Published 12 April 2022

အမေရိကန်နိုင်ငံခြားရေးဝန်ကြီးအန်တိုနီဘလင်ကန်က ရုရှားသမ္မတပူတင်နှင့်ရင်ဆိုင်တဲ့အခါ ဒီမိုကရေစီနိုင်ငံတွေ အတူတကွရပ်တည်သင့်တယ်လို့ အိန္ဒိယပြည်ပရေးရာ ဝန်ကြီး ဆူဘရာမန်ရန် ဂျန်ရှန်ကာ

နှင့် ဧပြီ ၁၁ ရက်က ဝါရှင်တန်မှာပြုလုပ်တဲ့ ပူးတွဲသတင်းစာရှင်းလင်းပွဲမှာပြောကြားခဲ့ပါတယ်။ အိန္ဒိယနိုင်ငံခြားရေးဝန်ကြီးကလည်း တကယ်တမ်းတော့ အိန္ဒိယထက် ဥရောပကသာ ရုရှားက စွမ်းအင်တွေ ပိုဝယ်နေတာဖြစ်တယ်လို့ ပြန်လည်ပြောကြားခဲ့ပါတယ်။
Source AFP

#WorldHealth
Published 12 April 2022

ကျန်းမာရေးနဲ့ပတ်သက်လာရင် လုပ်ထုံးလုပ်နည်းအတိုင်းအတာများစွာရှိပေမယ့် အရိုးရှင်းဆုံး ကျန်းမာရေးစောင့်ရှောက်မှုနည်းလမ်းကတော့ မိမိတို့ရဲ့ခါးပတ်လည်အတိုင်းအတာကို မိမိအရပ်အမြင့်အတိုင်းအတာရဲ့ တဝက်နီးပါး ရှိနေစေဖို့ပဲဖြစ်ပါတယ်။

နိုင်ငံတကာမှာ အဝလွန်ဝေဒနာအဖြစ်များလာမှုတွေကြောင့် ဗိုက်ရွှဲခြင်းကိုတိုက်ဖျက်ဖို့ ကျန်းမာရေးတာဝန်ရှိသူတွေက အကြံဉာဏ်ပြုလိုက်တာဖြစ်ပါတယ်။

ခါးနားတဝိုက်မှာ အဆီစုပြုံလာခြင်းဖြင့် ဆီးချိုရောဂါ၊ သွေးတိုး၊ နှလုံးရောဂါများ ဖြစ်ပွားလာနိုင်ကြောင်း ကျွမ်းကျင်သူများကဖော်ပြထားပါတယ်။

ကျန်းမာရေးစောင့်ရှောက်ကွပ်ကဲရေးအဖွဲ့က လူတွေအနေနဲ့ မိမိတို့ရဲ့ ခါးနဲ့ကိုယ်အရပ်အမြင့်အတိုင်းအတာအချိုးအစားတို့ကို တိုင်းတာသင့်ကြောင်း ပထမဆုံးအကြိမ်အကြံဉာဏ်ပေးလိုက်ပါတယ်။

အဆိုပါနည်းလမ်းက မိမိတို့ရဲ့ ကျန်းမာရေးကိုထိန်းသိမ်းစောင့်ရှောက်ဖို့ အရိုးရှင်းအထိရောက်ဆုံးနည်းလမ်းဖြစ်ကြောင်း ဒေါက်တာ'ပေါလ်ခရစ်ပ်'က ပြောပြပါတယ်။

ကျန်းမာတဲ့သူတစ်ယောက်ရဲ့ ခါးနဲ့ကိုယ်အရပ်အမြင့်အချိုးအစားဟာ ၀.၄ ကနေ ၀.၄၉ အတွင်းရှိနေသင့်ပါတယ်။

၀.၅ ကနေ ၀.၅၉ အတွင်းရှိနေပြီဆိုရင် ကျန်းမာရေးပြဿနာတွေရှိလာနိုင်ပြီး ၀.၆ အထက်ဆိုရင်တော့ ကျန်းမာရေးအန္တရာယ်အများဆုံးအခြေအနေလို ပြောလို့ရပါတယ်။

ဥပမာအားဖြင့် အရပ် ၅ ပေ ၄ လက်မရှိတဲ့ အမျိုးသမီးတစ်ယောက်ဟာ ခါးအတိုင်းအတာ ၂၉ လက်မရှိတယ်ဆိုရင် ကျန်းမာရေးနဲ့ညီညွတ်တဲ့အချိုးအစားဖြစ်ပါတယ်။

