Published 16 May 2022

မြောက်အမေရိကတိုက်တွင် မေ၁၅ရက်ညက လအပြည့်အဝကြတ်ခြင်းကို မြင်တွေ့ကြရပါတယ်။ လမျက်နှာပြင်ပေါ် ကမ္ဘာရဲ့  အရိပ်ကျတာ သုံးနာရီခွဲကြာမြင့်တဲ့အတွက် အရှည်ကြာဆုံး လကြတ်မှု    လည်းဖြစ်ပါတယ်။ လော့အိန်ဂျလိစ်မှာ အပြည့်အဝ    လကြတ်ခဲ့တာကို မှတ်တမ်းတင်ထားတဲ့ရုပ်သံ တင်ဆက်လိုက်ရပါတယ်။ ဒီလိုလကြတ်တာကို ၂၀၂၉မှ နောက်တစ်ကြိမ်   တွေ့ရမှာမို့ ဒါဟာ  ကြုံတောင့်ကြုံခဲအခွင့်အရေးဖြစ်ပါတယ်။

Source AFP

#Local_News
Published_ 16 May 2022

နိုင်ငံဖြတ်ကျော်ပေးချေမှုများဆိုင်ရာ ဆန်းသစ်တီထွင်မှုများ ပိုမိုတိုးတက်လာစေရေး အာရှဗဟိုဘဏ်များ ငွေစာရင်းရှင်းလင်းရေးအဖွဲ့ (အေစီယူ) ဒါရိုက်တာအဖွဲ့ အစည်းအဝေးတွင် ဆွေးနွေးခဲ့ကြောင်း သိရပါတယ်။

မြန်မာနိုင်ငံတော်ဗဟိုဘဏ်ဥက္ကဋ္ဌ ဦးသန်းညိန်းသည် အကြိမ် (၅၀) မြောက် အာရှဗဟိုဘဏ်များ ငွေစာရင်းရှင်းလင်းရေးအဖွဲ့ (အေစီယူ) ဒါရိုက်တာအဖွဲ့အစည်းအဝေးသို့ တက်ရောက်ဆွေးနွေးခဲ့ကြောင်း သိရပါတယ်။

အစည်းအဝေးတွင် အေစီယူနိုင်ငံများအကြား ပြည်တွင်းသုံးငွေကြေးဖြင့် ပေးချေမှုများ အကောင်အထည် ဖော်ဆောင်ရွက်နိုင်ရေးနှင့် အေစီယူစနစ် ပိုမိုကျယ်ပြန့် အားကောင်းခိုင်မာလာစေရေးတို့ကိုလည်း ဆွေးနွေးခဲ့ကြောင်း သိရပါတယ်။

အဆိုပါ အစည်းအဝေးသို့ မြန်မာနိုင်ငံတော်ဗဟိုဘဏ်ဥက္ကဋ္ဌ ဦးသန်းညိန်း ဦးဆောင်၍ ညွှန်ကြားရေးမှူးချုပ်ဒေါ်ခိုင်ရွှေဝါ၊ ဒုတိယညွှန်ကြားရေးမှူး ဦးမြင့်ဇော်တို ပါဝင်သော မြန်မာကိုယ်စားလှယ်အဖွဲ့ဟာ မေ ၁၂ ရက်မှ ၁၃ ရက်အထိ ပါကစ္စတန်နိုင်ငံ အစ္စလာမ္မာဘတ်မြို့တွင် တက်ရောက်ခဲ့တာဖြစ်ပါတယ်။

အေစီယူအဖွဲ့ဝင်နိုင်ငံ ကိုးနိုင်ငံဖြစ်တဲ့ အိန္ဒိယ၊ ပါကစ္စတန်၊ အီရန်၊ သီရိလင်္ကာ၊ ဘင်္ဂလားဒေ့ရှ်၊ နီပေါ၊ မြန်မာ၊ ဘူတန်၊ မော်လ်ဒိုက်နိုင်ငံတို့မှ ကိုယ်စားလှယ်များ တက်ရောက်ခဲ့ကြောင်း သိရပါတယ်။

