#Local_News
Published _3 May 2023
အကျဉ်းကျခံနေရသော ရန်ကုန်စီးပွားရေးရာဝန်ကြီးဟောင်း ဦးအောင်သန်းဦး အင်းစိန်ဆေးရုံကြီးတွင် ကုသနေစဉ် ယနေ့ မေလ ၃ ရက် နံနက်က ကွယ်လွန်သွားကြောင်း သိရသည်။
အင်းစိန်ဗဟိုအကျဥ်းထောင်၌ကျခံနေရစဉ်ကျန်းမာရေးမကောင်းသောကြောင့် အင်းစိန်ပြည်သူ့ဆေးရုံကြီးသို့ ပြောင်းရွှေ့ကုသနေစဉ်ကွယ်လွန်သွားခြင်းဖြစ်ကြောင်း သိရသည်။
ဦးအောင်သန်းဦးသည် ရန်ကုန်တိုင်းအတွင်းရှိ မြေ ကွက်ချထားပေးမှုများတွင် အဂတိလိုက်စားမှုများရှိသည် ဟုဆို ကာ ၂၀၂၂ ခုနှစ် ဇွန်လအတွင်းက ဖမ်းဆီးခံခဲ့ရခြင်းဖြစ်သည်။
ယင်းနောက် အဂတိလိုက်စားမှုများဖြင့်တရားစွဲခံရကာ၂၀၂၂ ခုနှစ်၊ ဒီဇင်ဘာလ ၈ ရက်တွင် ထောင်ဒဏ်နှစ်၂၀ ချမှတ်ခံခဲ့ရခြင်းဖြစ်သည်။
#ymg/pl #Local_News #ရန်ကုန်စီးပွားရေးရာဝန်ကြီးဟောင်း # ဦးအောင်သန်းဦး
#YMG #Yangon_Media_Group