အကယ်၍ ခါးအတိုင်း ၃၂ လက်မရှိတယ်ဆိုရင်တော့ ကျန်းမာရေးညံ့တဲ့အချိုးအစားဖြစ်သွားပါပြီ။

အရပ် ၅ ပေ ၁၀ လက်မရှိတဲ့အမျိုးသားဟာ ခါးအတိုင်း ၃၆ လက်မရှိတယ်ဆိုရင်ကျန်းမာရေးပြဿနာဖြစ်လာနိုင်ချေရှိနေပါတယ်။

အဆိုပါနည်းလမ်းကို ယောကျ်ားမိန်းမမရွေး လူမျိုးမရွေးတိုင်းတာနိုင်ပြီး ကြွက်သားတောင့်တင်းသန်မာတဲ့လူတွေမှာလည်း အသုံးပြုနိုင်ပါတယ်။

"ခါးတဝိုက်မှာ အဆီစုလာပြီဆိုရင် ကယ်လိုရီတွေစားသုံးမှုလျှော့ချသင့်သလို ကယ်လိုရီများများ လောင်ကျွမ်းသင့်နေပါပြီ။ လူအများစုက ကိုယ့်အရပ်အမြင့်ကိုယ်သိကြတာကြောင့် ခါးအတိုင်းအတာသိရှိဖို့က မခက်ခဲတော့ပါဘူး" လို့ ဂလက်စ်ဂိုတက္ကသိုလ်မှ ပရော်ဖက်ဆာ'နာဗိဆက်တာ'က ပြောပြလိုက်ပါတယ်။

Source: DailyMail
#Yangon_Media_Group

#Local_News
Published_ 12 April 2022

ထိုင်ဝမ်(တရုတ်-တိုင်ပေ) မှ နေရပ်ပြန်လိုသော မြန်မာနိုင်ငံသား ၇၆ ဦးအား ကယ်ဆယ်ရေး လေယာဉ်ဖြင့် ပြန်လည်ပို့ဆောင်ပေးခဲ့ကြောင်း သိရပါတယ်။

ထိုင်ဝမ် (တရုတ်-တိုင်ပေ) ၌ အကြောင်းအမျိုးမျိုးဖြင့် ရောက်ရှိနေကြပြီး မြန်မာနိုင်ငံသို့ ပြန်လည်ထွက်ခွာလိုသည့် မြန်မာနိုင်ငံသားများသည် Covid-19 ကူးစက်ရောဂါ ကာလအတွင်း လေကြောင်းသွားလာမှုများ ရပ်ဆိုင်းလိုက်ခြင်းကြောင့် နေရပ်ပြန်ရန် အခက်အခဲ ကြုံတွေ့နေကြရာနေရပ်သို့ ပြန်လည်ထွက်ခွာနိုင်ရေးအတွက် (၁၉) ကြိမ်မြောက် တိုင်ပေ-ရန်ကုန် ကယ်ဆယ်ရေး လေယာဉ်ခရီးစဉ်ကို Coronavirus Disease 2019 (Covid-19) ကာကွယ်၊ ထိန်းချုပ်၊ ကုသရေး ဗဟိုကော်မတီ၏ လမ်းညွှန်ချက်နှင့်အညီ ဟောင်ကောင်မြို့၊ မြန်မာကောင်စစ်ဝန်ချုပ်ရုံးအနေဖြင့် သက်ဆိုင်ရာများနှင့် ညှိနှိုင်းဆောင်ရွက်ပေးခဲ့ပါတယ်။

ဧပြီ ၁၀ ရက် တနင်္ဂနွေနေ့ နံနက် ၇ နာရီတွင် တိုင်ပေမြို့မှ ရန်ကုန်မြို့သို့ ပျံသန်းသည့် China Airlines လေကြောင်းပျံသန်းအမှတ် CI-7915 ကယ်ဆယ်ရေးလေယာဉ်ဖြင့် မြန်မာနိုင်ငံသား ၇၆ ဦးတို့သည် ရန်ကုန်မြို့သို့ ပြန်လည်ထွက်ခွာသွားခဲ့ပါတယ်။

ပြည်တွင်း၌ ကိုဗစ်-၁၉ ကူးစက်ပြန့်ပွားမှုကို ကာကွယ်၊ တားဆီးနိုင်ရန်အတွက် ခရီးသည်များအနေဖြင့် ခရီးစဉ်မတိုင်မီ (၇၂) နာရီအတွင်း Covid-19 ရောဂါ စစ်ဆေးမှုများ ပြုလုပ်ခဲ့ကြပါတယ်။