အေစီယူအဖွဲ့ဝင်နိုင်ငံများ၏ စီးပွားရေးတိုးတက်ဖွံ့ဖြိုးမှုနှင့် အလားအလာများ၊ ၂၀၂၀ ဘဏ္ဍာနှစ်အတွင်း အေစီယူ၏ဆောင်ရွက်ချက်များနှင့် တိုးတက်အောင်မြင်မှုများ၊ အေစီယူ ကျွမ်းကျင်မှုကော်မတီမှ အကြံပြုတင်ပြချက်များကို အဖွဲ့ဝင်နိုင်ငံများမှ ကိုယ်စားလှယ်များက အပြန်အလှန် ဆွေးနွေးခဲ့ကြကြောင်း သိရပါတယ်။

ymg-mnn
#Yangon_Media_Group

#WorldPolitics
Published 16 May 2022

ဖင်လန်နိုင်ငံနဲ့ ဆွီဒင်နိုင်ငံတို့မှအစိုးရအဖွဲ့များက (NATO)နေတိုးအဖွဲ့ဝင်ဖြစ်မြောက်ရေး လျှောက်ထားသွားမယ်လို့ မေ ၁၅ ရက်နေ့က ကြေညာလိုက်ပါတယ်။

ယူကရိန်းကို ကျူးကျော်လာတဲ့ ရုရှားရန်ကြောင့် နေတိုးအဖွဲ့ဝင်အဖြစ် အသိအမှတ်ပြုခံရဖို အရှိန်မြှင့် လုပ်‌ဆောင်လာတာဖြစ်ပါတယ်။

အဆိုပါ လျှောက်ထားချက်ကိုအတည်ပြုဖို့ ဖင်လန်လွှတ်တော်မှာ တနင်္လာနေ့မှာ ဆွေးနွေးညှိနှိုင်းရဦးမှာ ဖြစ်ပါတယ်။

နေတိုးအဖွဲ့ထဲဝင်ရောက်ဖို့ ဥပဒေရှေ့နေအများစုနဲ့ အများပြည်သူကလည်း ထောက်ခံနေကြပြီး တရားဝင်လျှောက်ထားဖို့သာ လိုအပ်နေတာဖြစ်ပါတယ်။

အဖွဲ့ဝင်လျှောက်ထားရေးကိစ္စကို ဖင်လန်သမ္မတ’ဆော်လီနီနစ္စတို’က ဟယ်လ်ဆင်ကီရှိ သမ္မတအိမ်တော်မှာ သတင်းထောက်တွေကို အတည်ပြု ပြောကြားသွားပါတယ်။

အဲဒီမတိုင်ခင်က ထိုကိစ္စအကြောင်းကို ရုရှားသမ္မတ’ပူတင်’အား အသိပေးခဲ့ရာ နှစ်နိုင်ငံဆက်ဆံရေး ထိခိုက်စေလိမ့်မယ်လို့ တုန့်ပြန်သတိပေးလိုက်ပါတယ်။

“ပြည်သူ့သမ္မတအစိုးရအဖွဲ့နဲ့ နိုင်ငံခြားရေးပေါ်လစီကော်မတီတိုက လွှတ်တော်နဲ့တိုင်ပင်ဆွေးနွေးပြီးတဲ့ အချိန်ကျရင် နေတိုးအဖွဲ့ဝင်လျှောက်ထားဖို့ သဘောတူထားပါတယ်” လို့ မစ္စတာ’နီနစ္စတို’က ပြောကြားသွားပါတယ်။

“ဖင်လန်နိုင်ငံရဲ့လုံခြုံရေးကို ခြိမ်းခြောက်တာမျိုးမရှိဘဲနဲ့ စစ်ရေးကိစ္စကြားနေ ရပ်တည်တဲ့အစဉ်အလာကို ချိုးဖောက်မယ်ဆိုရင် အမှားကြီးမှားသွားမှာဖြစ်ကြောင်း ‘ပူတင်’ကသတိပေးလိုက်ပါတယ်” လို့ ရုရှားအုပ်ချုပ်ရေးအခြေစိုက် ကရန်မလင်နန်းတော်မှ ထုတ်ပြန်ကြေညာလိုက်ပါတယ်။

ဖင်လန်သမ္မတက ရုရှားခြိမ်းခြောက်မှုကို ဘေးချိတ်ထားကာ ရုရှားဘက်ကဖြည်းဖြည်းချင်း တွန်းအားပေးလာနိုင်ပေမယ့် စစ်ရေးတိုက်ခိုက်မှုတွေနဲ့တော့ ရင်မဆိုင်ရလောက်ဘူးလို့ ယူဆနေပါတယ်။

