#World_Health
Published 25 August 2022
တီဗီကြည့်ခြင်းက ဦးနှောက်ထိခိုက်ရောဂါဖြစ်နိုင်ချေများပြားပေမယ့် ကွန်ပျူတာအသုံးပြုခြင်းကတော့ ထိုဝေဒနာမျိုးဖြစ်နိုင်ချေကို ကာကွယ်ပေးနိုင်ကြောင်း လေ့လာတွေ့ရှိထားပါတယ်။
သုတေသီများက ယူကေမှ အသက် ၆၀ နဲ့အထက် လူပေါင်း ၁ သိန်းခွဲကို ၁၂ နှစ်တိုင်အောင် စောင့်ကြည့်လေ့လာခဲ့ကြပါတယ်။
အဲဒီမှာတော့ ဦးနှောက်ထိခိုက်ရောဂါဖြစ်လာတဲ့သူတွေက တစ်နေ့ကို တီဗီ ၃ နာရီ ၂၄ မိနစ်ခန့်ကြည့်ရှုတတ်ကြပါတယ်။
ဝေဒနာမဖြစ်သူတွေကတော့ တစ်နေ့ကို ၃ နာရီတီဗီကြည့်ပေမယ့် ကွန်ပျူတာကိုလည်း ၃ နာရီကျော် သုံးစွဲကြပါတယ်။
တီဗီ ၂ နာရီကြည့်တာထက်စာရင် ၄ နာရီလောက်ကြည့်ရှုခြင်းဖြင့် ဦးနှောက်ထိခိုက်ဝေဒနာဖြစ်နိုင်ချေ ၂၀ ရာခိုင်နှုန်းပိုများကြောင်း ကယ်လီဖိုးနီးယားတောင်ပိုင်းတက္ကသိုလ်မှ ပရော်ဖက်ဆာ'ဒေးဗစ်ရေ့ချ်လန်'က ရှင်းပြထားပါတယ်။
တီဗီနဲ့ ကွန်ပျူတာကြည့်ခြင်းလို အထိုင်များတဲ့အလေ့အထက လူကြီးတွေ စိတ်အပန်းဖြေတဲ့အခါ ပြုလုပ်လေ့ရှိပြီး နာတာရှည်ရောဂါများနဲ့ အသက်အန္တရာယ်ဖြစ်နိုင်ချေများနဲ့ ဆက်စပ်နေပါတယ်။
အထိုင်များခြင်းက ဦးနှောက်ထိခိုက်ရောဂါနဲ့ ဘယ်လိုပတ်သက်နေလဲဆိုတာကို သုတေသီများလေ့လာနေကြပါတယ်။
ဦးနှောက်ထိခိုက်ရောဂါဖြစ်နိုင်ချေက တီဗီရှေ့ အထိုင်များခြင်း/မများခြင်းဆိုတာထက် ကြည့်ရှုတဲ့အကြောင်းအရာပေါ် ပိုပြီးမူတည်နေပါတယ်။
တီဗီကြည့်တဲ့အခါ ဦးနှောက်သိပ်ပြီးအသုံးမပြုရတဲ့ အကြောင်းအရာတွေကြည့်ရှုခြင်းကို လျှော့ချပြီး ဦးနှောက်အသုံးပြုရတဲ့အကြောင်းအရာတွေကို တီဗီပိုကြည့်ခြင်းက ဦးနှောက်စွမ်းဆောင်ရည်လျော့နည်းလာတဲ့ ရောဂါများမဖြစ်နိုင်အောင် ကူညီကာကွယ်ပေးနိုင်တယ်လို့ မှတ်ချက်ပြုခဲ့ပါတယ်။
Source: Daily Mail
#Yangon_Media_Group