မြန်မာကောင်စစ်ဝန်ချုပ်ရုံးအနေဖြင့် ဟောင်ကောင်နှင့် မကာအိုဒေသတို့မှ နေရပ်ပြန်လိုတဲ့ မြန်မာနိုင်ငံသားများအတွက် စုစုပေါင်း (၇) ကြိမ်မြောက် ကယ်ဆယ်ရေးလေယာဉ်၊ ထိုင်ဝမ် (တရုတ်-တိုင်ပေ) ဒေသမှ နေရပ်ပြန်လိုသော မြန်မာနိုင်ငံသားများအတွက် (၁၉) ကြိမ်မြောက် ကယ်ဆယ်ရေးလေယာဉ်ဖြင့် စီစဉ်ဆောင်ရွက်ပေးခဲ့ပြီး မြန်မာနိုင်ငံသား စုစုပေါင်း ၂,၅၈၆ ဦးအား မြန်မာနိုင်ငံသို့ ပြန်လည်ပို့ဆောင်ပေးခဲ့ပြီးဖြစ်ကြောင်း သိရပါတယ်။

ymg-mnn
#Yangon_Media_Group

#WorldHealth
Published 12 April 2022

အက်စ်ထရာဇန်နီကာနဲ့ ဂျွန်ဆန်အင်န်ဂျွန်ဆန်ကိုဗစ်ကာကွယ်ဆေးများထိုးပြီးနောက် ရှားပါးဖြစ်ပေါ်လေ့ရှိတဲ့ သွေးခဲခြင်းဖြစ်စဉ်အကြောင်း သုတေသနအသစ်တစ်ခုမှာ ရှင်းလင်းတင်ပြထားပါတယ်။

ကာကွယ်ဆေးထိုးပြီးနောက် သွေးကြောငယ်လေးတွေမှာ သွေးခဲခြင်းဖြစ်ခဲ့တဲ့ လူငါးဦးကိုလေ့လာကြည့်ရာမှာ သွေးခဲခြင်းဖြစ်စဉ်မှာပါဝင်တဲ့ PF4 ပရိုတိန်းကိုတိုက်ဖျက်မယ့် ပဋိပစ္စည်းတွေ ထူးထူးခြားခြားထွက်ပေါ်လာပါတယ်။

ဒါ့အပြင် အဆိုပါ ၅ ယောက်စလုံးမှာ ဒီလိုပဋိပစ္စည်းတွေထုတ်လုပ်နိုင်မယ့် မျိုးဗီဇတစ်မျိုးထွက်ပေါ်လာတာကို တွေ့ရှိခဲ့ကြကြောင်း medRxiv ဝက်ဘ်ဆိုက်မှာ တနင်္လာနေ့ကဖော်ပြခဲ့ပါတယ်။

"မျိုးရိုးဗီဇကွဲနဲ့ ပဋိပစ္စည်းဆင့်ကဲပြောင်းလဲခြင်းတို့ ပူးပေါင်းသွားတဲ့အခါ PF4 ပရိုတိန်းပျက်စီးရာပျက်စီးကြောင်း ဖြစ်ပေါ်လာနိုင်ပြီး နောက်ဆက်တွဲဆိုးကျိုးတွေဖြစ်ပေါ်လာပါတယ်" လို့ သုတေသီများဖော်ပြခဲ့ပါတယ်။

ဒီလိုမျိုးဗီဇဖြစ်ပေါ်လာနိုင်ချေက အမျိုးမျိုးပြောင်းလဲနိုင်ပြီး ဥရောပမျိုးနွယ်တွေမှာ အဖြစ်အများဆုံးဖြစ်ကြောင်း ဖော်ပြထားပါတယ်။

အခုလိုတွေ့ရှိချက်ကြောင့် ကာကွယ်ဆေးထိုးပြီး နောက်ဆက်တွဲဆိုးကျိုးတွေဖြစ်ပေါ်လာနိုင်မယ့် မျိုးရိုးဗီဇကွဲသယ်ဆောင်ထားတဲ့လူနာတွေကို မျိုးဗီဇစစ်ဆေးရှာဖွေခြင်းတွေ ပြုလုပ်နိုင်မှာဖြစ်ကြောင်း ဖလိုင်ဒါစ်ဩစတြေးလျတက္ကသိုလ်မှ 'တွမ်ဂေါ်ဒွန်'နဲ့ 'ကျင်ကျင်ဝမ်'တို့က ဖော်ပြခဲ့ကြပါတယ်။

ဒါ့အပြင် ဒီတွေ့ရှိချက်က ဆိုးကျိုးအန္တရာယ်ပေးနိုင်တဲ့ အဆိုပါပဋိပစ္စည်းမျိုးကို တိုက်ဖျက်ပေးနိုင်မယ့်ကုသနည်း ရရှိစေမှာဖြစ်ပါတယ်။

