#World_News
Published 24 July 2025

▪️ ယူကရိန်းသမ္မတ ဗိုလိုဒီမာဇယ်လန်စကီက အကျင့်ပျက်ခြစားမှု တိုက်ဖျက်ရေးအေဂျင်စီ ၂ ခုရဲ့ လွတ်လပ်စွာလုပ်ပိုင်ခွင့်ကို ကန့်သတ်ထိန်းချုပ်လိုက်တဲ့ ဥပဒေတစ်ရပ်ကို လက်မှတ်ရေးထိုးပြီးနောက်မှာတော့ အစိုးရအဖွဲ့ကို အများပြည်သူ ဆန္ဒပြတုံ့ပြန်လာကြပါတယ်။

▪️ အဆိုပါ ဥပဒေအရ အမျိုးသားအကျင့်ပျက်ခြစားမှု တိုက်ဖျက်ရေးဗျူရို(Nabu)နဲ့ အကျင့်ပျက်ခြစားမှု တိုက်ဖျက်ရေးအထူးရှေ့နေရုံး(Sap)တို့ကို သမ္မတမှ ခန့်အပ်ထားတဲ့ အစိုးရရှေ့နေချုပ်ထံ ထိန်းချုပ်ခွင့်ပေးသွားမှာ ဖြစ်ပါတယ်။

▪️ ဗုဒ္ဓဟူးနေ့ညက မြို့တော်ကိဗ်မှာ လူထောင်ပေါင်းများစွာက ၂ ညမြောက် ဆန္ဒထုတ်ဖော်ခဲ့ကြကာ အစိုးရကို ဝေဖန်ထားတဲ့ ဆောင်ပုဒ်တွေ ကိုင်ဆောင်လာကြပါတယ်။

▪️ ဒီအတွက် ဇယ်လန်စကီက လူအများမကျေနပ်ချက်ကို သဘောပေါက်နားလည်ပြီး ပါလီမန်ကို ဥပဒေကြမ်းနောက်တစ်ခု တင်သွင်းသွားမယ်လို့ ပြောပါတယ်။

▪️ ယူကရိန်းရဲ့မဟာမိတ်တွေဖြစ်တဲ့ အနောက်နိုင်ငံတွေကလည်း ဒီဥပဒေအပေါ် မကျေနပ်ကြောင်း ပြောလာကြပါတယ်။

▪️ ဥရောပကော်မရှင်အကြီးအကဲ အူဆူလာဗန်ဒါလိုင်ယန်က ယူကရိန်းအစိုးရဆီကနေ ရှင်းပြချက်တောင်းခံထားပါတယ်။

▪️ Nabu နဲ့ Sap တို့က ရာဇဝတ်မှုများကို နှစ်များစွာတိုင်အောင် ပြုလုပ်ခွင့်ပေးနေပြီး ရုရှားလွှမ်းမိုးမှုကနေ ရှင်းလင်းရမယ်လို့ ဇယ်လန်စကီက ခုခံပြောဆိုထားပါတယ်။

▪️ ၂၀၂၂ ယူကရိန်းနှင့်ရုရှားစစ်ဖြစ်ပြီး နောက်ပိုင်း အကြီးမားဆုံး အစိုးရဆန့်ကျင်ရေးဆန္ဒပြပွဲတွေ ဖြစ်ပေါ်လာတာပါ။

▪️ ယူကရိန်းနဲ့ ဥရောပသမဂ္ဂတို့ကြား ဗီဇာကန့်သတ်ခြင်းများ ပြေလျော့ရေးအတွက် ရည်ရွယ်ကာ Nabu နဲ့ Sap တို့ကို ဖွဲ့စည်းထားတာ ဖြစ်ပါတယ်။

▪️ နိုင်ငံတကာ အကျင့်ပျက်ခြစားမှု ထုတ်ဖော်ပြညွှန်းကိန်းအရ ယူကရိန်းဟာ အဆင့် ၁၀၅ ရှိနေပေမယ့် ၂၀၁၄ Nabu နဲ့ Sap တို့ ဖွဲ့စည်းပြီးနောက် ၃၉ မှတ် တိုးတက်လာခဲ့ပါတယ်။

#Source: BBC

#World_Health
Published 24 July, 2025

▪️ ကိုယ်အလေးချိန်ချတဲ့နေရာမှာ ရေရှည်အထိ ထိန်းသိမ်းထားနိုင်ဖို့ လိုအပ်သလို ဘေးကင်းထိရောက်ဖို့လည်း လိုအပ်ပါတယ်။

