#World_Science
Published 23 July, 2025

▪️ သက်ရှိတိုင်းရှူရှိုက်နေတဲ့လေထဲမှာ အောက်ဆီဂျင် ၂၁ ရာခိုင်နှုန်းပါဝင်ပါတယ်။

▪️ ပြီးခဲ့တဲ့နှစ်သန်းပေါင်း ၅၄၀ အတွင်း ကမ္ဘာ့သံလိုက်စက်ကွင်းပြင်းအားနဲ့ လေထုအောက်ဆီဂျင်ပမာဏတို့ဟာ တချိန်တည်းမှာပဲ အတက်အကျဖြစ်ခဲ့ကြောင်း NASA Goddard အာကာသစင်တာနဲ့ လိဒ်စ်တက္ကသိုလ်တို့မှ ပူးပေါင်းလေ့လာမှုဖြင့် တွေ့ရှိခဲ့ကြပြီး ပတ်သက်မှုကြီးမားနေတဲ့သဘော ဖြစ်နေပါတယ်။

▪️ တွေ့ရှိချက်များအရ သံလိုက်စက်ကွင်းပြင်းအားနဲ့ လေထုအောက်ဆီဂျင်တို့ဟာ လွန်ခဲ့တဲ့နှစ်သန်းပေါင်း ၃၃၀ မှ ၂၂၀ အတွင်း အမြင့်ဆုံးရောက်ရှိခဲ့ပါတယ်။

▪️ သံလိုက်စက်ကွင်းက ကမ္ဘာကြီးအနေနဲ့ သက်ရှိတွေနေထိုင်နိုင်တဲ့ ဂြိုဟ်ဖြစ်လာစေတဲ့နေရာမှာ ပါဝင်နေနိုင်တယ်လို့ သိပ္ပံပညာရှင်တွေ ယူဆထားပါတယ်။

▪️ သက်ရှိတွေဖြစ်ပေါ်လာတဲ့အချိန်ကာလနဲ့ ဘူမိသံလိုက်စက်ကွင်း တည်ရှိခြင်းတို့က ထပ်တူတဲ့အနေအထား ရှိနေကြောင်းကို ယူဆဖော်ထုတ်ထားကြပါတယ်။

▪️ လေထုလွှာ တိုက်စားခံရခြင်း မဖြစ်စေတာက သံလိုက်စက်ကွင်းကြောင့်လို့ ယခင်သရုပ်ဖော်ပုံစံတွေမှာ တွေ့ရပါတယ်။

▪️ ပယ်လီယိုသံလိုက်မှတ်တမ်းများနဲ့ ဘူမိဓာတုအစားထိုးအမျိုးမျိုးတို့ကြား ဆက်စပ်မှုထင်ရှားတဲ့အကြောင်းကို ဖော်ထုတ်ဖို့ ကြိုးပမ်းခဲ့ကြတာ ဖြစ်ပါတယ်။

▪️ ဘူမိသံလိုက်ဓာတ်အားတိုင်နဲ့ လေထုအောက်ဆီဂျင်ပမာဏတို့ကြား ပြီးခဲ့တဲ့နှစ်သန်းပေါင်း ၅၄၀ အတွင်း ဆက်စပ်မှု ၀.၇၂ အများဆုံးဖြစ်ခဲ့ပါတယ်။
ဒီတွေ့ရှိချက်တွေကနေ ကမ္ဘာမြေ ဆင့်ကဲပြောင်းလဲခြင်းသမိုင်းကြောင်း ပိုမိုသိရှိစေပြီး ကမ္ဘာဂြိုဟ်ဟာ သက်ရှိတွေ ရှင်သန်နေထိုင်နိုင်စေတဲ့ အကြောင်းအရင်းကို ပိုမိုနားလည်လာစေပါတယ်။

#Source: Phys

တရုတ်ကျေးလက်ဒေသဘက်တွေမှာ လျှပ်စစ်ကား ဝယ်ယူသုံးစွဲမှု မြင့်တက်လာရန် ပရိုမိုးရှင်းအစီအစဉ်က ကူညီပေးနိုင်မယ်လို့ မျှော်လင့်ထားပြီး အားသွင်းနေရာများ ချဲ့ထွင်လျက်ရှိပါတယ်။
#Asia_Industry
Published 22 July 2025
#ပရိုမိုးရှင်းအစီအစဉ် #လျှပ်စစ်ကားဝယ်ယူသုံးစွဲမှုမြင့်တက်
#YMG #Yangon_Times #Yangon_Media_Group