Source: Reuters
#Yangon_Media_Group

#Local_News
Published_ 12 April 2022

မဟာသင်္ကြန်ကာလ ရန်ကုန်မြို့ရှိ ပြည်ထောင်စုတိုင်းရင်းသားကျေးရွာကို အများပြည်သူများလည်ပတ်နိုင်ရန် ပုံမှန်အတိုင်းဖွင့်လှစ်သွားမှာဖြစ်ကြောင်း သိရပါတယ်။

တိုင်းရင်းသားကျေးရွာကို နံနက် ၇ နာရီမှ ညနေ ၄ နာရီအထိ ဖွင့်လှစ်ထားမည်ဖြစ်ပြီး ရေကစားပြီး ပြန်လာသူများ ၀င်ရောက်အနားယူလည်ပတ်နိုင်ရန် ဖွင့်လှစ်ထားမည်ဖြစ်ကာ ၀င်ကြေးအနေဖြင့် လူကြီးတစ်ဦးကို ငွေကျပ် ၅၀၀ နှင့် အသက် ၁၀နှစ်အောက်ကလေးများကို အခမဲ့၀င်ခွင့်ပေးမှာ ဖြစ်ပါတယ်။

တိုင်းရင်းသားကျေးရွာကို ရုံးဖွင့်ရက်များတွင် တစ်ရက်လျှင် လူဦးရေ ၄၀၀ ခန့် လာရောက်လည်ပတ်လေ့ရှိပြီး ရုံးပိတ်ရက်များတွင် လာရောက်လည်ပတ်သူ ၁,၅၀၀ ခန့် ရှိကြောင်း သိရပါတယ်။

ကိုဗစ်-၁၉ ကပ်ရောဂါကြောင့် ၂၀၂၀ ပြည့်နှစ် မတ်လမှ စတင်၍ ယာယီပိတ်ထားခဲ့ကာ ၂၀၂၁ ခုနှစ် မေ ၃ ရက်တွင် တိုင်းရင်းသားကျေးရွာသို့ အများပြည်သူ လာရောက်လည်ပတ်နိုင်ရန် ပြန်လည်ခွင့်ပြုပေးခဲ့တာဖြစ်ပါတယ်။

ymg-mnn
#Yangon_Media_Group

Published 11 April 2022

တောင်အာဖရိကနိုင်ငံရှိ ကျယ်ပြောလှတဲ့သဘာဝဘေးမဲ့တောကြီးထဲက ခရူဂျာအမျိုးသားဥယျာဉ်ထဲမှာ အသုံးမပြုတော့ဘဲစွန့်ပစ်ထားတဲ့ရထားလမ်းပေါ်ရှိ ရထားတွဲတွေကိုဇိမ်ခံဟိုတယ်အဖြစ်ပြောင်းလဲဆောက်လုပ်လိုက်ပါတယ်။

အဆိုပါမီးရထားဟိုတယ်ကြီးဟာ တံတားတစ်ခုပေါ်မှာ ခုတ်မောင်းသွားလာခြင်းမရှိတော့ဘဲအမြဲရပ်တန့်ထားထာဖြစ်ပြီး လာရောက်လည်ပတ်တဲ့ခရီးသည်တွေကတော့ ရထားပေါ်ကနေ တောရိုင်းထဲရှိတိရိစ္ဆာန်ဥယျာဉ်ကမ္ဘာကို ငေးမောကြည့်ရှုနိုင်မှာဖြစ်ပါတယ်။

တံတားတစ်နေရာမှာ ရေကန်ငယ်လေးတစ်ခုကိုတည်ဆောက်ထားပြီး ညနေဆည်းဆာချိန်မှာ ကော်ဖီလက်ဖက်ရည်သောက်ရင်း လေညင်းခံအနားယူနိုင်မှာဖြစ်ပါတယ်။

တံတားပေါ်ကကြည့်ရှုရတဲ့မြင်ကွင်းတွေထဲမှာ မျောက်လွှဲကျော်၊ ရေမြင်း၊ ကျားသစ်၊ တောဆိတ်စတဲ့ သတ္တဝါတွေ သူတို့သဘာဝအတိုင်းသွားလာလှုပ်ရှားနေကြတာကို တွေ့မြင်ရပါတယ်။

