#World_Health
Published 1 June 2023

သွေးထဲမှ အဆိပ်အတောက်များကို ဖယ်ရှားမယ့် အာဟာရဓာတ်များကို စီမံဆောင်ရွက်ပေးတဲ့ ခန္ဓာကိုယ်ထဲက အဓိကအင်္ဂါတွေထဲမှာ အသည်းကလည်း တစ်ခုအပါအဝင်ဖြစ်ပါတယ်။

ခန္ဓာကိုယ်ထဲက ဒုတိယအကြီးဆုံးအင်္ဂါဖြစ်တဲ့ အသည်းဟာ သည်းခြေရည်ကိုထုတ်လုပ်ပေးပြီး သွေးတွင်းသကြားဓာတ်ကို ထိန်းညှိပေးကာ ခန္ဓာကိုယ်ထဲမှာ ကျန်းမာစွာသွေးစီးဆင်းနိုင်အောင် ထိန်းသိမ်းပေးပါတယ်။

ကျန်းမာရေးနဲ့မညီညွတ်တဲ့ နေထိုင်စားသောက်မှုနဲ့ စိတ်ဖိစီးမှုတို့ဟာ အသည်းရောဂါဖြစ်ပွားရခြင်း အဓိကအကြောင်းအရင်းဖြစ်ပြီး အန္တရာယ်ရှိအရာတွေကို သွေးကနေစစ်ထုတ်ဖို့ ခက်ခဲလာပါတယ်။

သင့်တင့်မှန်ကန်တဲ့ အစားအစာများစားခြင်းဖြင့် အသည်းကိုရေရှည်မှာ ကျန်းမာစေပြီး ဆီးချိုလိုမျိုး ရောဂါများကင်းဝေးစေပါတယ်။

- အသီးအနှံနှင့်ဟင်းသီးဟင်းရွက်
ဘယ်ရီ၊ ရှောက်သီး၊ အစိမ်းရောင်ဟင်းရွက်များ၊ ဂေါ်ဖီမျိုးနွယ်တို့ဟာ ဒီအတွက်သင့်တော်ကြပြီး ဓာတ်တိုးဆန့်ကျင်ပစ္စည်းများပါဝင်ကာ အသည်းထိခိုက်ပျက်စီးခြင်းမှ ကာကွယ်ပေးပါတယ်။

- အစေ့အဆန်များ
အစေ့အဆန်တွေက အမျှင်ဓာတ်ပေါကြွယ်ဝပြီး အစာချေခြင်းကို ကူညီပေးပြီး ဓာတ်တိုးဆန့်ကျင်ပစ္စည်းတွေနဲ့ အခြားအာဟာရဓာတ်များက အသည်းကိုအကျိုးဖြစ်စေကာ သွေးထဲမှ အညစ်အကြေးပစ္စည်းများ စွန့်ထုတ်ပေးပါတယ်။

- ကယ်လိုရီနည်းသောပရိုတိန်း
ကြက်သား၊ ငါး၊ ပဲကြီးတို့မှာပါတဲ့ အဆိုပါကယ်လိုရီမျိုးက အသည်းကို ပုံမှန်လုပ်ဆောင်စေပြီး ခန္ဓာကိုယ်အလေးချိန်ကို ကျန်းမာအောင် ထိန်းသိမ်းပေးပါတယ်။

- ကျန်းမာရေးနှင့်ညီညွတ်သောအဆီ
ဒီလိုဆီမျိုးက ​အသည်းအတွက်သာမက သွေးတွင်းသကြားဓာတ်ကိုလည်း ထိန်းညှိပေးပါတယ်။
ခွန်အားပြည့်ဝစေပြီး အချိန်ကြာရှည်စွာ ပြည့်ဝနေစေတာကြောင့် အလွန်အကျွံစားသုံးခြင်းကို ကာကွယ်ပေးပါတယ်။

- ရေ
ကျန်းမာရေးအတွက် မရှိမဖြစ်လိုအပ်သလို အသည်းလုပ်ဆောင်ချက်ကို ပုံမှန်ထိန်းသိမ်းပေးကာ အသည်းမှ အဆိပ်အတောက်တွေစစ်ထုတ်ခြင်းကို ကူညီပေးပါတယ်။