#Daily_News

Published 22 July 2025

၁။ ‌‌‌‎ရွှေအရည်အသွေးအရပြည့်စုံမှုရှိမရှိ ‎XRF machine  X.ray ဖန်ချောင်းစက်ဖြင့်မကြာမီ စစ်ဆေးပေးမည်

‎၂။ ‌‎‎‎‎‎ပို့ကုန်သွင်းကုန်လုပ်ငန်းရှင်များ မှတ်ပုံတင်ကြေးပေးသွင်းခြင်းရက်ကျော်ပါက ဒဏ်ရိုက်မည်

၃။ ‌‎‎ငလျင်ဘေးသင့်ပြည်သူများအတွက် ကန့်သတ်ချက်မဲ့ငွေသားထောက်ပံ့မှုများပေးအပ်မည်

၄။ ‎‎လျှပ်စစ်ကားအားသွင်းနေရာများချဲ့ထွင်ခြင်းနှင့် ပရိုမိုးရှင်းအစီအစဉ်များဖြင့် တရုတ်ကျေးလက်၌ EV ဝယ်ယူသုံးစွဲမှုမြင့်တက်လာရေး တရုတ်ကြိုးပမ်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 22 July, 2025

▪️ ရုရှားတို့က သမ္မတ ဗလာဒီမာပူတင်နဲ့ အမေရိကန်သမ္မတ ဒေါ်နယ်ထရမ့်တို့ကြား ဆွေးနွေးပြောဆိုမှုများ ပြုလုပ်သွားနိုင်ဖွယ်ရှိတဲ့အကြောင်း လမ်းဖွင့်ပေးထားတယ်လို့ ရုရှားအစိုးရအဖွဲ့မှ ပြောရေးဆိုခွင့်ရှိသူ ဒီမစ်ထရီပက်စ်ကော့ဗ်က တနင်္လာနေ့မှာ ပြောပါတယ်။

▪️ တရုတ်မြို့တော်ပေကျင်းမှာ စက်တင်ဘာ ၃ ရက်နေ့ကျရင် ဒုတိယကမ္ဘာစစ်ပြီးဆုံးတဲ့ နှစ် ၈၀ ပြည့် အထိမ်းအမှတ်အခမ်းအနားအဖြစ် စစ်ရေးပြပွဲပြုလုပ်မှာဖြစ်ကာ ပူတင်က တက်ရောက်ရန် ဖိတ်ကြားချက်ကို လက်ခံထားပါတယ်။

▪️ တရုတ်က ထရမ့်ကိုပါ ဖိတ်ကြားလာနိုင်တယ်လို့ ဂျပန် Kyodo News သတင်းဌာနက သုံးသပ်ထားသလို The Times ကလည်း တရုတ်ဟာ သုံးနိုင်ငံအစည်းအဝေး လက်ခံကျင်းပသွားဖွယ်ရှိတယ်လို့ ဖော်ပြထားပါတယ်။
တရုတ်အရာရှိတွေကတော့ ဒါတွေနဲ့ပတ်သက်ပြီး အတည်ပြုပြောကြားခြင်း မရှိပါဘူး။

▪️ ပက်စ်ကော့ဗ်က သတင်းထောက်တွေကို ပြောကြားရာမှာ "ထရမ့်ရောက်လာရင် ဒီလိုမျိုးအစည်းအဝေး ပြုလုပ်နိုင်ဖွယ်ရှိတယ်ဆိုတာကို ဖယ်ထားလို့မရပါဘူး" လို့ ဆိုပါတယ်။

▪️ ဇွန်လက ထရမ့်နဲ့ ရှီကျင့်ဖျင်တို့ကြား ဖုန်းပြောဆိုခဲ့ရာ တရုတ်သို့လာရောက်ရန် ဖိတ်ကြားခံခဲ့ရပေမယ့် ရက်အတိအကျတော့ မပြောထားပါဘူး။