Source AFP

Published 11 April 2022

“ပဋိပက္ခ အမြင့်ဆုံးအချိန်ဖြစ်သွားပြီးရင်လည်း အဆုံးမှာတော့ နိုင်ငံရေးဆွေးနွေးမှုနှင့်ပဲ အဆုံးသတ်ရတာပဲ။ ပြောကြစို့ဆိုရင် နိုင်ငံအလိုက်ဖြစ်တဲ့ စစ်ပွဲတွေပဲဖြစ်ဖြစ် ကမ္ဘာ့စစ်ကြီးတွေမှာတောင်မှ နောက်ဆုံးစာပွဲဝိုင်းနှင့်ပဲအဆုံးသတ်ရတာပဲ”

ဦးကိုကိုကြီး-ဥက္ကဋ္ဌ-ပြည်သူ့ပါတီ

ရုပ်သံကြည့်ရှုရန်..

Published 11 April 2022

အက်ပဲလ်က ယင်းရဲ့ iPhone 13 ကို အိန္ဒိယနိုင်ငံမှာ စတင်ထုတ်လုပ်နေပြီဖြစ်တယ်လို့  ဧပြီ၁၁ရက် တနင်္လာနေ့က ကုမ္ပဏီက ပြောပါတယ်။ အမေရိကန် နည်းပညာဘီလူးကြီးဖြစ်တဲ့ အက်ပဲလ်ဟာ တရုတ်နိုင်ငံရဲ့ ထောက်ပို့ကွင်းဆက်အပေါ် မှီခိုနေရတာကို လျှော့ချတဲ့အနေနှင့် ယခုလို ဆောင်ရွက်ခြင်းဖြစ်တယ်လို့ ရိုက်တာကရေးပါတယ်။

အက်ပဲလ်ရဲ့ ထိုင်ဝမ်က ထုတ်လုပ်ရေးကန်ထရိုက်တာ Foxconn ရဲ့ အိန္ဒိယပြည်တွင်းက စက်ရုံမှာ အိုင်ဖုန်းတွေ ထုတ်လုပ်နေတာဖြစ်တယ်လို့ သိရပါတယ်။ အဲဒီစက်ရုံဟာ အိန္ဒိယနိုင်ငံ တောင်ပိုင်း တမီလ်နာဒူးပြည်နယ်  က ဆရီပါရမ်ဘူဒါမြို့မှာတည်ရှိပါတယ်။

အက်ပဲလ်ဟာ တရုတ်နိုင်ငံမှာရှိတဲ့ ယင်းရဲ့ အိုင်ဖုန်းထုတ်လုပ်ရေး အချို့သောနယ်ပယ်တွေကို တရုတ်ကနေ ကမ္ဘာ့ဒုတိယအကြီးဆုံး စမတ်ဖုန်းဈေးကွက်ဖြစ်နေတဲ့  အိန္ဒိယအပါအဝင် အခြားဈေးကွက်တွေဆီ ရွှေ့ပြောင်းနေပါတယ်။ အက်ပဲလ်ဟာ အိုင်ပက် တက်ဗလက်တွေiPad tablets ကိုလည်း အိန္ဒိယက အဲဒီစက်ရုံမှာ တပ်ဆင်ဖို့ စီစဉ်နေပါတယ်။

တရုတ်နိုင်ငံကနေ ထုတ်လုပ်မှုတွေကို ခွဲထွက်ထုတ်လုပ်ဖို့ အမေရိကန်အမှတ်တံဆိပ်တွေဟာ ကြိုးစားလာကြတဲ့ အလျောက် အိန္ဒိယနှင့် မက္ကဆီကိုနှင့် ဗီယက်နမ်တို့လို အခြားသော နိုင်ငံတွေဟာ ယင်းတို့ကို ကန်ထရိုက်စနစ်ဖြင့် ထုတ်လုပ်ဖို့ အရေးပါမှုတွေ မြင့်တက်လာနေတာဖြစ်ပါတယ်။

အက်ပဲလ်ဟာ ၂၀၁၇ခုနှစ်မှာ iPhone SE ကို အိန္ဒိယမှာ ထုတ်လုပ်မှုစတင်ခဲ့ပြီးနောက် iPhone 13 ဟာ စတုတ္ထမြောက်ထုတ်လုပ်တဲ့ အက်ပဲလ်မိုဒယ်လ်ဖြစ်တယ်လို့ ရိုက်တာကရေးသားပါတယ်၊

 Source Reuters

Published 11 April 2022

တောင်ကိုးရီးယားနိုင်ငံမှာ အသက်(၉)နှစ်နှင့်အောက် ကလေးသူငယ်တွေအားလုံးရဲ့ တစ်ဝက်ခန့်ဟာ ကိုဗစ် ကူးစက်ခံခဲ့ကြရတယ်လို့ တောင်ကိုးရီးယားရောဂါထိန်းချုပ်ကာကွယ်ရေးဌာနKDCAက ပြောပါတယ်။

