Published 27 February 2022

ယူကရိန်းနိုင်ငံ ကိဗ်မြို့တော်တွင် တနင်္လာနေ့မနက်အထိ နေ့ည ကာဖျူးအမိန့်ထုတ်ပြန်လိုက်တဲ့အတွက် မြို့ရဲ့လမ်းတွေဟာ လူသူကင်းမဲ့သွားပါတယ်။

အပြင်မှာရှိနေတဲ့လူတွေကို ရန်သူရဲ့ အဖျက်သမားတွေနှင့်ကင်းထောက်အဖွဲ့တွေလို့ သတ်မှတ်ရမှာဖြစ်တယ်လို့ အမိန့် ထုတ်ပြန်ထားတာဖြစ်ပါတယ်။

ကျူးကျော်မှုစတင်ချိန်မှ ယခုအချိန်အထိ ကလေးငယ်(၃)ဦးအပါအဝင် အရပ်သား(၁၈၉)ဦးသေဆုံးခဲ့တယ်လို့ အေအက်ဖ်ပီရဲ့ သတင်းအရသိရပါတယ်

တနင်္ဂနွေနေ့က ယူကရိန်းရဲ့ ဒုတိယမြောက်အကြီးဆုံး မြို့ဖြစ်တဲ့ ခါကစ်မြို့မှာ လမ်းပေါ်တိုက်ပွဲတွေရှိနေပြီး စက်သေနတ်သံတွေနှင့်ပေါက်ကွဲသံတွေကြားနေကြရပါတယ်။

ရုရှားနှင့်ယူကရိန်းစေ့စပ်ဆွေးနွေးကြဖို့ ဘီလာရု(စ်)မှာစီစဉ်ခဲ့ပေမယ့် ယူကရိန်းသမ္မတက ပယ်ဖျက်ခဲ့ပြီး ဝါဆော၊ဘရက်တစ်လာဗား၊ ဘူဒါပက်စ်၊အီစတန်ဘူလ်နှင့် ဘာကူးမြို့တွေထဲက တစ်မြို့မြို့ကို ရွေးပေးဖို့ သူက ရုရှားကို ပြန်လည်အဆိုပြုခဲ့ပါတယ်။

Source AFP

#TV_Yangon_Times_Mattersအစီအစဉ်
Published - 27 Feb 2022

အစီအစဉ်တင်ဆက်သူ ဆရာဟိန်းလတ်နဲ့ အတူ ဆရာပန်းချီတင်ထွဏ်းက သူ့ရဲ့ ထင်ပေါ်ကျော်ကြားခဲ့တဲ့ လိုဂိုဒီဇိုင်းတွေနဲ့ပတ်သက်ပြီး အဲဒါတွေကိုဖန်တီးခဲ့ပုံနှင့် လိုဂိုဒီဇိုင်းပညာရပ်နှင့်ပတ်သက်ပြီး ဖြတ်သန်းခဲ့တဲ့အတွေ့အကြုံတွေကို ဗဟုသုတဖြစ်ဖွယ်ရာဆွေးနွေးထားတာဖြစ်ပါတယ်။

#Yangon_Media_Group

Published:27 February 2022

ခေတ်မီလယ်ယာစိုက်ပျိုးရေးအလေ့အထတွေနှင့်နည်းပညာတွေဖြစ်တဲ့  ဟိုက်ဒရိုပိုနစ်နည်းလို နည်းပညာတွေဟာ တရုတ်နိုင်ငံအရှေ့ပိုင်း ကျက်ကျန်းပြည်နယ်၊ဘိုင်ယန်မြို့က ယာခင်းတစ်ခုထဲမှာအသုံးပြုနေပြီး အဲဒီနည်းပညာကြောင့် ဟင်းသီးဟင်းရွက် ထုတ်လုပ်မှုစွမ်းအား တိုးတက်နေပါတယ်။

ဟိုက်ဒရိုပိုနစ်နည်းပညာဆိုတာက မြေဆီလွှာမသုံးဘဲနှင့် အပင်တွေကို အဟာရဖြည့်ရေတွေကိုသာ အသုံးပြုပြီး စိုက်ပျိုးတဲ့ နည်းပညာဖြစ်ပါတယ်။

အဲဒီယာခင်းထဲမှာ ဟိုက်ဒရိုပိုနစ်ဆလတ်ရွက်တွေကို စက်ရုပ်လက်ကြီးတွေနှင့် ရိတ်သိမ်းနေပါတယ်။ အဲဒီနောက် ထုတ်ပိုးမယ့် အလုပ်သမားတွေဆီ ရွေ့လျားစက်ခါးပတ်ကြီးတွေနှင့် ပို့ဆောင်ပေးပါတယ်။

Source CMG

Published 27 February 2022

ပူတင် စမတ်ဖြစ်နေတာကပြဿနာမဟုတ်ဘူး လို့ အမေရိကန်သမ္မတဟောင်း ဒေါ်နယ်ထရမ့်က ပြောကြားလိုက်ပါတယ်။ သူက ဖလော်ရီဒါပြည်နယ် အော်လန်ဒိုမှာကျင်းပတဲ့ ကွန်ဆာဗေးတစ်နိုင်ငံရေးလှုပ်ရှားမှုကွန်ဖရင့်မှာ ပြောကြားတဲ့ မိန့်ခွန်းထဲ ထည့်သွင်းပြောကြားလိုက်တာပါ။ “ ပြဿနာအစစ်က ကျွန်တော်တို့ခေါင်းဆောင်တွေ(နေတိုးခေါင်းဆောင်)ဟာ လူပေါတွေ ဖြစ်လို့ပဲ “ လို့ သူကပြောပါတယ်။ နေတိုးခေါင်းဆောင်တွေဆီက အရေးယူဒဏ်ခတ်မှုရဲ့ အနည်းဆုံးအကျိုးဆက်တစ်ခုတည်းနှင့် တစ်နိုင်ငံလုံးသိမ်းယူနိုင်တယ်လို့ ပူတင်က ထင်ကိုထင်လိမ့်မယ်” လို့ သူကပြောပါတယ်။

Source AFP