- လက်ဖက်စိမ်း
လက်ဖက်စိမ်းက ဓာတ်တိုးဆန့်ကျင်ပစ္စည်း ကြွယ်ဝစွာပါဝင်ကာ အသည်းထိခိုက်ခြင်းကိုကာကွယ်ပေးပြီး ရောင်ရမ်းခြင်းကိုလည်း လျှော့ချပေးနိုင်တဲ့ ဒြပ်ပေါင်းများပါဝင်ပါတယ်။

- ကော်ဖီ
ကော်ဖီမှာလည်း ဓာတ်တိုးဆန့်ကျင်ပစ္စည်းများစွာပါဝင်ကာ အသည်းအဆီဖုံးရောဂါရှင်တွေမှာ အသည်းလုပ်ဆောင်ချက်ကို တိုးတက်စေပါတယ်။

- ဂရိတ်ဖရု
သူ့မှာလည်း ဓာတ်တိုးဆန့်ကျင်ပစ္စည်းကြွယ်ဝကာ အသည်းအဆီဖုံးရောဂါရှင်တွေမှာ အသည်းလုပ်ဆောင်ချက်ကို တိုးတက်စေပါတယ်။

- သံလွင်ဆီ
အသည်းထိခိုက်ခြင်းကို ကာကွယ်ပေးတဲ့ ကျန်းမာရေးနဲ့ညီညွတ်တဲ့အဆီပါဝင်ပြီး ရောင်ရမ်းခြင်းကို လျှော့ချပေးကာ အသည်းလုပ်ဆောင်ချက်ကို မြှင့်တင်ပေးတဲ့ ဒြပ်ပေါင်းများလည်း ပါဝင်ပါတယ်။

- မြေပဲ
မြေပဲမှာ ကျန်းမာရေးနဲ့ညီညွတ်တဲ့အဆီတွေ၊ အမျှင်ဓာတ်တွေ၊ ဓာတ်တိုးဆန့်ကျင်ပစ္စည်းတွေပါဝင်ကာ အသည်းထိခိုက်ခြင်းကို ကာကွယ်ပေးပြီး အသည်းလုပ်ဆောင်ချက် မြှင့်တင်ပေးပါတယ်။

အထက်ဖော်ပြပါ အစားအစာများအပြင် လှုပ်ရှားလေ့ကျင့်ခန်းများနဲ့ ဆေးနည်းများကလည်း အသည်းအဆီဖုံးခြင်းကို ထိန်းချုပ်ပေးနိုင်ပါတယ်။
Source: India Today
#World_Health #အသည်းကျန်းမာရေး #အစားအစာ(၁၀)မျိုး
#YMG #Yangon_Media_Group

#World_Culture
Published_ 31 May 2023

ယခုလအတွင်း ဆလိုဗေးနီးယားနိုင်ငံ အယ်လ်ပိုင်းပြည်နယ်ငယ်လေးရှိ လစ်ပစ်ကာရွာမှာ ကမ္ဘာကျော်လစ်ပစ်ဇန်မြင်းများက ပြပွဲတစ်ခုမှာ ပါဝင်ခဲ့ကြပြီး လူအများက အံ့အားသင့်စွာကြည့်ရှုခဲ့ကြပါတယ်။

#World_Culture #နာမည်ကျော်လစ်ပစ်ဇန်မြင်းများ #ဆလိုဗေးနီးယားအောင်ပွဲခံ
#YMG #Yangon_Media_Group

#Daily_News
Published_ 31 May 2023

၁။ မြန်မာ့သရက်သီးတွေ အရည်အသွေးအကြောင်းပြကာ တရုတ်ဘက်က ဈေးနှိမ်ဝယ်ယူနေ

၂။ မုန်တိုင်းအလွန်ကာလ၌ ဝမ်းရောဂါနှင့် သွေးလွန်တုပ်ကွေးရောဂါများ မဖြစ်ပွားအောင်ဆောင်ရွက်နေ

၃။ ကမ္ဘာ့ရွေစျေး အနည်းငယ်ပြန်တက် ၊ စျေးမငြိမ်သည့်အတွက် အရောင်းအဝယ်အေးနေ

၄။ နာမည်ကျော် လစ်ပစ်ဇန်မြင်းများအား ယူနက်စ်ကို အသိအမှတ်ပြုပေးသည့်အတွက် ဆလိုဗေးနီးယားအောင်ပွဲခံ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Asia_Politics
Published_ 31 May 2023