အဆိုပါဌာနရဲ့ ပြီးခဲ့တဲ့ စနေနေ့က သတင်းထုတ်ပြန်ချက်အရ  ကိုဗစ်ကူးစက်ခံရတဲ့  အသက်(၉)နှစ်နှင့်အောက် ကလေးသူငယ်တွေစုစုပေါင်းဟာ ၁,၈၈၇,၃၃၇ ဦး( ၁.၈၉ သန်းနီးပါး)ရှိတယ်လို့ သိရပါတယ်။ ဆိုလိုတာက အဲဒီ အသက်အရွယ်အုပ်စု တစ်သိန်းမှာ ၅၀,၁၉၀ ဦးကူးစက်ခံနေရတာဖြစ်ပါတယ်။ အခြားအသက်အုပ်စုတွေနှင့် ယှဉ်ရင် ဒီအသက်အုပ်စုဟာ ကူးစက်မှုအမြင့်ဆုံးဖြစ်နေပါတယ်။

အခြားအသက်အုပ်စုတွေထဲမှာ အသက်၁၀နှစ်နှင့် ၁၉နှစ်အကြားဟာ ဒုတိယမြောက် ကူးစက်မှုအမြင့်ဆုံးဖြစ်ပြီး  လူတစ်သိန်းမှာ ၄၃,၂၈၉ ဦးကူးစက်ခံနေရတာဖြစ်ပါတယ်။

ဖေဖော်ဝါရီနှင့် မတ်လတွေမှာ အိုမီခရွန်မျိုးကွဲ နိုင်ငံအနှံ့ပျံ့နှံ့ကူးစက်မှုတွေကြောင့် ကိုဗစ်ကပ်ရောဂါဟာ တောင်ကိုးရီးယားမှာ ခပ်မြန်မြန်မြင့်တက်လာခဲ့ပါတယ်။ အထူးသဖြင့် နေ့စဉ်ကူးစက်မှုတွေဟာ မြင့်တက်လာနေပြီး မတ်၁၇ရက်တစ်ရက်တည်းမှာ လူပေါင်း ခြောက်သိန်းနှစ်သောင်းကျော် ကူးစက်ခံခဲ့ရပါတယ်။ အဲဒီအရေအတွက်ဟာ တောင်ကိုးရီးယားမှာ ကိုဗစ် စတင်ကူးစက်ကတည်းက အမြင့်ဆုံးဖြစ်ပါတယ်။

တောင်ကိုးရီးယားဟာ မတ်လလယ်တုန်းက အသက်၁၂နှစ်နှင့် ၁၇နှစ်အကြား ကလေးသူယ်တွေကို အားမြှင့်ကာကွယ်ဆေး စတင်ထိုးနှံပေးခဲ့ပါတယ်။ မတ်လအကုန်မှာတော့ အသက် ၅နှစ်နှင့် ၁၁နှစ်အကြားကလေးတွေကို ကာကွယ်ဆေး စတင်ထိုးပေးခဲ့တယ်လို့ ယွန်ဟပ် သတင်းအေဂျင်စီရဲ့ သတင်းပေးပို့ချက်အရသိရပါတယ်။

ဆယ်ကျော်သက်တွေ ကိုဗစ်ကူးစက်ခံနေရတဲ့အတွက် အများပြည်သူတွေ အထူးသဖြင့် မိဘတွေဟာ စိတ်ပူပန်မှုတွေ ရှိလာနေပါတယ်။ မိဘတော်တော်များများက သူတို့ကလေးတွေ ကျောင်းပျက်မှာကို မလိုလားကြပါဘူး။

တရားဝင်ထုတ်ပြန်တဲ့ ကိန်းဂဏန်းတွေအရ မတ်၂၉ရက်နှင့် ဧပြီ ၄ ရက်အကြားမှာ အလယ်တန်းနှင့် အထက်တန်း ကျောင်းသား ကျောင်းသူ တစ်သိန်းကျော် ကိုဗစ်ကူးစက်ခံခဲ့ရတယ်လို့သိရပါတယ်။ အဲဒီအချက်အလက်တွေအရ တစ်ရက် တစ်ရက်ကို အလယ်တန်းကျောင်းသား တစ်သောင်းလေးထောင်ကျော် ကူးစက်ခံနေရတဲ့ သဘောပဲဖြစ်ပါတယ်။