▪️ ပူတင်နဲ့ ထရမ့်တို့ကတော့ ပြီးခဲ့တဲ့လတွေမှာ ဖုန်းပြောဆိုမှု အကြိမ်ကြိမ်လုပ်ခဲ့ပြီး အဓိကအားဖြင့် ယူကရိန်းပဋိပက္ခအကြောင်း ဖြစ်ပါတယ်။
တရုတ်က ယူကရိန်းအရေးမှာ ကြားနေအဖွဲ့အစည်းအဖြစ် ဆက်ရှိနေမှာဖြစ်ပါတယ်။

▪️ ပူတင်နဲ့ထရမ့်တို့ နောက်ဆုံးအကြိမ် လူချင်းတွေ့ဆုံခဲ့တာဟာ ၂၀၁၈ ခုနှစ်က ဖင်လန်နိုင်ငံ ဟယ်ဆင်ကီမှာကျင်းပတဲ့ ရုရှား-အမေရိကန် ထိပ်သီးအစည်းအဝေးတုန်းက ဖြစ်ပါတယ်။

#Source: ANI News

#World_Health
Published 22 July, 2025

▪️ XFG ၊ တစ်နည်းအားဖြင့် Stratus လို့ခေါ်တဲ့ ကိုဗစ်-၁၉ မျိုးဗီဇကွဲအသစ်ဟာ ကမ္ဘာတဝှမ်း ပျံ့နှံ့နေပါတယ်။

▪️ XFG ကို စောင့်ကြည့်နေတဲ့ မျိုးဗီဇကွဲစာရင်းထဲ ထည့်ထားကာ ကူးစက်နှုန်းမြင့်မားပါတယ်။

▪️ အရှေ့တောင်အာရှ နိုင်ငံအများအပြားမှာ လျင်မြန်စွာပျံ့ပွားနေကာ ဆေးရုံတက်ကုသမှုနှုန်း မြင့်မားနေပါတယ်။

▪️ XFG မျိုးဗီဇကွဲက အိုမီခရွန်မျိုးဗီဇကွဲမှ ကွဲထွက်လာတာဖြစ်ပြီး ကနေဒါမှာ စတင်တွေ့ရှိကာ စပိုက်ခ်ဗီဇပြောင်းလဲမှုအများအပြား ရှိလာပါတယ်။

▪️ ကိုဗစ်မျိုးဗီဇကွဲနှစ်ခု တပြိုင်တည်းကူးစက်ပြီးတော့ မျိုးဗီဇကွဲအသစ်ဖြစ်လာတတ်ပါတယ်။

▪️ ပြင်းထန်တဲ့ ရောဂါလက္ခဏာမျိုး မတွေ့ရသေးဘဲ အသက်ရှူလမ်းကြောင်း လက္ခဏာတွေတော့ တွေ့ရပါတယ်။

▪️ ဒီမျိုးဗီဇကွဲက ကိုယ်ခံအားစနစ်ကို ရှောင်ရှားနိုင်တာကြောင့် ဗိုင်းရပ်စ်အသက်ရှင်နိုင်ပြီး လျင်မြန်စွာကူးစက်နိုင်တယ်လို့ Lancet လေ့လာချက်မှာ ဖော်ပြထားပါတယ်။

▪️ လက်ရှိ အသိအမှတ်ပြု ကိုဗစ်-၁၉ ကာကွယ်ဆေးတွေက ဒီမျိုးဗီဇကွဲကူးစက်မှုကနေ ရောဂါပြင်းထန်ခြင်းမျိုးကို ကာကွယ်ပေးနိုင်မယ်လို့ မျှော်မှန်းရပါတယ်။

▪️ စောင့်ကြည့်စာရင်းဝင် မျိုးဗီဇကွဲဖြစ်တာကြောင့် အလေးထားစူးစမ်းနေသလို အခြားမျိုးဗီဇကွဲတွေနဲ့ယှဉ်ရင် ခြိမ်းခြောက်မှုထပ်တိုးလာနိုင်မလားဆိုတာ လေ့လာသွားဦးမှာ ဖြစ်ပါတယ်။