▪️ ဒါကြောင့် ရေရှည်မှာပါ ကိုယ်အလေးချိန်ထိန်းထားနိုင်မယ့် နည်းလမ်းတွေကို မျှဝေလိုက်ပါတယ်။

(၁) မျှတစွာစားခြင်းနှင့် စားသုံးသည့်ပမာဏ
▪️ အသီးအနှံ၊ ဟင်းရွက်၊ အစေ့အဆန်၊ ပရိုတိန်း၊ ကျန်းမာရေးနှင့် ညီညွတ်သောအဆီတို့ ပါဝင်အောင် စားသုံးသင့်ပြီး ဒါမှသာ အာဟာရဓာတ်များ ရရှိကာ ဗိုက်ပြည့်နေစေမှာ ဖြစ်ပါတယ်။

▪️ တစ်ခါစားတဲ့အခါ ပန်းကန်အသေးဖြင့် ပမာဏနည်းနည်း စားပေးရပါမယ်။
ဒါမှ အလွန်အကျွံစားမိခြင်းမှ ကာကွယ်နိုင်ပြီး အစာကြေစေမှာ ဖြစ်ပါတယ်။

(၂) ကိုယ်လက်လှုပ်ရှားပုံမှန်လုပ်ခြင်း
▪️ လမ်းလျှောက်ခြင်း၊ ခပ်မြန်မြန်လျှောက်ခြင်း၊ ရေကူးခြင်း၊ စက်ဘီးစီးခြင်းတို့ကို ပုံမှန်ပြုလုပ်ပေးသင့်ပါတယ်။

▪️ ကြွက်သားထုထည်များ တည်ဆောက်ပေးသလို ကယ်လိုရီတွေလည်း ပိုမိုလောင်ကျွမ်းစေပါတယ်။

(၃) ရေဓာတ်ဖြည့်ခြင်းနှင့် အိပ်စက်ခြင်း
▪️ ရေများများသောက်ပေးပါက ဆာလောင်မှုကို ထိန်းချုပ်နိုင်ပြီး ဇီဝကမ္မဖြစ်စဉ်ကို ထောက်ကူပေးပါတယ်။

▪️ တစ်နေ့ကို ၇-၉ နာရီ ကောင်းစွာအိပ်စက်ပေးပါက ဟော်မုန်းတွေကို ထိန်းညှိပေးတဲ့အတွက် ဆာလောင်စိတ်ကို ထိန်းချုပ်နိုင်ပါတယ်။

(၄) အလေ့အကျင့်ပြောင်းလဲခြင်း
▪️ တစ်ပတ်ကို ၁-၂ ပေါင်ခန့် ဝိတ်ကျဖို့ စတင်ရည်မှန်းပြီး ရေရှည်မှာပါ အောင်မြင်စွာ ဝိတ်ချနိုင်ဖို့ စိတ်ခွန်အား လှုံ့ဆော်ရပါမယ်။

▪️ ကျန်းမာရေးပညာရှင်များနဲ့ တိုင်ပင်နိုင်သလို ကိုယ်အလေးချိန်ချဖို့ အပေါင်းအဖော်များနဲ့ ပူးပေါင်းနိုင်ပါတယ်။

▪️ အခြားနည်းလမ်းအနေနဲ့ အစာမစားဘဲ အချိန်အတိုင်းအတာတစ်ခုအထိ နေခြင်းမျိုးကလည်း ကိုယ်အလေးချိန်ချရာမှာ ထိရောက်မှုရှိပါတယ်။

▪️ ကိုယ်အလေးချိန်ချရာမှာ အလွယ်ကူဆုံးနဲ့ ကျန်းမာရေးအတွက် အကောင်းဆုံးနည်းလမ်းက မျှတတဲ့အစားအစာ၊ ကိုယ်လက်ပုံမှန်လှုပ်ရှားခြင်း၊ ရေဓာတ်ဖြည့်ခြင်း၊ လုံလောက်စွာအိပ်စက်ခြင်း၊ အလေ့အကျင့်ပြောင်းလဲခြင်းတို့ကို ပေါင်းစပ်ပြုလုပ်သင့်ပါတယ်။

#Source: DoctorNDTV

#World_Health
Published 24 July, 2025

▪️ အချို့သော အစားအစာတွေက အိပ်စက်ခြင်းအခြေအနေနဲ့ အိပ်မက်ပုံစံတို့အပေါ် သက်ရောက်မှု အမှန်တကယ်ရှိပြီး အထူးသဖြင့် အစာခြေပြဿနာရှိသူတွေမှာ ဖြစ်တတ်ပါတယ်။

