#Local_News
Published _ 14 Published 2022
ပြင်ဦးလွင်မြို့၊ ရပ်ကွက်ကြီး(၁)/၁၄ထုံးဘိုရပ်ကွက် နေကြာရုံဘေးတွင် ပိုင်ရှင်မဲ့ အမျိုးသားအလောင်း တစ်လောင်းတွေ့ရှိခဲ့ကြောင်း သန္တိသုခ အခမဲ့ လူမှုကူညီရေးအသင်းမှ သိရှိရသည်။
ဖြစ်စဉ်မှာယနေ့ ဒီဇင်ဘာလ ၁၄ရက်တွင် ပြင်ဦးလွင်မြို့၊ ရပ်ကွက်ကြီး(၁)/၁၄ထုံးဘိုရပ်ကွက် နေကြာရုံဘေးတွင် အိမ်ခြေမဲ့အနေအထားမျိုးနှင့် အမျိုးသားတစ်ဦး သေဆုံးလျှက်တွေ့ရှိခဲ့တာကြောင့် ရပ်ကွက်မှတာဝန်ရှိသူများက အသင်းထံအကြောင်းကြားသဖြင့် အလောင်းအား သွားရောက်ကူညီသယ်ဆောင်ပေးခဲ့ကြောင်း သန္တိသုခ အခမဲ့ လူမှုကူညီရေးအသင်းမှ တာဝန်ရှိသူက YMG ကို ပြောခဲ့သည်။
"ကျွန်တော်တို့ရောက်တော့ မနက် ၆ခွဲလောက်ပေါ့နော် သူကအေးစက်တောင့်တင်းနေတော့ မနေ့ကညလောက်ထဲက သေနေတယ်လို့ ခန့်မှန်းရပါတယ်။ ပြီးတော့ သူကအရက်သောက်တတ်တယ်လို့လည်း ရပ်ကွက်အုပ်ချုပ်ရေးမှူးက ပြောပါတယ်။ နေကြာရုံဘေးမှာပဲ အိမ်ခြေမဲ့ပုံစံနဲ့နေနေတာ ကြာပြီလို့လည်းသိရပါတယ်။ အအေးပတ်ပြီး သေ သွားတာဖြစ်ဖို့များတယ်" ဟု အသင်းမှတာဝန်ရှိသူက ဆိုသည်။
ယင်းနောက် အသင်းမှ ပိုင်ရှင်မဲ့ အလောင်းအား ပြည်သူ့ဆေးရုံကြီး ရင်ခွဲရုံသို့ ပို့ဆောင်ပေးခဲ့ကြောင်း သိရသည်။
#Ymg/NN
#Yangon_media _group