အရင်အစဉ်အလာဖြစ်တဲ့ စစ်ရေးကြားနေရပ်တည်ရေးကို လက်လွှတ်ကာ နေတိုးအဖွဲ့ဝင်ဖြစ်မြောက်ရေး လျှောက်ထားဖို့ကို လက်ခံထားတဲ့ အကြီးတန်းအရာရှိတွေရှိသကဲ့သို့ အလျင်စလိုပြုလုပ်ဖို့ မလိုဘူးဆိုပြီး သဘောထားကွဲလွဲသူများလည်း ရှိနေပါတယ်။

ဖင်လန်နဲ့ဆွီဒင်နိုင်ငံတို့ နောက်အပတ်မှာ အတူတကွလျှောက်ထားနိုင်ဖို့မျှော်မှန်းထားကြောင်း ဖင်လန်ဝန်ကြီးချုပ်’ဆန်နာမာရင်’က ဖော်ပြခဲ့ပါတယ်။

အဖွဲ့ဝင်ဖြစ်မြောက်ရေး အောင်မြင်မှုရဖို့ ရက်သတ္တပတ်အကုန်မှာ နေတိုးနိုင်ငံခြားရေးဝန်ကြီးများက ဘာလင်မြို့မှာ ဆွေးနွေးတိုင်ပင်သွားမှာ ဖြစ်ပါတယ်။

“အလျင်အမြန်သဘောတူညီချက်ရဖို့ ဂျာမနီက အားလုံးပြင်ဆင်ထားပါတယ်။ သူတို့အတွက် လုံခြုံရေး အာမခံချက်ရရှိဖို့လိုအပ်ပြီး ကြားနေဝိဝါဒဖြစ်နေတာမျိုး မရှိစေရပါဘူး” လို့ နိုင်ငံခြားရေးဝန်ကြီး’အန်နာလီနာဘာဘော့ဂ်’က ပြောဆိုခဲ့ပါတယ်။

နေတိုးအဖွဲ့ဝင်ဖြစ်ဖို့ လက်ရှိအဖွဲ့ဝင် ၃၀ နိုင်ငံစလုံးက တညီတညွတ်တည်းသဘောတူဖို့ လိုအပ်နေပြီး တူရကီလိုနိုင်ငံမျိုးက ယခုကိစ္စကို ကန့်ကွက်ဖို့ဆန္ဒရှိနေပါတယ်။

ဒါပေမဲ့လည်း တူရကီကိုဖိတ်ကြားညှိနှိုင်းပြီး နေတိုးအဖွဲ့ဝင်ဖြစ်မြောက်ရေးကို အဟန့်အတားမဖြစ်စေဖို့ ကြိုးပမ်းနိုင်လိုရကြောင်း နေတိုးအထွေထွေအတွင်းရေးမှူးချုပ်'ယန်းစ်စတိုလ်တန်ဘာ့ဂ်’က ပြောပါတယ်။

အမေရိကန် နိုင်ငံခြားရေးဝန်ကြီးကလည်း တူရကီနိုင်ငံခြားရေးဝန်ကြီးနဲ့ ပြောဆိုပြီးနောက် အားလုံးရဲ့သဘောတူညီချက်ရရှိနိုင်မယ်လို့ ယုံကြည်နေပါတယ်။

Source: The Straits Times
#Yangon_Media_Group

#WorldHealth

Published 16 May 2022

သိပ္ပံပညာရှင်တွေက ပျက်စီးနေတဲ့နှလုံးတစ်ရှူးများကို ကုသနိုင်ခဲ့ရာ နှလုံးရောဂါဝေဒနာရှင်များ သက်တမ်းပိုမိုကြာရှည်စွာ နေထိုင်နိုင်တော့မှာဖြစ်ပါတယ်။

နှလုံးရောဂါဖြစ်တဲ့သူတွေမှာ သူတို့ရဲ့နှလုံးက ပြုပြင်နိုင်စွမ်းအလွန်အားနည်းသွားပြီး ကျုံနိုင်ဆန့်နိုင်ခြင်းမလုပ်နိုင်တဲ့ အမာရွတ်တစ်ရှူးများကျန်ခဲ့ပါတယ်။

အခုတော့ ဂျာမနီ၊ ဆွီဒင်တို့နဲ့ အက်စ်ထရာဇန်နီကာကုမ္ပဏီတို့မှ သိပ္ပံပညာရှင်များက ပင်မ stem ဆဲလ်များကိုအသုံးပြုပြီး နှလုံးတစ်ရှူးများပိုမိုထိရောက်လှုပ်ရှားနိုင်အောင် ကုသနည်းဖန်တီးနိုင်ခဲ့ပါတယ်။

