #World_Health #အကြားအာရုံချို့ယွင်း #ဒီမန်ရှာရောဂါ
#YMG #Yangon_Media_Group