ထိုင်းနိုင်ငံမှ Move Forward Party (MFP) ပါတီဦးဆောင်တဲ့ ပါတီ ၈ ခုမဟာမိတ်အဖွဲ့ဟာ အာဏာကူးပြောင်းရေးပြင်ဆင်ရန် ကော်မတီတစ်ရပ်ကို ဖွဲ့စည်းလိုက်ကာ ဝန်ကြီးချုပ်'ပရာယွတ်ချန်အိုချာ'ကတော့ မဆီလျော်တဲ့လုပ်ရပ်လို့ သတ်မှတ်လိုက်ပါတယ်။

ပရာချာချတ်ပါတီရုံးချုပ်မှာပြုလုပ်တဲ့ ညွန့်ပေါင်းအစည်းအဝေးအပြီး MFP ခေါင်းဆောင်နဲ့ ဝန်ကြီးချုပ်လောင်း'ပီတာလင်ဂျာရိုအင်ရတ်'တို့က အသွင်ကူးပြောင်းညှိနှိုင်းရေးကော်မတီဖွဲ့စည်းလိုက်ကြောင်း အင်္ဂါနေ့က ကြေညာလိုက်ပါတယ်။

ပါတီ ၈ ခုစလုံးမှ ခေါင်းဆောင်တွေက မစ္စတာ'ပီတာ' ဥက္ကဌအဖြစ်ဆောင်ရွက်မယ့် ကော်မတီဖွဲ့စည်းတည်ဆောက်ရန် သဘောတူညီခဲ့ကြပါတယ်။

ကူးပြောင်းညှိနှိုင်းရေးကော်မတီအပြင် လျှပ်စစ်၊ ဒီဇယ်၊ စွမ်းအင်ဈေးနှုန်းများ၊ မိုးခေါင်ရေရှားမှု၊ အယ်လ်နီညိုပြဿနာများကို ကိုင်တွယ်ဖြေရှင်းရန် လုပ်ငန်းအဖွဲ့အစည်း ၇ ခုကိုလည်း ဖွဲ့စည်းခဲ့ပါတယ်။

အဖွဲ့အစည်းတစ်ခုစီမှာ ပါတီ ၈ ခုမှ ကိုယ်စားလှယ်များပါဝင်ပြီး တိုးတက်မှုပိုင်းမှာ နောက်ဆုံးရရှိသတင်းတွေကို ကူးပြောင်းညှိနှိုင်းရေးကော်မတီထံပေးအပ်ရန် ပုံမှန်အစည်းအဝေးများ ကျင်းပမှာဖြစ်ပါတယ်။

အပြီးသတ်မူဝါဒများကို လွှတ်တော်မှာကြေညာပြီး အုပ်ချုပ်ရေးနဲ့ ဥပဒေပြုရေးမဏ္ဍိုင်နှစ်ခုစလုံးက အကောင်အထည်ဖော်မှာဖြစ်ကြောင်း မစ္စတာပီတာက ပြောကြားခဲ့ပါတယ်။

ယင်းတို့ရဲ့လုပ်ငန်းများ ချောမွေ့စွာလည်ပတ်နေပြီး ပြည်သူတွေရဲ့ပြဿနာများကို တတ်နိုင်သမျှအကောင်းဆုံးဖြေရှင်းနိုင်ရန် အတူတကွလုပ်ဆောင်သွားမယ်လို့ ကတိပြုခဲ့ပါတယ်။

အမှုဆောင်ဌာနခွဲအတွင်း ရာထူးနေရာလွှဲပြောင်းခြင်းက ပြည်သူတွေရဲ့အကျိုးစီးပွားကို အမြဲဦးစားပေးသွားမယ်လို့လည်း ဆိုပါတယ်။

MFP ရဲ့ကူးပြောင်းရေးအစီအစဉ်များအကြောင်း သတင်းထောက်တွေက ဗိုလ်ချုပ်ကြီးပရာယွတ်ကိုမေးမြန်းခဲ့ရာ ယင်းက ထိုလှုပ်ရှားမှုကိုဝေဖန်လိုက်ကာ အစိုးရအေဂျင်စီကိုယ်စားလှယ်များနဲ့ တွေ့ဆုံရန် အစီအစဉ်များကို သတိပေးလိုက်ပါတယ်။

