#Local_News
Published-31 August 2022
လက်ရှိငွေကြေးဈေးကွက်တွင်များစွာ ဂယက်ထနေပြီး ရင်းနှီးမြှုပ်နှံသူများက ခိုင်မာ၍ ပိုင်ဆိုင်မှုရှိသည့် အိမ်ခြံမြေဈေးကွက်အပေါ် ရင်းနှီးမြှုပ်နှံမှု ပိုများလာကြောင်း သိရသည်။
လက်ရှိ ပြည်တွင်းတွင် ငွေကြေး မတည်ငြိမ်မှုသည် အကြီးစားရိုက်ခတ်မှုသဘောဖြစ်နေပြီး ငွေကြေးဖောင်းပွမှုကို အနည်းဆုံး ထိန်းထားနိုင်သည့် အိမ်ခြံမြေအပေါ် ရင်းနှီးမြှုပ်နှံမှု ပိုမိုပြုလုပ်လာသော်လည်း အိမ်ခြံမြေဈေးများ အတက်ဘက်သို့ သွားနေကြောင်း သိရသည်။
ယခင်က မိုးရာသီတွင် အိမ်ခြံမြေဈေးကွက် အရောင်းအဝယ်အေးသည့် အချိန်ကာလဖြစ်ပြီး နိုင်ငံရေးအခြေအနေ၊ ငွေကြေးဈေးကွက်ဂယက်များကြောင့် အိမ်ခြံမြေဈေးကွက်မှာ လှုပ်ခတ်လာရခြင်းဖြစ်သည်။
လက်ရှိဈေးကွက်ထဲတွင် သိန်း ၁၀၀၀ နှင့် ၃၀၀၀ ကြား အရောင်းအဝယ်ပိုမိုဖြစ်လျက်ရှိပြီး သိန်း ၁၀၀၀ အောက် တိုက်ခန်းများ ဝယ်လိုအား နှေးနေကြောင်း၊ ပြည်နယ်နှင့် တိုင်းအလိုက်ကြည့်ပါက ရန်ကုန်မြို့တွင် ပိုမိုရင်းနှီးမြှုပ်နှံကြကြောင်းလည်း သိရပါတယ်။
#Ymg/STH
#Yangon_Media_Group