HVP ဆဲလ်တွေကိုအသုံးပြုပြီး ဝက်တွေမှာရှိတဲ့နှလုံးဆဲလ်တွေကို ပြန်လည်ကောင်းမွန်လာအောင် ပြုလုပ်နိုင်ခဲ့ကြပါတယ်။

အဆိုပါဆဲလ်တွေက ကြီးထွားဖွံ့ဖြိုးလာတဲ့အချိန်မှာ အတွင်းအင်္ဂါပြန်လည်ဖွဲ့စည်းဖို့ အဓိကပါဝင်ပေးပြီး လိုအပ်တဲ့နေရာမှာ နှလုံးဆဲလ်များအဖြစ် ပြောင်းလဲပေးပါတယ်။

လူသားတွေနဲ့ လက်တွေ့စမ်းသပ်မှုကို လာမယ့် ၂ နှစ်အတွင်းစမ်းသပ်သွားဖို့မျှော်လင့်ထားကြောင်း Nature Cell Biology ဂျာနယ်မှာ ဖော်ပြသွားပါတယ်။

ဒီစမ်းသပ်မှုကို မြူးနစ်နည်းပညာတက္ကသိုလ်၊ ဆွီဒင်ကယ်ရိုလင်စကာတက္ကသိုလ်နဲ့ ကိုဗစ်ကာကွယ်ဆေးထုတ်လုပ်ရေးကုမ္ပဏီ အက်စ်ထရာဇန်နီကာမှ သုတေသီများက ဆောင်ရွက်ခဲ့တာဖြစ်ပါတယ်။

သူတို့ရဲ့စမ်းသပ်ချက်မှာ ရှုပ်ထွေးလှတဲ့မော်လီကျူးဖြစ်စဉ်များပါဝင်ပြီး နှလုံးကြွက်သားတဝိုက်ရှိ ပျက်စီးနေတဲ့နေရာတွေကို ပြုပြင်ပေးပါတယ်။

ဝက်တွေရဲ့ဇီဝကမ္မဖြစ်စဉ်က လူသားတွေနဲ့နီးစပ်တာကြောင့် ဝက်တွေရဲ့ပျက်စီးနေတဲ့နှလုံးကို စမ်းသပ်ခဲ့ကြတာပါ။

သူတို့ရဲ့ကုသနည်းက ကြီးမားတဲ့သတ္တဝါတွေမှာတောင် ဘေးထွက်ဆိုးကျိုးမရှိဘဲ နှလုံးကိုပြုပြင်ကုသပေးနိုင်ကြောင်း ပြောကြားခဲ့ပါတယ်။

အက်စ်ထရာဇန်နီကာမှ ဦးဆောင်သုတေသီဒေါက်တာ'ရက်ဂျီနာဖရစ်ချ်ဒန်နီယယ်ဆန်'က "နှလုံးတစ်ရှူးများပြန်လည်ဖွဲ့စည်းအောင်ကုသနိုင်ခဲ့ပြီး နှလုံးလုပ်ဆောင်ချက်များ တိုးတက်ကောင်းမွန်လာကာ အမာရွတ်လျော့နည်းသွားပါတယ်" လို့ ဆိုပါတယ်။

နှလုံးရောဂါရှိတဲ့သူတွေဟာ သွေးကြောများနဲ့ နှလုံးကြွက်သားဆဲလ်များသေဆုံးပြီးနောက် အမာရွတ်တစ်ရှူးများက အစားထိုးဖြည့်လာပြီး နှလုံးလုပ်ဆောင်ချက်ကို ပျက်စီးယိုယွင်းစေတာဖြစ်ပါတယ်။

Source: DailyMail.
#Yangon_Media_Group

#LocalNews
Published_16 May 2022

မွန်ပြည်နယ် ကျိုက်ထိုမြို့နယ်ရှိ ဆံတော်ရှင်ကျိုက်ထီးရိုး စေတီတော်မြတ်ကြီး ကျောက်လုံးတော်ကြီးအား ယနေ့ မေလ ၁၆ ရက် နံနက် ၂ နာရီခန့် မိုးကြိုးအနည်းခ(စက်ကွင်း) မိသွားကြောင်း စေတီတော် ဂေါပကအဖွဲ့က YMG ကို ပြောသည်။