ဒီလအကုန်ပိုင်းမှာ မူလတန်းနှင့် အလယ်တန်းတွေ နှစ်ဝက်စာမေးပွဲတွေ စစ်ဖို့ရှိနေပါတယ်။ ကိုဗစ်ကူးစက်ခံနေရတဲ့ ကျောင်းသူကျောင်းသားတွေကို စာမေးပွဲ ဖြေဆိုခွင့်မပေးဘူးလို့ ပညာရေးဝန်ကြီးဌာနက ကြေညာခဲ့တယ်။ ဒါပေမယ့် သူတို့ အရင်ရခဲ့တဲ့ အမှတ်တွေအပေါ် အခြေခံပြီး အမှတ်သတ်မှတ်ပေးမယ်လို့ ဝန်ကြီးဌာနကဆိုပါတယ်။

ပညာရေးဝန်ကြီးဌာနရဲ့ ဆုံးဖြတ်ချက်အပေါ် အငြင်းပွားမှုတွေဖြစ်လာခဲ့ပါတယ်။ မိဘတော်တော်များများက အဲသလိုဆိုရင် သူတို့သားသမီးတွေ အမှတ်လျှော့ခံကြရမှာနှင့် အဲဒါက အနာဂတ်မှာ ကောလိပ်ကျောင်းလျှောက်တဲ့အခါ အခက်ဖြစ်စေနိုင်မှာကို စိတ်ပူပန်နေကြပါတယ်။

မိဘတွေနှင့် ကျောင်းသူကျောင်းသားတွေဆီက အသနားခံမှုတွေအများအပြားရရှိပြီးနောက်  ကိုဗစ်ကူးစက်ခံရတဲ့ ကျောင်းသူကျောင်းသားတွေ နှစ်ဝက်စာမေးပွဲဖြေနိုင်မယ့် အခြေအနေကို ပြန်သုံးသပ်မယ်လို့ တုန့်ပြန်ခဲ့ပါတယ်။

တောင်ကိုးရီးယားနိုင်ငံမှာ စနေနေ့ညက ကိုဗစ် ကူးစက်မှုအသစ် ၁၆၄,၄၈၁ ဦးရှိခဲ့ပြီး စုစုပေါင်းကူးစက်ခံရသူပေါင်း ၁၅,၃၃၃,၆၇၀ရှိပြီဖြစ်ပါတယ်။

Source CMG

#LocalNews
Published_11 April 2022

ရခိုင်ပြည်နယ် စစ်တွေမြိုဝေသာလီကွင်းတွင် ရခိုင်နာမည်ကြီးအဆိုတော်များဖြင့် သင်္ကြန်အကြို "ဂန္တဝင်များရဲ့အိမ်အပြန်" ဂီတဖျော်ဖြေပွဲပြုလုပ်မည်ဖြစ်ကြောင်း Rakhapura Entertainment Group ဥက္ကဋ္ဌ ဦးသိန်းထိုက်ဇော်ကပြောသည်။

ဧပြီလ ၁၂ ရက်တွင်ပြုလုပ်မည့် အဆိုပါ ဂီတဖျော်ဖြေပွဲတွင် ရခိုင်ဂီတနာမည်ကြီး အဆိုတော်များ ဖြစ်ကြသော မြတ်ခိုင်ကျော်၊ ဝင်းကိုခိုင်၊ ခိုင်ကျော်လင်း၊ သိန်းထိုက်ဇော်၊ နေထက်လင်း၊ ညီမင်းခိုင်၊ ဒိုးရ်အီ တို့ အပါဝင် အခြားနာမည်ကြီး အဆိုတော်များနှင့် မျိုးဆက်သစ် အဆိုတော်များ ပါဝင်ကြမည်ဖြစ်ကြောင်း သိရသည်။

ဂီတဖျော်ဖြေပွဲအတွက် ဝင်ခွင့်လက်မှတ်ကို ကျပ်တစ်သောင်း၊ နှစ်သောင်း၊သုံးသောင်း သတ်မှတ်ရောင်းချမည် ဖြစ်ကြောင်း၊အဆိုပါ ဂီတဖျော်ဖြေပွဲမှ ရရှိသောငွေကြေးများကို ရက္ခပူရယူနိုက်တက်ဘောလုံးအသင်းရန်ပုံငွေအဖြစ် လှူဒါန်းသွားမည်ဖြစ်ကြောင်းလည်း သိရသည်။

ymg/mt
#Yangon_Media_Group

#Local_News
Published_ 11 April 2022

သင်္ကြန်ရုံးပိတ်ရက်ကာလတွင် ရန်ကုန်ရှိ ဆိပ်ကမ်းဝန်ဆောင်မှုများ ပိတ်ရက်မရှိ ဆောင်ရွက်ပေးမှာဖြစ်ကြောင်း သိရပါတယ်။

