#Local_News
Published _ 8 november 2022
မွန်ပြည်နယ် သံဖြူဇရပ်မြို့နယ်၊ ဝဲဘို့တောင်ကျေးရွာရှိ ဘုန်းကြီးကျောင်းတစ်ကျောင်းလုံး မီးလောင်မှု ယနေ့ နံနက် ၇ နာရီခန့်က ဖြစ်ပွားခဲ့ကြောင်း လူမှုကူညီရေးအသင်းများထံမှ သိရသည်။
"မီးကဘယ်ချိန်တည်းက လောင်နေလဲတော့ တိတိကျကျ မသိရဘူးပေါ့နော်။ ကျွန်တော်တို့ကိုဆက်သွယ်တော့ မနက် ၆နာရီရှိနေပြီ၊ သွာငြှိမ်းတော့ ကျောင်းကအကုန်နီးပါးလောက် လောင်ကျွမ်းနေပါပြီ။ မနက် ၇နာရီခွဲလောက်ကကျမှ ငြှိမ်းသတ်နိုင်ခဲ့ပါတယ်။ ထိခိုက်မှုကတော့ တစ်ယောက်မှမရှိပါဘူး"ဟု စတနာရှင်လူမှုကူညီရေးအသင်း၏ တာဝန်ရှိသူက ဆိုသည်။
မီးလောင်မှုဖြစ်ပွားရာနေရာသို့ သံဖြူဇရပ်မြို့နယ် မီးသတ်ဖွဲ့တို့နှင့်အတူ စေတနာရှင် လူမှုကယ်ဆယ်ရေးအသင်း ၊ သံဖြူဇရပ်မြို့ကျေးရွာများမှ မီးသတ်ဖွဲ့အသီးသီးတို့မှ သွားရောက်၍ မီးဝိုင်းဝန်းကူညီငြှိမ်းသတ်ခဲ့ကြောင်းလည်း သိရှိရသည်။
#ymg/NN
#Yangon_Media_Group