"ဒီနေ့ မနက်ပိုင်းပေါ့။ ၂ နာရီလောက်က မိုးသည်းသည်းထန်ထန်ရွာတယ်။ အဲအချိန်မှာ မိုးကြိုးစက်ကွင်း မလွတ်တာပေါ့။ ရွှေသင်္ကန်းနည်းနည်း ကွာကျသွားတယ်။ ဂေါပကအဖွဲ့က အခု သွားပြီးတော့ စစ်ဆေးနေကြပြီ၊ ဘာမှတော့ အများကြီးမဖြစ်ဘူး"ဟု ဂေါပက အဖွဲ့ဝင်တစ်ဦးကပြောသည်။

ပြီးခဲ့သည့် ၂၀၁၉ ခုနှစ် ခေလ ၁၅ ရက် ညပိုင်းကလည်း စမတောင်နှင့် ဝိဇ္ဇာတောင်ကြားရှိ လျှိုထဲသို့ မိုးကြိုးပစ်ချလိုက်သောကြောင့် စေတီတော်တွင် ကပ်လှူထားသည့် အလေးချိန် ၇၂ ကျပ်သားခန့်ရှိ ရွှေသင်္ကန်းအချို့ကွာကျခဲ့ကာ ကျိုက်ထီးရိုးဘုရားအဝင်အနီးရှိ ကျောက်သမံစေတီ အနီးခြေနင်းကျောက်ပြား အနည်းငယ်ပျက်စီးခဲ့သေးသည့် ဖြစ်စဉ်ရှိခဲ့ဖူးသည်။

"လုံးတော်ပြည့်ရွှေသင်္ကန်းကပ်ပြီး မိုးကြိုးခတာ ဒါနဲ့ဆိုရင် နှစ်ကြိရှိပြီ။ မိုးကြိုးပစ်တာကြောင့် ကျောက်လုံးတော်ကြီး တုန်သွားတဲ့အတွက် ရွှေသရိုးဖတ်တွေ ကွာကျသွားတာပေါ့။ အများကြီး ဖြစ်တာမဟုတ်ဘူး။ ကျောက်လုံးတော်ကြီးပတ်လည်မှာ ကွာကျတဲ့ ရွှေသရိုးဖတ် ၄၀ ကျပ်သားလောက်ရတယ်လို့ ကြားပါတယ်။ အမှိုက်ရောရာ ရွှေမှုန်ရွှေစတွေက ၂၄ကျပ်သားလို့ သိရတယ်"ဟု ကျိုက်ထိုဒေသခံတစ်ဦးက ပြောသည်။

ယင်းအပြင် ၂၀၁၈ ခုနှစ် စက်တင်ဘာလ ၁၅ ရက်၊ ညနေ ၆ နာရီ ခွဲခန့်က ကျိုက်ထီးရိုးတောင်ပေါ် ရင်ပြင်တော်စခန်းရှိ မုဆိုးတောင်စေတီတော် မိုးကြိုးခမှုဖြစ်ပွားခဲ့သေးကြောင်း၊ ၂၀၁၅ ခုနှစ်တွင်လည်း စေတီတော်ကျောက်လုံးတော်ကြီး မိုးကြိုးကြောင့် ရွှေသင်္ကန်း ၇ ပိဿာကျော် ကွာကျခဲ့ဖူးကြောင်း သိရသည်။

ymg/mt
#Yangon_Media_Group

#WorldHealth
Published 16 May 2022

ကိုဗစ်နောက်ဆက်တွဲဝေဒနာ ခံစားရသူများရဲ့သွေးထဲက inflammatory ပရိုတိန်း(ရောင်ရမ်းခြင်းဖြစ်စဉ်တွင် ဆဲလ်တည်ဆောက်ခြင်းက ဖြိုခွဲခြင်းထက်ပိုမိုလျင်မြန်စွာဖြစ်ပျက်နေတဲ့ပရိုတိန်း)တည်ဆောက်ပုံများဖြင့် တစ်ချိန်ချိန်ကျရင် လူနာတစ်ဦးချင်းစီကို ကုသသွားနိုင်ဖွယ်ရှိကြောင်း လေ့လာချက်အသစ်မှာဖော်ပြထားပါတယ်။

