#Local_News
Published_ 21 January 2023
အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန (NSPC) ရုံးကို ယနေ့ဇန်နဝါရီလ ၂၀ ရက် မွန်းလွဲပိုင်း ၁ နာရီခွဲကျော် ခန့်အချိန်က လက်ပစ်ဗုံးဖြင့်ပစ်ခတ်ခဲ့ရကြောင်း ရန်ကုန်တိုင်းဒေသကြီး အစိုးရအဖွဲ့နှင့်နီးစပ်သူက ပြောသည်။
"ဟုတ်တယ်။ ပစ်တာ၊ လူမထိဘူး။ ကားတစ်စီး နည်းနည်းထိတယ်၊လက်ပစ်ဗုံးက နှစ်လုံး၊ တစ်လုံးက ကွဲသွားတယ်လို့သိရတယ်။ တစ်လုံးကတော့ မပေါက်သေးဘူး၊ အခု တပ်ကရှင်းလင်းရေးလုပ်ပြီးပြီ"ဟု ယင်းနီးစပ်သူက ပြောသည်။
အဆိုပါ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာန (NSPC) ရုံးမှာ ရန်ကုန်တိုင်းဒေသကြီး၊ ကမာရွတ်မြို့နယ်၊ (၁၀) ရပ်ကွက်၊ ဦးဝိစာရလမ်းနှင့် ရွှေလီလမ်းထောင့်တွင် တည်ရှိပြီး မြန်မာနိုင်ငံ၏ ငြိမ်းချမ်းရေး ဖြစ်စဉ်များကို သက်ဆိုင်ရာအဖွဲ့များဖြင့် ဆွေးနွေးရာ နေရာလည်း ဖြစ်သည်။
#ymg/mt
#Yangon_Media_Group