▪️ နို့ထွက်ပစ္စည်းတွေ၊ အချိုဓာတ်ပါဝင်တဲ့ ပစ္စည်းတွေက အိပ်မက်ဆိုးတွေ အိပ်မက်ဆန်းတွေ ဖြစ်စေတဲ့နေရာမှာ ထိပ်ဆုံးကရှိနေပြီး ဟင်းရွက်၊ အသီးအနှံ၊ ဆေးဖက်ဝင်လက်ဖက်တို့ကတော့ ကောင်းစွာအိပ်စက်နိုင်စေပါတယ်။

▪️ စားတဲ့အချိန်ကလည်း ပတ်သက်နေသလို ညနောက်ကျမှ စားသောက်ခြင်း၊ ညဘက်တစ်ရေးနိုးထစားခြင်းတို့က အိပ်စက်မှုအခြေအနေကို ထိခိုက်စေတယ်လို့ တွေ့ရှိထားပါတယ်။

▪️ အစာခြေစနစ်နဲ့ ကိုယ်ခံအားစနစ် ဓာတ်ပြုခြင်းတို့က အိပ်စက်ခြင်းနဲ့ အိပ်မက်အကြောင်းအရာတို့ကို သက်ရောက်စေတာကြောင့် လက်တို့စ်မတည့်သူတွေမှာ အိပ်မက်ဆိုးပိုမက်နိုင်ပါတယ်။

▪️ အစာဆက်စပ် ဓာတ်ပြုခြင်းတွေနဲ့ အိပ်မက်အကြောင်းအရာတွေ ပတ်သက်နေရာမှာ အူလမ်းကြောင်း-ဦးနှောက်ဝင်ရိုးက ပါဝင်နေတယ်လို့ ယူဆထားပြီး စိုးရိမ်ပူပန်တတ်ခြင်းနဲ့ စိတ်ဓာတ်ကျခြင်းတို့က ဒီသက်ရောက်မှုကို ပိုဆိုးစေပါတယ်။

▪️ အချို့သော အစားအစာတွေကြောင့် အိပ်စက်မှုအခြေအနေ ထိခိုက်စေကာ REM အိပ်စက်မှုအဆင့်မှာ နိုးလာတတ်ကြပါတယ်။

▪️ အစားအစာနဲ့ အိပ်မက်ဆက်စပ်မှုကို ပိုမိုနားလည်ဖို့အတွက် သုတေသီတွေက အခြားလူမျိုးတွေမှာပါ စမ်းသပ်မှုများ ချဲ့ထွင်ပြုလုပ်သွားဖို့ စီစဉ်နေပါတယ်။

#Source: The Jerusalem Post

တရုတ်ပြည်မှ UBTech Robotics က အလိုအလျောက် ဘက်ထရီလဲထည့်နိုင်တဲ့ ကမ္ဘာ့ပထမဆုံး လူသားပုံသဏ္ဍာန်စက်ရုပ် Walker S2 ကို မိတ်ဆက်ပြသလိုက်ပါတယ်။
#Asia_Technology
Published 23 July 2025
#Walker_S2 #ကမ္ဘာ့ပထမဆုံးလူသားပုံသဏ္ဍာန်စက်ရုပ်
#YMG #Yangon_Times #Yangon_Media_Group

#Daily_News

Published 23 July 2025

၁။ ‌‌‌‎စိမ်းလဲ့မြေဆန်စက်ဆိုလာစီမံကိန်း ညောင်တုန်း၌စတင်

‎၂။ ‌‎ရွှေဘို၊ ဧရာဝတီပေါ်ဆန်းနှင့် ရက် (၉၀) ဆန်များကို သက်သာသောဈေးနှုန်းများဖြင့် လိုက်လံရောင်းချပေးမည်

၃။ ‌‎“ဝီဖာ”မုန်တိုင်းအရှိန်ကြောင့် ဒေသအများစု၌ ‎မိုးကြီးပြီးလေပြင်းတိုက်နိုင်

၄။ ‎‎‎အလိုအလျောက်ဘက်ထရီလဲထည့်နိုင်သည့် ကမ္ဘာ့ပထမဆုံးလူသားပုံသဏ္ဍာန်စက်ရုပ် Walker S2 ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 23 July, 2025

