#Local_News
Published - 8 September 2022
ဧရာဝတီတိုင်းဒေသကြီးတွင် မိုးစပါးစတင်ထွက်ရှိချိန် စပါးတင်း (၁၀၀) ကို ကျပ် ၁၃ သိန်းဝန်းကျင်အထိ စျေးကောင်းရရှိနေကြောင်း စပါးကုန်သည်များထံမှ သိရသည်။
ပြီးခဲ့သည့်နှစ် မိုးစပါးစတင်ထွက်ရှိချိန်တွင် တင်း (၁၀၀) ကို ငွေကျပ် ၆၅၀,၀၀၀ မှ ၇၀၀,၀၀၀ အထိ သာစျေးရခဲ့သော်လည်း ယခုနှစ်တွင် ဧည့်မထစပါး အခြောက် တင်း (၁၀၀) ကို ငွေကျပ် ၁၁ သိန်း မှ ၁၃ သိန်း ၀န်းကျင်၊ စပါးအစိုတင်း (၁၀၀) ကို ငွေကျပ် ၉၅၀,၀၀၀ အထိ စျေးရနေကြောင်း သိရသည်။
လက်ရှိထွက်ရှိနေသည့် စပါးမျိုးသည် ဇွန်လတွင်စိုက်ပျိုးသည့် ရက်(၉၀)စပါးဖြစ်ပြီး အထွက်နှုန်းပုံမှန်ရှိကာ သွင်းအားစုစရိတ်တက်လာသည့်အတွက် မနှစ်ကထက် စပါးစျေးပိုကောင်းလာခြင်းဖြစ်ကြောင်း သိရသည်။
ဧရာဝတီတိုင်းဒေသကြီး ဆန်စျေးကွက်မှာ စပါးဟောင်းစျေးနှုန်းများ မြင့်တက်နေသည့်အတွက် စပါးသစ်တွေပါ စျေးကောင်းရနေခြင်းဖြစ်ပြီး လာမည့်လများတွင်လည်း မိုးစပါးလှိုင်လှိုင်ထွက်ရှိလာမည်ဖြစ်ကြောင်း သိရသည်။
#ymg/sth
#Yangon_Media_Group