MFP က ရွေးကောက်ပွဲအနိုင်ရပေမယ့် အစိုးရအဖွဲ့ထဲ မရောက်ရှိသေးပါဘူး။

ဒါဟာ ဆီလျော်မှုမရှိဘဲ အစိုးရအဖွဲ့အစည်းတွေဟာ လက်ရှိအစိုးရအောက်မှာပဲ ရှိသေးတာဖြစ်ပြီး အနာဂတ်မှာ ကူးပြောင်းရေးအစီအစဉ်အတွက် အချက်အလက်များပြင်ဆင်သွားမှာဖြစ်တယ်လို့ ပရာယွတ်ကဆိုပါတယ်။

MFP အနေနဲ့ ပုဂ္ဂလိကကဏ္ဍများမှ ကိုယ်စားလှယ်တွေနဲ့တွေ့ဆုံနိုင်ပေမယ့် လက်ရှိအချိန်မှာတော့ အစိုးရအဖွဲ့အစည်းများနဲ့တွေ့ဆုံရန် မသင့်လျော်ကြောင်း ဝန်ကြီးချုပ်ကဆိုပါတယ်။

ရွေးကောက်ပွဲအပြီးမှာ နိုင်ငံခြားရင်းနှီးမြှုပ်နှံသူများ တုန့်ပြန်ပုံများအကြောင်းမေးမြန်းခဲ့ရာ အစိုးရအသစ်ရုပ်လုံးပေါ်လာတဲ့အထိ စောင့်ဆိုင်းနေကြောင်း ပြောကြားခဲ့ပါတယ်။
Source: Bangkok Post
#Asia_Politics #ထိုင်းနိုင်ငံ #အာဏာလွှဲပြောင်းရေး #ထိုင်းဝန်ကြီးချုပ်ဝေဖန်
#YMG #Yangon_Media_Group

#World_Health
Published_ 31 May 2023

အသက် ၅၀ နဲ့အထက် အမျိုးသားထက်ဝက်ကျော်ခန့်ဟာ ဆီးကျိတ်ကြီးခြင်းဝေဒနာအပျော့စား ခံစားရတတ်ပြီး အသက်ကြီးလာတာနဲ့အမျှ ဖြစ်နိုင်ချေပိုများလာကြောင်းကို တော်တော်များများ မသိရှိကြပါဘူး။

ဒီအတွက် ယနေ့ခေတ်မှာ ဖြေရှင်းနည်းတွေရှိလာပြီး အလျင်အမြန်သက်သာစေခြင်း၊ ဘေးအန္တရာယ်အနည်းဆုံး၊ အရေးကြီးဆုံးက လိင်ပိုင်းဆိုင်ရာစွမ်းဆောင်မှုကို မထိခိုက်စေတဲ့ နည်းလမ်းများဖြင့် ကုသနိုင်ပြီဖြစ်ပါတယ်။

ဆီးကျိတ်ဟာ အမျိုးသားမျိုးပွားစနစ်ရဲ့ အစိတ်အပိုင်းတစ်ခုဖြစ်ပါတယ်။

ဆီးအိမ်အောက်မှာ တည်ရှိပြီး ဆီးလမ်းကြောင်းပြွန်ကို ရစ်ပတ်ထားပါတယ်။

ဆီးကျိတ်အရွယ်အစားက အသက်ကြီးလာတာနဲ့အမျှ သဘာဝအတိုင်း ကြီးထွားလာတာဖြစ်ပါတယ်။

ဒီလိုကြီးထွားလာခြင်းက ဆီးလမ်းကြောင်းပြွန်ကို ထိရောက်စေကာ ဆီးသွားခြင်းကို ခက်ခဲစေပါတယ်။

သူ့ရဲ့လက္ခဏာတွေကတော့ ဆီးသွားရခက်ခြင်း၊ ဆီးလမ်းကြောင်းအားနည်းခြင်း၊ မကြာခဏဆီးသွားချင်သလိုဖြစ်ခြင်း၊ ဆီးကျန်သလိုခံစားရခြင်းတို့ဖြစ်ပါတယ်။

တစ်ခါတလေမှာ ဆီးကျန်တာမျိုးဖြစ်ပေါ်တတ်ကာ ဆီးပိုက်အရေးပေါ်ထည့်ရခြင်မျိုး လိုအပ်တတ်ပါတယ်။