သုတေသီများလေ့လာခဲ့ရာမှာ ကိုဗစ်ရောဂါအပျော့စားသာခံစားရပြီး နောက်ဆက်တွဲလက္ခဏာများခံစားနေရတဲ့ လူနာ ၅၅ ဦးထဲက သုံးပုံနှစ်ပုံခန့်ဟာ သူတိုရဲ့သွေးထဲမှာ inflammatory protein ပမာဏများနေတာကိုတွေ့ရှိရပါတယ်။

ဆဲလ်ရောင်ရမ်းခြင်းဖြစ်စဉ်အများစုက ကိုဗစ်နောက်ဆက်တွဲလက္ခဏာအများဆုံးဖြစ်ပွားသူတွေမှာ တွေ့ရှိရပါတယ်။

အစောပိုင်းသုတေသနများအရ ကိုဗစ်နောက်ဆက်တွဲဝေဒနာရှင်တွေမှာ အဆိုပါပရိုတိန်းမြင့်မားတာကိုတွေ့ရှိခဲ့ကြပြီး လူတဝက်ကျော်လောက်မှာ ထူးခြားတဲ့ပရိုတိန်းတည်ဆောက်ပုံရှိနေကာ အချို့မှာတော့ မတွေ့ရှိရဘူးလို့ သုတေသီများက အင်္ဂါနေ့က bioRxiv ဝက်ဘ်ဆိုက်မှာဖော်ပြခဲ့ပါတယ်။

Inflammatory ပရိုတိန်းအနည်းဆုံးနှစ်မျိုးတွေ့ရှိခဲ့ကြောင်း ဆီယက်တဲလ် ရောဂါခုခံအားဆိုင်ရာ အယ်လန်တက္ကသိုလ်မှ ဦးဆောင်လေ့လာသူ'ထရွိင်တော်ဂျာဆန်'က ပြောပြပါတယ်။
ဒီလိုပရိုတိန်းတည်ဆောက်ပုံတွေကြောင့် ကိုယ်ခံအားနှိမ့်ချတဲ့ဆေးတွေ ဆဲလ်ရောင်ရမ်းခြင်းကိုလျော့ကျစေတဲ့ဆေးတွေနဲ့ လှုံ့ဆော်ပေးကာ ကိုယ်ခံအားကတုန့်ပြန်လာပါတယ်။

သွေးထဲကအဆိုပါပရိုတိန်းတွေကို တိုင်းတာသိရှိခြင်းဖြင့် အနာဂတ်မှာပေါ်ပေါက်လာနိုင်တဲ့ကုသနည်းများဖြင့် ကိုဗစ်နောက်ဆက်တွဲလက္ခဏာလူနာတွေကို ဖော်ထုတ်ကုသပေးနိုင်မှာဖြစ်ပါတယ်။

Source: Reuters.
#Yangon_Media_Group

#Local_News
Published_ 16 May 2022

မေ ၁၆ ရက် ဒီကနေ့မှစ၍ မြန်မာနိုင်ငံသားများဘဏ် (MCB)က အကောင့်ဟောင်းများမှ Online Booking ဖြင့် တိုကင်ရယူရန် မလိုတော့ဘဲ ငွေထုတ်ယူနိုင်ပြီဖြစ်ကြောင်း ထုတ်ပြန်ကြေညာထားပါတယ်။

တိုကင်ရယူရန်မလိုတော့ဘဲ ငွေထုတ်ယူနိုင်မယ့် အစီအစဉ်မှာ ၁ ပတ်လျှင် Personal Account တစ်ခုလျှင် ၃ သိန်းကျပ်၊ Company Account တစ်ခုလျှင် ၃၀ သိန်းဖြစ်ကြောင်း MCB က အသိပေးထားပါတယ်။

မေ ၁၆ ရက်မှ စတင်ကာ CBM Net ဖြင့် Account Transfer ပြုလုပ်သော အကောင့်များ မပါဝင်ကြောင်း သိရပြီး တိုကင်ရယူရန်မလိုတော့ဘဲ ငွေထုတ်ယူမှုကို ဖွင့်လှစ်ထားတဲ့ MCB ဘဏ်ခွဲတိုင်းမှာ ဆောင်ရွက်နိုင်တယ်လို ဆိုပါတယ်။

ymg-mnn
#Yangon_Media_Group

#TV Yangon Times Mattersအစီအစဉ်
Published - 14 May 2022

အစီအစဉ်တင်ဆက်သူ ဆရာဟိန်းလတ်က စာရေးဆရာအကြီးကိုကို (ကသာ) နှင့်အတူ

_ ဆရာအကြီးကိုကို (ကသာ) ရဲ့ ထွက်ရှိထားတဲ့ စာအုပ်များအကြောင်းနဲ့ စာရေးဆရာဖြစ်လာပုံများ။