▪️ အမေရိကန်သမ္မတ ဒေါ်နယ်ထရမ့်က အစက ဂျပန်မှတင်သွင်းလာမယ့် ကုန်ပစ္စည်းများအပေါ် ချမှတ်မယ့်အခွန်ပမာဏကို လျှော့ချပေးသွားမယ့် ညှိနှိုင်းမှုတစ်ခုနဲ့ ပတ်သက်ပြီး အမေရိကန်နဲ့ ဂျပန်တို့ သဘောတူညီချက်ရရှိသွားကာ ဂျပန်အနေနဲ့ အမေရိကန်မှာ ဒေါ်လာ ၅၅၀ ဘီလီယံ ရင်းနှီးမြှုပ်နှံသွားရမှာဖြစ်ပြီး အမေရိကန်ကုန်ပစ္စည်းများအတွက် ဈေးကွက်လမ်းဖွင့်သွားမှာ ဖြစ်ပါတယ်။

▪️ ဩဂုတ် ၁ ရက်နေ့ဆိုရင် မြင့်မားတဲ့အခွန်နှုန်းထားတွေ စတင်တော့မှာဖြစ်ကာ ဂျပန်မှတင်ပို့ကုန်များအတွက် မူလက အခွန် ၂၅ ရာခိုင်နှုန်း သတ်မှတ်ခဲ့ရာကနေ ၁၅ ရာခိုင်နှုန်းအထိ ချပေးလိုက်ခြင်းအပါအဝင် ယခုသဘောတူညီချက်က အိမ်ဖြူတော်အတွက်တော့ အရေးပါတဲ့ ကုန်သွယ်ရေးသဘောတူညီချက်တွေ ရယူနိုင်လိုက်တာ ဖြစ်ပါတယ်။

▪️ ဂျပန်နိုင်ငံနဲ့ ဆက်ဆံရေးကောင်း ဆက်ရှိသွားမှာဖြစ်တဲ့အတွက် အလွန်စိတ်လှုပ်ရှားမိပါတယ်လို့ ထရမ့်က Truth Social မှာ ဖော်ပြထားပါတယ်။

▪️ အမေရိကန်သို့ အဓိကတင်ပို့တဲ့ ဂျပန်မော်တော်ယာဉ်အပိုင်းမှာလည်း အခွန်ကို ၁၅ ရာခိုင်နှုန်းသို့ လျှော့ချပေးထားကြောင်း သဘောတူညီချက်မှာ ပါဝင်ပါတယ်။

▪️ နှစ်နိုင်ငံအပြန်အလှန် ကုန်သွယ်ရေးကနေ ၂၀၂၄ အတွင်း ဒေါ်လာ ၂၃၀ ဘီလီယံနီးပါး ရှိခဲ့ပြီး အမေရိကန်အတွက်တော့ ကုန်သွယ်ရေးမိတ်ဖက်တွေထဲမှာ ဂျပန်က ပဉ္စမမြောက်အကြီးမားဆုံး မိတ်ဖက်ဖြစ်ပါတယ်။

▪️ ယခုသဘောတူညီချက် ကြေညာခဲ့ပြီးနောက် ဂျပန်မှာ ဟွန်ဒါ၊ တိုယိုတာ၊ နစ်ဆန်းတို့လို မော်တော်ယာဉ်ထုတ်လုပ်ရေးများ အပါအဝင် စတော့တန်ဖိုး ၈ ရာခိုင်နှုန်းကျော် မြင့်တက်လာပြီး ဂျပန်ယန်းငွေတန်ဖိုး မြင့်တက်လာပါတယ်။

▪️ ဂျပန်ဝန်ကြီးချုပ် ရှီဂျယ်ရူအီရှီဘာက ဝါရှင်တန်မှာရောက်နေတဲ့ ဂျပန်ကုန်သွယ်ရေးညှိနှိုင်းရေးမှူးဆီကနေ ကနဦးတင်ပြချက် ရရှိထားကြောင်း ဗုဒ္ဓဟူးနေ့က ပြောပါတယ်။

▪️ ဒီသဘောတူညီချက်က ဂျပန်အတွက်လည်း ပိုမိုသာလွန်တဲ့ရလဒ်ဖြစ်တယ်လို့ ဩစတြေးလျ အကျိုးတူကြွယ်ဝရေးဘဏ်မှ စီးပွားရေးပညာရှင်ကြီး ခရစ္စတီနာကလစ်ဖ်တန်က ပြောသွားပါတယ်။

#Source: Reuters