ညနေခင်းမှာ ကော်ဖီ၊ အယ်လ်ကိုဟောသောက်သုံးခြင်း ရှောင်ရှားခြင်းဖြင့် ပြောင်းလဲကုသသင့်ပါတယ်။

ဒီနည်းလမ်းဖြင့် မသက်သာဘူးဆိုရင် ဆေးဝါးသောက်သုံးနိုင်ပြီး အချိန်အတိုင်းအတာတစ်ခုအထိပဲ အကျိုးရှိကာ ကြာလာရင် ပျောက်ကွယ်သွားတတ်ပါတယ်။

ဆေးဝါးမှာဘေးထွက်ဆိုးကျိုးရှိတတ်ပြီး လိင်ပိုင်းဆိုင်ရာစွမ်းဆောင်ရည်ကျဆင်းတာမျိုး ရင်သားကြီးထွားလာတာမျိုး ဖြစ်တတ်ပါတယ်။

ဆေးနဲ့အလုပ်မဖြစ်ဘူးဆိုရင် ဆီးကျိတ်ကိုခွဲစိတ်ဖယ်ရှားတာမျိုး ပြုလုပ်နိုင်ပါတယ်။

နှစ်များစွာ နည်းလမ်းသစ်များတီထွင်ထုတ်လုပ်ရန် ကြိုးပမ်းခဲ့ကြပြီး ဘေးထွက်ဆိုးကျိုး ပြင်းပြင်းထန်ထန်မရှိစေဘဲ အောင်မြင်နိုင်ချေများပြီး ရေရှည်ခံနိုင်အောင် ကုသနိုင်မယ့်နည်းလမ်းတွေ ရှာဖွေခဲ့ကြပါတယ်။

နည်းပညာမြင့်ကုသမှုဆိုရင် ခွဲစိတ်စရာမလိုဘဲ ထိရောက်အောင် ကုသပေးနိုင်မှာဖြစ်ပါတယ်။

ဆီးကျိတ်အနည်းငယ်ကြီးလာခြင်းကြောင့် ဆီးကျန်ခြင်းနဲ့ ဆီးလမ်းကြောင်းအောက်ပိုင်းလက္ခဏာများကို ကုသနိုင်မယ့် ဘေးကင်းထိရောက်တဲ့ လုပ်ထုံးလုပ်နည်းတစ်ခုဖြစ်ပါတယ်။

သွေးကြောထုံးခြင်းလိုကုသနည်းက ခွဲစိတ်မှုနဲ့ဆင်တူပြီး ဆီးသွားရာမှာ ပိုပြီးအဆင်ပြေစေမှာဖြစ်ပါတယ်။

သာမန်ကုထုံးတွေထက် အဆင်ပြေသလို ဆီးပိုက်ထည့်ရတာမျိုး မလိုအပ်သလို လိင်ပိုင်းဆိုင်ရာစွမ်းဆောင်ရည်ကိုလည်း မထိခိုက်စေပါဘူး။
Source: The Jersualem Post.
#World_Health #ဆီးကျိတ်ပြဿနာ #ဖြေရှင်းလာနိုင်ပြီ
#YMG #Yangon_Media_Group

#World_Health

Published_ 31 May 2023

ပန်းဂေါ်ဖီစိမ်းစွပ်ပြုတ်က ဆီးချိုရောဂါဒုတိယအမျိုးအစားဖြစ်နိုင်ချေရှိသူများအတွက် ကောင်းမွန်တဲ့ရွေးချယ်မှု ဖြစ်လာပါတယ်။ 

Smarter Food ကုမ္ပဏီမှ နှစ်ပေါင်းများစွာ သုတေသနပြုလုပ်ကာ အပင်စိုက်ပျိုးပြီးနောက် GRextra လို့ခေါ်တဲ့ ပန်းဂေါ်ဖီစိမ်းမျိုးကွဲအသစ်ကို တီထွင်ခဲ့ကာ စကော့တလန်မှာ ဟင်းချိုအဖြစ်ဖန်တီးလာပါတယ်။ 

သူတို့မှာ ပွင့်ဖတ် ၄ ဖတ်ပါတဲ့ပန်း၊ ကြက်ခြေခတ်ပုံစံပွင့်ဖတ်၊ ထူးခြားတဲ့အနံ့စူးရှရှ ပါဝင်ပါတယ်။ 