_ ဆရာရဲ့ အကြီးကိုကို(ကသာ)စာကြည့်တိုက် များတည်ထောင်ဖြစ်ဖို့ပုံအကြောင်းများ။

_ ဆရာအကြီးကိုကို(ကသာ) ရဲ့ လစဉ် အမေကိုကန်တော့ဖြစ်တဲ့အကြောင်းများ" စတဲ့ စိတ်၀င်စားဖွယ် အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 15 May 2022

မေ ၁၄ရက်က ရုရှားနိုင်ငံ မော်စကိုမှာ ပြုလုပ်တဲ့ သံတမန်ရေးရာနှင့်ကာကွယ်ရေးရာကောင်စီအစည်းအဝေးမှာ ရုရှား နိုင်ငံခြားရေးဝန်ကြီး ဆာဂီလက်ဗရော့က “ အနောက်နှင့်ဖြစ်နေတဲ့ ရုရှားစစ်ဟာ ဘယ်လောက်ကြာမယ်ဆိုတာခန့်မှန်းရခက် တယ်” လို့ပြောလိုက်ပါတယ်။

Source AFP

#TV Yangon Times Mattersအစီအစဉ်
Published - 14 May 2022

အစီအစဉ်တင်ဆက်သူ ဆရာဟိန်းလတ်က စာရေးဆရာအကြီးကိုကို (ကသာ) နှင့်အတူ

_ ဆရာအကြီးကိုကို (ကသာ) ရဲ့ ထွက်ရှိထားတဲ့ စာအုပ်များအကြောင်းနဲ့ စာရေးဆရာဖြစ်လာပုံများ။

_ ဆရာရဲ့ အကြီးကိုကို(ကသာ)စာကြည့်တိုက် များတည်ထောင်ဖြစ်ဖို့ပုံအကြောင်းများ။

_ ဆရာအကြီးကိုကို(ကသာ) ရဲ့ လစဉ် အမေကိုကန်တော့ဖြစ်တဲ့အကြောင်းများ" စတဲ့ စိတ်၀င်စားဖွယ် အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 15 May 2022

အင်ဒိုနီးရှားနိုင်ငံမှာ ဟင်းချက်ဆီဈေးနှုန်းတွေမြင့်တက်လာနေပြီး  ကုန်ဈေးနှုန်းတက်မှုကို ခပ်မြန်မြန်လျှော့ချနိုင်ဖို့ သွင်းကုန်ပိတ်ပင်မှု မလုပ်ဆောင်နိုင်တာကြောင့် လူထုရဲ့ မကျေနပ်မှုတွေရှိလာနေပြီး   သမ္မတ ဂျိုကိုဝီဒိုဒိုရဲ့ ထောက်ခံမှုအဆင့်ဟာ ခြောက်နှစ်အတွင်း အနိမ့်ဆုံးရောက်ရှိနေတယ်လို့ မေ၁၅ရက် တနင်္ဂနွေနေ့ နောက်ဆုံးစစ်တမ်းတစ်ခုအရသိရပါတယ်။

အင်ဒိုနီးရှားရဲ့ pollster Indikator Politik အဖွဲ့အစည်းရဲ့ ထုတ်ပြန်တဲ့ လေ့လာမှုအရ ဂျိုကိုဝီလို့သိထားကြတဲ့ သမ္မတရဲ့ လူထုထောက်ခံမှုအဆင့်ဟာ မေလမှာ ၅၈.၁ ရာခိုင်နှုန်းသို့ကျဆင်းသွားကြောင်း ဖော်ပြထားပါတယ်။

ဒီအဆင့်ဟာ ၂၀၁၅ဒီဇင်ဘာနောက်ပိုင်းအနိမ့်ဆုံးဖြစ်ပါတယ်။ အဲဒီတုန်းက လူထုထောက်ခံမှု ၅၃ ရာခိုင်နှုန်းအထိ ကျဆင်းခဲ့တာပါ။