#Source: NDTV

#World_Health
Published 22 July, 2025

▪️ တကယ့်သွေးအစစ်နေရာမှာ အစားထိုးနိုင်မယ့် သွေးအတုတစ်မျိုးကို ဂျပန်သိပ္ပံပညာရှင်များ ထုတ်လုပ်လိုက်ပါပြီ။

▪️ ဘယ်လို သွေးအမျိုးအစားအတွက်မဆို အသုံးပြုနိုင်မယ့် စွယ်စုံသုံးသွေးအတုဖြစ်ပြီး အေးခဲထားစရာမလိုဘဲ သိမ်းဆည်းနိုင်ပါတယ်။

▪️ အရေးပေါ်အခြေအနေတွေမှာ သင့်လျော်တဲ့ သွေးအမျိုးအစားကို ရှာရခက်တဲ့ပြဿနာတွေ ဖြေရှင်းနိုင်မှာ ဖြစ်ပါတယ်။

▪️ WHO က သွေးထောက်ပံ့မှု ရှားပါးနေတယ်လို့ ကြေညာထားချိန်မှာ ယခုနည်းလမ်းက ခွဲစိတ်မှုတွေ အရေးပေါ်တွေအတွက် အရေးပါလာနိုင်ပါတယ်။

▪️ သက်တမ်းလွန်သွားတဲ့ သွေးတွေကို သွေးနီဥဆဲလ်အတုများအဖြစ် ပြောင်းလဲပြီး အသုံးပြုနိုင်မလားဆိုတာ ဂျပန်နာရာဆေးတက္ကသိုလ်က စတင်စမ်းသပ်ဖို့ စီစဉ်ထားပါတယ်။

▪️ စမ်းသပ်မှုအဆင်ပြေရင် ဂျပန်က ၂၀၃၀ မှာ သွေးအတုတွေကို လက်တွေ့ဆေးပညာတွေမှာ အသုံးပြုလာမယ့် ပထမဆုံးနိုင်ငံ ဖြစ်လာမှာပါ။

▪️ သွေးတုက ဘယ်လူနာမဆို ဘေးကင်းစိတ်ချစွာ ထိုးသွင်းနိုင်မှာ ဖြစ်ပါတယ်။

▪️ သွေးတုက ဗိုင်းရပ်စ်ကင်းသလို လှူဒါန်းထားတဲ့ သွေးတွေထက် သက်တမ်းကြာကြာခံနိုင်ပါတယ်။

▪️ လူသွေးတွေလို အေးခဲထားစရာ မလိုဘဲ သာမန်အပူချိန်မှာပင် သိမ်းဆည်းနိုင်တာကြောင့် ဝေးလံတဲ့နေရာတွေအတွက် အထူးအသုံးဝင်နိုင်ပါတယ်။

▪️ ပရော်ဖက်ဆာ ဟီရိုမီဆာကိုင်ဦးစီးကာ စီစဉ်တာဖြစ်ပြီး လှူဒါန်းထားတဲ့ သွေးတွေထဲက အောက်ဆီဂျင်ပါတဲ့ ဟေမိုဂလိုဘင်ကိာ ထုတ်ယူလိုက်ပါတယ်။

▪️ ဒီနောက် သဘာဝသွေးနီဥအတိုင်း လုပ်ဆောင်နိုင်တဲ့ အဆီအခြေပြုပစ္စည်းငယ်တွေထဲ မြှုပ်နှံကာ ခန္ဓာကိုယ်ထဲ ဘေးကင်းစွာ လှည့်ပတ်စေပါတယ်။

▪️ ၂၀၂၂ ခုနှစ်က လူသားစမ်းသပ်မှုများ စတင်ခဲ့ရာ စမ်းသပ်ခံသူတွေမှာ သွေးတုကို ဘေးကင်းစိတ်ချစွာ လက်ခံသုံးစွဲနိုင်ခဲ့ပါတယ်။

▪️ အောင်မြင်မှုရခဲ့ရင်တော့ သွေးတုတွေဟာ အသက်ကယ်သွေးသွင်းရာမှာ လျင်မြန်စွာဘေးကင်းစွာ အသုံးပြုနိုင်မှာ ဖြစ်ပါတယ်။

#Source: India Today