ဒီလိုဟင်းသီးဟင်းရွက်ဥပဒေတွေကတော့ ပန်းဂေါ်ဖီစိမ်း၊ ပန်းဂေါ်ဖီ၊ ဂေါ်ဖီထုပ်တို့ဖြစ်ပါတယ်။ 

ဒီဟင်းရွက်တွေမှာ ဂလူကိုရာဖာနင်လို့ခေါ်တဲ့ ဒြပ်ပေါင်းပါဝင်ကာ ကျန်းမာရေးအကျိုးကျေးဇူးများကြောင့် စိတ်ဝင်စားလာကြပါတယ်။ 

စားသုံးလိုက်တဲ့အခါ ဆာလ်ဖိုရာဖိန်းဒြပ်ပေါင်းအဖြစ် ပြောင်းလဲသွားကာ ဓာတ်တိုးဆန့်ကျင်ခြင်းနဲ့ ရောင်ရမ်းမှုဆန့်ကျင်ခြင်း ဂုဏ်သတ္တိများရှိတယ်လို့ ကျော်ကြားပါတယ်။ 

Smarter Food ကုမ္ပဏီဟာ အစိုးရထောက်ပံ့ထားတဲ့ ယူကေသုတေသနနဲ့ ဖန်တီးမှုအဖွဲ့အစည်းတို့ကနေ ငွေကြေးထောက်ပံ့ထားတာဖြစ်ပါတယ်။ 

ဂလူကိုရာဖာနင်နဲ့ ဆာလ်ဖိုရာဖိန်းတို့အကြောင်း အချက်အလက်အထောက်အထား များစွာရရှိထားကာ ပညာရှင်အချင်းချင်းသုံးသပ်ထားပြီးဖြစ်သလို သိပ္ပံနည်းကျဖော်ပြထားကြောင်း၊ ဒီဒြပ်ပေါင်းအများအပြားပါဝင်တဲ့ ထုတ်ကုန်ကို ဖန်တီးနိုင်ခဲ့ကြောင်း ကုမ္ပဏီအမှုဆောင်ချုပ်'လော်ရာနိုက်'က ပြောပြခဲ့ပါတယ်။ 

ကုမ္ပဏီစမ်းသပ်ချက်များအရ တစ်ပတ်ကို စွပ်ပြုတ်တစ်ပန်းကန်သောက်သုံးခြင်းဖြင့် သွေးတွင်းဂလူကို့စ်ပမာဏကို လျော့ကျစေပြီး အချိန်ကြာတဲ့အထိထိန်းထားနိုင်ပါတယ်။ 

ဒါဟာ သွေးတွင်းသကြားဓာတ်များပြီး ဆီးချိုဖြစ်နိုင်ချေများတဲ့သူတွေအတွက် အထူးကောင်းမွန်ပါတယ်။ 

အရင်လေ့လာချက်တွေမှာ ဂလူကိုရာဖာနင်ပါဝင်မှုမြင့်မားတဲ့ အစားအစာတွေစားသုံးခြင်းနဲ့ ကျန်းမာရေးနဲ့ညီညွတ်အောင် နေထိုင်ခြင်းတို့က နာမကျန်းရောဂါအမျိုးမျိုးအပြင် ကင်ဆာကိုလည်း ကာကွယ်ပေးပြီး သွေးပေါင်ချိန်နဲ့ ကိုလက်စ်ထရောလ်တို့ကို လျှော့ချပေးနိုင်ကြောင်း တွေ့ရှိခဲ့ပါတယ်။ 

SmarterNaturally အဖွဲ့က သူတို့ရဲ့ထုတ်လုပ်မှုကို ချဲ့ထွင်ရန် ဒေါ်လာ ၁.၈ သန်းမြှင့်တင်ပြီးနောက် မေလကုန်မှာ နောက်ထပ် ဒေါ်လာ ၆၁၇,၃၀၀ ထပ်မံအသုံးပြုချင်နေပါတယ်။ 
Source: WION  
#World_Health #ပန်းဂေါ်ဖီစိမ်းဟင်းချို #ဆီးချိုရောဂါဒုတိယအမျိုးအစား #စမ်းသပ်တွေ့ရှိ
#YMG #Yangon_Media_Group