ဇန်နဝါရီကနေ ဧပြီအတွင်း ၁၂မှတ်ကျဆင်းသွားတာဟာ အရှေ့တောင်အာရှရဲ့ အကြီးဆုံးစီးပွားရေးအနေနှင့် ပြည်တွင်း ဟင်းချက်ဆီဈေးနှုန်းတွေနှင့် အိမ်ထောင်စုအခြေခံစားကုန်တွေရဲ့ဈေးနှုန်းတွေကို ထိန်းချုပ်ဖို့ကြိုးစားနေရတဲ့ အချိန်နှင့် ပြီးခဲ့တဲ့လက စားအုန်းဆီကို ပြည်ပတင်ပို့မှုပိတ်ပင်တဲ့ အံအားသင့်စရာ ဆုံးဖြတ်ချက်ချအပြီးမှာ ဖြစ်လာခဲ့ရတာပါ။

အင်ဒိုနီးရှားဟာ ကမ္ဘာ့အကြီးဆုံး စားအုန်းဆီထုတ်လုပ်သူဖြစ်ပြီး အဲဒီမူဝါဒဆိုင်ရာ ဆုံးဖြတ်ချက်ကြောင့် ကမ္ဘာဈေးကွက်ကို ထိတ်လန့် အံအားသင့်သွားစေခဲ့ရပါတယ်။ စားသောက်ကုန်ကရတဲ့ အခွန်ငွေတွေကြောင့် ပြည်တွင်းလိုအပ်ချက်ပြည့်မီတာနှင့် ပြည်ပပို့တာပိတ်ပင်ထားတာကိုပြန်ရုပ်သိမ်းမယ်လို့ အဲဒီတုန်းက သမ္မတက ပြောခဲ့ပါတယ်။

မေ၅ရက်မှ၁၀ရက်အတွင်း ပြုလုပ်ခဲ့တဲ့စစ်တမ်းအရ ဂျိုကိုဝီရဲ့ လူထုထောက်ခံမှုကျဆင်းရတာဟာ ဟင်းချက်ဆီဈေးနှုန်းတွေ တက်လာတာနှင့် ငွေကြေးဖောင်းပွမှုတွေ၊ မူဝါဒအရမျှော်မှန်းချက်တွေနနှင့် လက်တွေ့မြေပြင်ဖြစ်ပေါ်နေတာတွေ ကွာဟနေတာတွေနှင့်ဆက်စပ်နေပါတယ်။ ဘာဖြစ်လို့လဲဆိုတော့ ပြည်ပပို့တာပိတ်လိုက်ပေမယ့် ပြည်တွင်းမှာလည်း ဈေးနှုန်းက သိသိသာသာကျဆင်းခဲ့ခြင်းမရှိလို့ဖြစ်ပါတယ်။

လူပေါင်း၁၂၀၀ကိုမေးမြန်းဆန်းစစ်ခဲ့ရာမှာ အဲဒီထဲက ၉၀ရာခိုင်နှုန်းက ပြည်ပပို့ခြင်းပိတ်တာကို ထောက်ခံကြပြီး ၇၂ ရာခိုင်နှုန်းကျော်က ဟင်းချက်ဆီဈေးနှုန်းဟာ အကုန်အကျမခံနိုင်တဲ့အဆင့်မှာရှိနေသေးတယ်လို့ဆိုကြပါတယ်။

Source Reuters

#LocalNews
Published - 15-5-2022

မြန်မာအမျိုးသမီးလက်ရွေးစင်‌ဘောလုံးအသင်းက စင်ကာပူအမျိုးသမီးဘောလုံးအသင်းကို တစ်ဂိုး ဂိုးမရှိဖြင့် အနိုင်ရထားသည်။

ယင်းကြောင့် ရမှတ် ၇ မှတ်ဖြင့် အကြို ဗိုလ်လုပွဲကို ‌တက်ရောက်သွားပြီဖြစ်သည်။

မြန်မာအမျိုးသမီးအသင်းအနေဖြင့် အုပ်စုနောက်ဆုံးပွဲစဉ်အဖြစ် ယှဉ်ပြိုင်ကစားရာတွင် အနိုင်ရရှိခဲ့ခြင်းဖြစ်ပြီး နောက်တစ်ဆင့် တက်ရောက်ခဲ့ခြင်းလည်း ဖြစ်သည်။

ယနေ့ ညနေ ၆ နာရီ ခွဲ အချိန်တွင်ကစားမည့် ထိုင်းအသင်းနှင့် လာအိုအသင်းတို့၏ ရလဒ်ကိုလည်းစောင့်ကြည့်ရဦးမည်ဖြစ်သည်။

ymg-mt
#Yangon_Media_Group