သင်္ကြန်ရုံးပိတ်ရက်များဖြစ်သည့် ဧပြီ ၉ ရက်မှ ၁၇ ရက်အထိ ဆိပ်ကမ်းဝန်ဆောင်မှုများကို ပိတ်ရက်မရှိ ဖွင့်လှစ်ဆောင်ရွက်ပေးသွားမည်ဟု မြန်မာ့ဆိပ်ကမ်းအာဏာပိုင်က အသိပေးကြေညာထားပါတယ်။

ကုန်သွယ်မှုနှင့် ကုန်စည်စီးဆင်းမှုများ ပုံမှန်လည်ပတ်နိုင်ရေးအတွက် မြန်မာ့ဆိပ်ကမ်းအာဏာပိုင်နှင့် ရန်ကုန်ဆိပ်ကမ်းရှိ ဆိပ်ကမ်းတံတားများအားလုံး၏ ဆိပ်ကမ်းဝန်ဆောင်မှုများကို ဖွင့်လှစ်ဆောင်ရွက်ပေးသွားမှာဖြစ်ကြောင်း ဆိုပါတယ်။

ymg-mnn
#Yangon_Media_Group

Published 11 April 2022

မူးယစ်ဆေးဝါး ဂိုဏ်းတွေဟာ အန္တရာယ်ရှိလှတဲ့ ဆေးခြောက်သကြားလုံးတွေနှင့် လူငယ်တွေကို ရာဇဝတ်လုပ်ငန်းတွေထဲ သွေးဆောင်ဖြားယောင်းကာ ဆွဲသွင်းနေတယ်လို့  လန်ဒန်ထုတ် The Sun သတင်းစာကရေးသားလိုက်ပါတယ်။

ပြီးခဲ့တဲ့ အပတ်က လန်ဒန်မြို့တော်မှာ အသက်၂၃နှစ်အရွယ် ဒါမီလိုလာ အိုလာကန်မီဟာ “Gummy Bear”မူးယစ်သကြားလုံး စားခဲ့ပြီးနောက် သေဆုံးခဲ့ရပါတယ်။  

မူးယစ်ဆေးဝါးရောင်းဝယ်ဖောက်ကားသူတွေဟာ ဆယ်ကျော်သက်အရွယ်တွေနှင့် သူတို့ထက်ပင်ငယ်ရွယ်တဲ့ကလေးငယ်တွေကို ဆေးခြောက်သကြားလုံးတွေ ကျွေးပြီး သူတို့ရဲ့ ရာဇဝတ်ဂိုဏ်တွေထဲ စည်းရုံး ဆွဲသွင်းနေကြတာတွေ့ရတယ်လို့ ဗြိတိန်ထောက်လှမ်းရေးတွေကပြောပါတယ်။

ဝိတ်ခ်ဖီးမှာရှိတဲ့ အိမ်တစ်အိမ်ကနေ မကြာသေးခင်ကပဲ အနောက်ယောက်ရှိုင်းယားရဲတွေက ပေါင်စတာလင်း သုံးသိန်းတန်ဖိုးရှိတဲ့ ဆေးခြောက် စားဖွယ်ရာတွေကို သိမ်းဆည်းရမိခဲ့ပါတယ်။

အဲဒီစားဖွယ်ရာတွေဟာ သကြာလုံးတွေနှင့် ဆင်တူအောင်လုပ်ထားတာဖြစ်ပြီး အရောင်မျိုးစုံနှင့် ထုတ်ပိုးထားပါတယ်။

ပြီးခဲ့တဲ့ခြောက်လတာမျှ ကာလအတွင်း အလားတူတွေ့ရှိမှုမျိုး ၁၅၀ခန့်ကို ရရှိထားတယ်လို့ အရှေ့အင်္ဂလန်အရာရှိတွေက ပြောပါတယ်။

“ ဂိုဏ်းအဖွဲ့တွေဟာ လူငယ်တွေကို ပစ္စည်းပေးပို့တဲ့အလုပ်တွေအပါအဣင် ရာဇဝတ်မှုခင်းတွေထဲ ဖြားယောင်သိမ်းသွင်းနေတာကို ကျွန်တော်တို့ စိတ်ပူပန်မိပါတယ်”လို့ ထောက်လှမ်းရေးအရာရှိတစ်ဦးဖြစ်တဲ့ ကယ်လီဂရေးက ပြောပါတယ်။

Source The Sun